عمر: اعرف مسافر وعليش هيج حالج ، تخله عنج ، لو شنو كالج بالضبط ...
بنان : اني حامل والطفل عمرة شهرين ...
انصدم ، باوعتله خله ايده بشعره ، ورفع راسه ليفوك غمض قوي ..اسمعه يستغفر ....
راح مشى ورجعلي ، كعد على المصطبه ، ليغاد مني ..
عمر : فهميني وحده وحده شلون هيج صار وشوكت وشلون سمحتيله هيج يسوي بيج...
بنان : جبرني ، وقبل شهرين اجه اخذني من الجامعه ، ومن رفضت شالني ، وهددني ورحت وياه ووو ،
جريت نفس خجلت اكمل ...
عمر : وهساع المطلوب مني شنو ، كولي ، تريدين اجيبو الج ، احفر الكاع واطلعو فد اشري ...
بنان : اريد اوصل اله ،ابلغه بحملي ، لان ميدري ..
عمر : شلون ميدري عجل ، انتو مو تتخابرون وتلتقون لو شنو فلمكم تراني دخت حيل...
بنان : احنه منفصلين من شهر السابع ، واجه اخذني لشقتكم بشهر ال ١١ ، ومن بعدها انفصلنه ومن عرفت مكان شغله رحتله وطلبت يطلكني وطلكني ...
عمر : شلووون هيج تطلبين منو شلووون وانتي بهيج حال ، ول بنان تردين تشهررين بروحج ، عجل اذا ما اخذج وعلن زواجكم شتكولين لأهلج للناس ، فرضي واحد خطبج ، شيكون موقفج وهو يعرف انتي مخطوبه ما كملتي زواجج ،والشغله الخ طلاكم باطل يعني لساتج مرتو . .
بنان : كلت ما اتزوج ..
عمر : هذا حجي ، بنان عقلج وينو ، زين منو يدري بسالفه حملج غيري انه ..
بنان : بس انت تعرف ، بلغتك حتى تساعدني ..
عمر : عليش ما حجيتي لأهلج ، يوكفوه عد حدو ، هذا الشي جبير وما ينضم ، وتطير بيه ركاب، خاف ما تدرين شغلتج جبيرة ،وما ينسكت عنها ، امشينه نروح نبلغ اهلج انه وانتي ، وانه اشهدلج ...
بنان : عمر انت شكاعد تحجي ، تريدها تصير دم ، لو اريد جان اني حجيت ، اخوتي ميتحملون يسمعون هيج شي ولا ابويه يطب ساكت ويموت من قهرته ، اني اجيتك لان انت كتلي اني بمثابه اخوج واي شي تحتاجين اني اساعدج...
عمر : اساعدج بشغلات ثانيه مو هيج شغله ، بنان هاي شغله شرف ، وان كان بحلال ومرتو ، تعده حدودو وياج وخان الامانه ، ودي اشوفو اله اشرب من دمو وحك هو الله ...
بنان : اريد رقمه ، شلون اوصله .
عمر : رقمو غالقو لان خارج البلد ، فد اروح باجر للرمادي واسأل بلكت عايف رقم او خبر رجعتو شوكت ...
بنان : راح اتعبك ويايه وفضلك ما انساه ..
عمر : انه اخوج واذا ما طلعت حكج من عيونو ، ما اتسمه عمر ...
بنان : تسلم انت اخ ونعم الاخ الله يريح بالك بجاه الحبيب محمد ..
عمر : ولو مو وكته فد رايد أسألج ...
أنت تقرأ
علاقات زائفة
Romanceالعلاقات الحقيقية هيه العلاقه البسيطه المريحة التى لا تتأثر بالغياب او بالأنشغالات العلاقات التي لا يفسدها الزمن او المصالح او الاختلافات علاقات اساسها صحيح الود فيها محفوظ والعذر فيها مقدم على العتب والكلفه منها مرفوعه والحديث يؤخذ على احسنه...
البارت السابع والعشرون
ابدأ من البداية