وَطّن.

ثمانيه

"هلا يا روح عزوز انت" قال عّز و هو يخز عُمر "تمام و انت شلونك؟".

"انا تمام، شنو شفيكم؟ ما تتحاجون؟" سأل حمني و هو يطالع بينهم.

عّز ضحك باستهزاء " والله يا حمني مادري شفيه صاحبك".

"صاحبه بيكسر لك ضروسك لو ما سكتت" قال عُمر بتهديد.

"يمه! خفت!" مَثّل عّز الخوف.

عُمر تأفف و طلع برا البيت ما يبي يتهاوش مع عّز. لحقه حمني و ركبوا سياره حمني كون ان عُمر ماله خلق يسوق. "عمور شصاير؟" قال حمني بقلق.

"ماكو شي حمني، سوق و بس" قال عُمر بنرفزه.

حمني شغل السياره و حط ايده فوق ايد عُمر "طيب اهدأ، ما في شي يستاهل والله".

"اي صح" قال عُمر و هو شاد على ايد حمني.

"اسمع الاغنيه و الله حلوه!" قال حمني و هو يعلي المُسجل. "انته عندي مو ضروري،يعني ميهم لو غبت. انته لوعمري وحياتي ،جان بعدك ماعشت" بدأ يغني حمني مع الاغنيه.

ابتسم عُمر على غباء حمني و شلون قاعد يمد الكلمات مّد، بس زادت ابتسامته لما شاف ان حمني قاعد يصوره "هيه لا تصور بعدين يطيحون بغرامي!".

"عشششتو" قال حمني بضحك.

عدت دقايقهم و وصلوا الجامعه و نزلوا لقوا بدر و مبارك قاعدين بالحديقه مبارك كان يشرح لبدر كون انه مساعد استاذ الماده. ابتسم بدر ابتسامه عريضه يوم شاف حمني و ترك مبارك يسولف و يسولف بدون ما يرد عليه.

"يويلي هلا" قال بدر بلهفه.

ابتسم حمني بخجل "هلا فيك" و قعد جنبه، "هاي مبارك شلونك" قال حمني.

"الحمدالله" ابتسم له مبارك و التفت لعُمر بعدها "عُمر شلونك؟".

"الحمدالله استاذ، يلا عن اذنكم انا بروح للقاعه" قال عُمر.

"لحظه انا بروح شوي بس اخلص هالشرح لبدور، نروح مع بعض. اقعد يمكن تستفيد من الشرح" قال مبارك لعُمر.

"ما استفدت من شرحك بالمحاضره بستفيد الحين؟ انا فاهم ماعليك" قال عُمر و هو ينزل نظارته الشمسيه عن عينه.

"اح" قال بدر و هو يحاول يكتم ضحكته "اسف بروك بس والله يضحك" قال لما ضحك بصوت عالي.

"عُمر ابيك بعد المحاضره" صرخ عليه مبارك و هز عُمر راسه.

قدّم عُمر اختباره و كان سهل عليه، حل بسرعه و جاء بيسلم ورقه، بس مبارك أشر له انه يقعد بكرسيه و مايطلع. مد شفايفه عُمر و قدم الورقه ما سمع كلام مبارك، طلع من القاعه بعد ما لف على حمني و لقاه يغش من بدر، هز راسه باحباط. من متى حمني يغش؟

"عُمر" ناداه مبارك.

التفت عُمر "هلا استاذ؟".

ابتسم مبارك "ابيك تراقب لي امتحان، يوم الخميس".