علاقات زائفة

البارت السابع والاربعون

موسى : كاااافي انتو ما تحترمون جبير ولا صغير شطلعت هاي ..

صميم : انه طالع ، والمشية اسبوع الجاي اللي يحب يحضر اهلا وسهلا اللي مايحب براحتو ..

تخبلت يعني هذا شنو من بشر مهما صار بينه ، اذا هو يحبني المفروض يصبر عليه ، يجاريني ، يسوي اشياء حلوه في سبيل يغير نضرتي عنه ، يحاول بالقليله يصالحني ويه اهلي..

المهم بليل ، دز عمو عليه نزلت ، جان كاعد بالربعه ويمه صميم شافني كال ..

موسى : تعاي يابه كعدي هين ..

حجاها ومأشر على المكان اللي بصفه ..

رحت كعدت ، ومقابيلي صميم ..

حجه ويانه ثنينه واحنه ساكتين اخر شي كال ..

موسى : يابه ابني يكول احبها واريدها واذا تردلي ما اخطب ولا اباوع لوحده غيرها فد ترجعلي، شنو رأييج انتي ..

بنان : ارجعله مقابل شرط اذا نفذه بعيني ..

موسى : شنو شرطج ، شرطي يابه حكج ...

بنان : يروح لأهلي ويعترف بالسواه بيه ، ويكللهم اخذني غصب واني ما الي ذنب ، ويعتذر منهم ، ويخطبني من جديد ان قبلو اهلي ارجعله مقبلو يطلكني ويتزوج اللي تعجبه .

موسى : خوش كلام وهذا عين العقل ...

صميم : بالنسبه الك مو الي ..

عمي انصدم التفتله ۔

موسى : شلون يعني ما فهمت ..

صميم : انه لا اعتذر من احد ولا اتنازل لاحد ، انه اعتذرت منها وصالحتها مارضت ، هاي اربع حياطين داير ميدورها وين ما يعجبها تركع راسها ، من رخصتك حجي ..

عافنه وكام التفتت لعمو وكتله .

بنان : شفت عمو هاي كدامك ابسط حق من حقوقي ميقبل يسويه اليه ..

جر حسرة وكال ..

موسى : مسحيها بوجهي يابه ..

بنان : عمي كثرت سوالفه العوج شمسح حتى امسح ...

ربت على كتفي وكام فشلان من سوالف ابنه ...

مرت الايام هدوء ، بس اللي اذاني ، مرات يوكف اباب غرفتي يحجي ويه بنات يتقصد يسمعني ، هيه صح خمس دقايق ، بس تمر عليه عبالك سنين ..

قرب موعد المشيه ورجعت الهوسه بلبيت ، عمي جراح تخبلو منه ، اخر شي كلوله احنه منجي وياك روح وحدك اللي فهمته من مسرة ، ماخذ وياه عمامه ٣ ومن ضمنهم جبر ، واخته زها وعماته ثنين وطالبين امل ..

احترك البيت مشاكل بين صميم وابوه وجراح ..
اني اعتزلت فوك كمت ما انزل ابد علمود ما اشوفه .

بس شنو اني احمس بروحي حمس ، انقهر مو عليه ، على نفسي ..

حسيت انذليت ، جذب وحده بموقفي متتأثر وتكول