علاقات زائفة

البارت السابع والاربعون

بنان : سوي اللي يعجبك ، بس خلي ابالك تتزوج اليوم اني اطلع ثاني يوم ، واريد اشوف شلون تمنعني ..

صميم : رجلج اكسرها ، والله اخليج بحسره الهوى ، العب على اعصابج ..

بنان : اكثر من هيج شتسوي يا صميم .

صميم : شغلات ما تخطر على بالج ، أأذيج بيها ..

بنان : كلبي مات منك روح شنو تسوي سوي ...

باوعلي بنظرة حقد وهز راسه وطلع ...

رد رجع ...

بنان : ها نسيت شي من تهديداتك وتذكرتها هسه ..

اجه باوعلي بعتب..لزم ايدي وكال ..

صميم : مجنتي هيج بنان ، كلشي بيج تغير ، اعرف افعالج هاي رد فعل على افعالي و ابسط رده فعل الج هيه الحقد وهذا حقج ، فد ماجنت اتصور راح تستعمليه بهيج صوره ...

بنان : ليش الحقد اله صور واله مراحل برأييك ..

صميم : انتي ترفه وما اعتقد وحده بترافتج تجيد ابجديات الحقد بهيج حديه ....

بنان : شوف صميم ، اني اعترف بحياتي كلها لا عرفت الحقد نوعه ولا شكله ولا حسيته ، لان الداير مدايري ناس انقياء بنقاء الماء واكثر ، بس من تعرفت عليك وشفت سوء اخلاقك لاي درجه وصلتني ، الحقد دك باب كلبي ودخل وتربع بيه ...

صميم : حجيج معناتو مابيج امل ..

رفعت حاجبي بمعنى لا ...

عافني وطلع ..

اسمع هوسه جوة تقربت للباب ،سمعت عمي مسح الارض ب زها وهيه كلمه بكلمه ويه ابوها واسمعهة تكول..

زها : صميم بعزيه روحي ، اذا هو ممرتاح انه ما ارتاح عليش تتكبر عليه ، احسن ام اب ..

موسى : معليج منها ، فوك ظلم اخوج وقباحتو تجين تجميلها انتي ، بدل ما تواسينهاا تطيبين خاطرها..

زها : خابرتها وحاجيتهة بلطف ورديت حذرتها ما سمعت عليش تلومون اخوي لانه رد حكو ، ورجعها من حضن ابن عمها ..

سمعته ضربها ، لان بجت وصاحت..

زها : هاي تاليتك يابه تضربني ..

موسى : وراسج اكسرو ، جنتي وي مسرة هسا تفرغتي ل بنان ، ذن بناتي واللي يأذيهن يأذيني ، وانت عاجبك تتزوج اتزوج بيتي متوصلو وانه متبري منك ليوم الدين ..

سمعت صوت جراح يحجي بنبرة غضب ..

جراح : صلوت حجي يرادلك ذبيحه واخيرا انتفضت ضدو وعرفت سوالفو عوج وما تعجب ..

موسى : اسكت انت انه بليه شي كلبي محترك مو وكتك ابد ..

جراح : حس بمعاناتي سنين كلبي عالو وكتلك لا تخطبلو مره لانه مو كفو ..

صميم : انه ساكت واكول اخوي وجبير وحسبه ابوي ، فد لا تتمادى لان صبري اله حدودو ...

جراح : يلا انه اليوم كاعدلك ورايد صبرك ينفذ تاشوف شتسوي ..