ရှင်းရန် ကြိုးစားပြုံးယူကာ ပြောလိုက်သည်။
"ငယ်ကတည်းက ငါတို့နှစ်ယောက်ရန်ဖြစ်တိုင်း အမြဲဖြန်ဖျေပေးရသူက ဟွားအယ်နော်"
ကျောက်ဟွမ်၏ မျက်နှာထက်တွင်လည်း အပြုံးခပ်ဖျော့ဖျော့ပေါ်လာလေသည်။
"ဟုတ်တယ်...ဟွားအယ် ဖြန်ဖျေမပေးမချင်း ငါတို့မပြေလည်တတ်ဘူး...အမြဲတမ်း ငါတို့နားမှာ ဟွားအယ်ရှိတယ်...နောက်ကျ ငါတို့ရန်ဖြစ်တဲ့အခါ ဟွားအယ်က ဘေးနားရှိနေနိုင်တော့မှာ မဟုတ်ဘူး...ခုချိန်ကစပြီး ငါတို့သုံးယောက်တူတူ ပြန်ဆုံနိုင်မယ့် အချိန်အတိအကျကို ငါတို့ မခန့်မှန်းနိုင်တော့ဘူး"
နှစ်ယောက်လုံး၏ မျက်နှာထက်တွင် ဝမ်းနည်းမှုတို့သည် အထင်းသားပေါ်ပေါက်လာခဲ့သည်။
"ငါတို့ သူငယ်ချင်း သုံးယောက် တခါမှ အကြာကြီးခွဲပြီး မနေခဲ့ဖူးဘူးနော်...အသားကျဖို့ တော်တော်ကြိုးစားရမှာ...ကျောက်ဟွမ် နင်ထီးနန်းရရင် ဟွားအယ်ကိုတော့ မထိခိုက်ရဘူး...နင် သူ့ကို ထိခိုက်အောင်လုပ်ရင် ငါနင့်ကိုဘယ်တော့မှ ခွင့်လွှတ်မှာ မဟုတ်ဘူးနော်"
ကျောက်ဟွမ်၏ မျက်နှာထက်တွင် စိတ်တိုသော အရိပ်အယောင်တို့ ပေါ်ပေါက်လာပြီး ရှင်းရန်အား နီရဲသော မျက်လုံးများဖြင့် ကြည့်ကာပြောလာသည်။
"ငါက ဟွားအယ်ကို ထိခိုက်အောင် လုပ်မဲ့သူလား...ငါတို့အတူတူကြီးလာတာ...ဟွားအယ် အပေါ် ငါ့ရဲ့ဂရုစိုက်မှုကလည်း နင့်ထက်တော့မလျော့ဘူး"
"အေးပါ ငါသိပါတယ်...ငါက ဒီတိုင်း စိုးရိမ်လို့ပြောတာပါ...ဟွားအယ်က ငါတို့အပေါ်အရမ်းကောင်းတာ နင်လည်း အသိပါ...ဟွားအယ်ဆိုတာ ငါ့အတွက်တော့ အရမ်းချစ်ရတဲ့ မောင်လေးပဲလေ...နင့်အတွက်လည်း ညီလေးလိုလူပဲမလား"
ရှင်းရန်စကားကြောင့် ကျောက်ဟွမ်၏ မျက်နှာသည် လုံးဝပျက်ယွင်းသွားသည်။
ကျောက်ဟွမ် ပြန်မဖြေချင်သောကြောင့် စကားလမ်းကြောင်းလွှဲလိုက်သည်။
"ရှင်းရန် နင့်လည်ပင်းက ဆွဲကြိုးလေးကို ချွတ်ပြီးသိမ်းထားပါလား...အဲဒါ နင့်အဖေ ပေးခဲ့တဲ့ အမွေမို့လား...ပျောက်ပျက်မသွားအောင် ချွတ်ပြီးသေချာသိမ်းထားလိုက်လေ"
![](https://img.wattpad.com/cover/228214036-288-k660638.jpg)
YOU ARE READING
ရာဇဝင်ထဲက ကျွန်တော့်ချစ်သူ(Complete)
Historical FictionZawgyi "ကိုယ့်ပြည်သူတွေ ကိုယ်ဂရုစိုက်ပါတယ်။ ဒါပေမဲ့ မင်းနဲ့ယှဥ်လာရင်တော့ ကိုယ်မင်းတစ်ယောက်ကိုပဲ မြင်တယ်" ကံကြမ္မာသည် ဆန်းကြယ်လွန်းလှသည်။ ရာဇဝင်ထဲ အချိန်ခရီးသွားပြီးနောက် သူ၏နှလုံးသားတစ်ခုလုံးနှင့်ရင်း၍ ချစ်ရသူအား ရှာဖွေတွေ့ရှိခဲ့သည်။ Unicode "ကိုယ့္...
အပိုင်း(၂၅)မေချင်းနတ်ဘုရားမမှန်း သိရှိခြင်း
Start from the beginning