تحذير الموضوع من قديم الازل وأنا بقلب في دفاتر قديمة اوي
احم طيب بعيدا عن الدراما اللي خلصت واللي انا استوعبتها متأخر... الموقف يضحك اوي يعني اللي هو طب المفروض اضحك من تفاهة الموقف ولا اكمل دراما ونقاش مع باقي الناس
رقم واحد ان الناس بدأت تتخانق وزين مسلم لا مش مسلم من قبل ما المقال يتنشر اصلا... وبعد ما اتنشر الناس اتقسمت لاتنين ناس قرؤا المقال وعرفوا ان زين مجابش سيرة دينه وان المذيعة عرفته علي انه بريطاني باكستاني مسلم. وناس تاني الارسال عندها متأخر شوية ولسة مصممة ان هو قال كدا
طب معلش يعني هو لو قال كدا وان هو مش مسلم... رقم واحد هو مغلطش فدينه رقم اتنين هو قال * حسب اللي سمعته من الناس يعني * إنه فخور باللي اتربي عليه من الدين + قال ان هو بيأمن بكل الاديان وصاحبتي مسلمة قالتلي ان المسلمين المفروض يأمنوا بكل الديانات ويدرسوها
وكمان حكاية البويز دي... من الحاجات اللي بجد خلتني ابص لزين بنظرة تانية وافتكرته ان الكلام دا بجد وكمان شوية انا بجد كنت هكره زين... او ممكن نقول كان هينزل من نظري... طيب دا اللي هيبان من اول نظرة للموقف
بس فنفس الوقت لو فكرنا فيها بالعقل هنلاقي ان كلامه مش منطقي
بصوا ... انا لو واحد مش مرتاح فالفرقة بتاعتي + مش مكون صداقات مع اعضاء الفرقة اللي بقضي معاهم وقت اكتر ما بقضيه مع اهلي بالذات فالتاور مثلا دول بيقعدوا وشهم فوش بعض بالشهور
لو مش مرتاح او علي الاقل مش مستمتع كنت هطلع من الفرقة وبلاها حرقة دم 5 سنين انا ايه اللي جابرني اقعد مع ناس مش بحبها 5سنين واتظاهر بكدا... حد هيقولي ضغط علي نفسه عشان عاوز يتشهر وضريبة الشهرة وبتاع..
حضرتك ون دايركشن بقوا مشهورين من وهما فالمسابقة وزيادة تأكيد كان ممكن يمشي بعد اول ألبوم عملوه وخدوا عليه جوايز واتعرفوا كون دايركشن رسمياً
وكان هيتقال عليه برضو زين مالك من فرقة ون دايركشن وبلابلابلا +انا مش هقول اهداء البويز الجايزة لزين او التويت بتاع ليام او او او عموما انا محضرتش الكلام دا اصلا
انا بس هقول بصوا علي بوست زين بتاع ون دي لما نزل الجاكيت والكوتشي زين لو بجد مش عامل صداقات مكنش هيحب ايامه فالفرقة... يعني تخيل انت قاعد فمكان شغل او مدرسة ومش معاك حد تعرفه وتقدر تتكلم معاه او تهزر معاه.. المكان هيبقي كئيب واظن كلنا شوفنا ضحكة زين وهو معاهم وازاي كان عاوز يرجع الفرقة وازاي وازاي وامثلة كتيرة عن كدا أعرفها ومعرفهاش وفي ناس تاني تقدر تحكي المواقف دي احسن مني لانها كانت موجودة فيها
دي من وجهة نظر زين.... طب ليه مفكرناش نشوفها من وجهة نظر ليام او اي حد تاني من البويز مثلا هما لو فعلا ذي ما قال المنيل علي عينه وان هو كان انطوائي ومكونش صداقات.... يبقي كان هيبقي منبوذ عالمسرح مثلا!! وان الباقي مكانوش هيكلموه.... هسيبلكوا الحتة دي تردوا فيها
ليام بما ان هو اللي فيه الخير وبينزلنا عن ون دايركشن ....لما عدي 1000 يوم عالبريك المنيل دا فاكرين الصورة اللي ليام نزلها.... طب فاكرين انها كانت للخمسة مع بعض طب لما زين مكنش من صحابهم والهبل دا ليه منزلش صورة ليهم هما الاربعة بس وما اكثر الصور ليهم هما الاربعة ومكنش حد هيقوله حاجة لأن ون دي رسميا بقت مكونة من اربعة مش خمسة... الموضوع دا ينقلنا لما سال زين الفرقة... لووووول نفس الحوار بوضو اللي هنطبقه علي كلام زين دلوقتي هنطبقه لما ساب الفرقة..... حتة بسيطة كدا وفكروا فيها ايه كل ما ييجوا البويز يتكلموا الفرقة... بيجيبوا سيرة زين ؟ من وجهة نظري.... لا لسة مش مستوعبين فكرة ان زين ساب الفرقة
حكاية بقي الموديست اجبروه دي.... من ناحية مش مقتنعة بيها ومن ناحية تاني... بقول لنفسي ماهو دا التفسير المنطقي للموضوع يعني اكيد مش هيقول الكلام دا من نفسه مثلا مش هيلاقي نفسه صحي من النوم وايه دا انا عاوز اعمل دراما النهاردة طب يلا هروح اعمل مقابلة مع المجلة واعمل شوية دراما عشان الفانز قاعدين مش لاقين حاجة يعملوها
وبرضو انا شايفة ان محدش يقدر يجبر حد علي إنه يقول حاجة هو مش عاوزها او هتضر بصحابه... بس ذي ما حصل وساب الفرقة اهو حصل وقال اللي قاله ومن ناحية تاني لو حاولنا نجيب تفكير زين بخصوص الموضوع دا هيقولك ان هيحصل دراما ذي ما الموديست عاوزين والفانز هيفهموا الموضوع ويومين والموضوع يختفي ذي اي خبر بيختفي وبيتنسي ولو رجعت الفرقة هينسوا كل دا
وحاجة تاني بسيطة ههه معلش يعني أياً كان مين اللي عاوز الدراما دي والفلوس.. لو عاوزين تجيبوا فلوس ممكن تنقوا حاجة منطقية شوية مش كدا
واخر حاجة بقي
@زين....
ربنا ما يحرمنا من الدراما بتاعتك يا زيزو هي اللي بتخلي يومي له طعم كدا وانا بضحك علي اللي بيحصل 💃💃
هاااااح ارتحت اوي من الكلام دا... بس لسة الموقف بيضحكني يعني
فاكرين رودجر...
ايوه ايوه هو رودجر بتاع اصدقاء السوء وزين والحاجات دي...
هو مش زين بيقول ان رودجر دا شبهه يقي خلاص خلصت الحكاية رودجر هو اللي راح يعمل المقابلة مع مجلة Vogue وقال كل اللي احنا فاكرين ان زين قاله
... وفنفس الوقت لو شوفنا الحل دا هيبقي منطقي جدا ان زين ينزل اغنية لـ ون دي عشان يصلح اللي عمله رودجر الكلب
طبعا وجهة النظر دي قصيرة عشان مش هقدر افتي فيها اكتر من كدا
اغنية جود ييرز
أنت تقرأ
One Direction - إتجاه واحد
Randomكتاب يناقش موضوعات ربما ستشغل تفكير أحد ما الكتاب عن فرقة One Direction 💙💙
