صميم : عليش تضحكين يولو انه حاجي شي تره بعدني..
حور : لا مو اريد اشوف قدراتك الابداعيه بالغش اكيد عبرت المراحل بالكلاوات ، مثل مرتك ..
بنان : يا جلبه ..
صميم : انه كايل غاش جبت طاري بعدني بسم الله ..
حور : مبين الكتاب من عنوانه كمل الله عليك ..
صميم : ول حور لا تقاطعين ...
حور : لا هاهيه ..
صميم : اي وجان نلزم واحد من ذول الشطار حيل جان يكعد بالبدايه ونضارته جعب بطل ، ويسج اربع وعشرين ساعه ، جريناه من ركبتو وكعدناه وتسطرنه بعدو ، هو و ولد وانه و وراي ٣ ، معتمدين واحد ياخذ من الثاني ...
توزعت الاسئله وبده يحل ابن الكلب ماعرف شلون يحل سريع عبالك مو دماغ عندو ، وما نحس اله اخذ ورقتو وطلع ، هنا حرنه شلون ، اشرنه لصاحبنه لفلي برشومه وشمرها اخذتها منو وخليتها بيدي ، وانه مندمج اكتب ، حسيت واحد وكف فوك راسي رفعت راسي الاستاذ ...
حور : حل لزمك ...
صميم : مو بالحيف شسويت انه كاعد وخال رجل على رجل ، وبسرعه دحست البرشومه بالحذاء تكرمون .
اجه الاستاذ كومني فتشني مالكه شي ...
ارتاحيت ، صح ماكملت المكتوب بيها فد حليت سؤال من ضمن ٣ اسئله ...
كمت سلمت ورقتي وطلعت نزعت الحذاء ادور البرشومه ماكو يربي وينها ، كمت ورجعت للقاعه كتلو استاذ ناسي جهازي اريد اخذو كلي فوت فتت ادور ماكو اختفت تالي من ارجع والكاها بجاروبي لازكه ..
حور : اي كمل ..
صميم : كملت ...
حور : هسه شنو لازم نضحك .
صميم : يولو انتو كلتو موقف ما تنسونه ، مو شرط يضحك ...
رونق : اليوم حور مزاجها اسود لحد يحجي وياها...
بنان : يايوم مزاجها برتقالي كضته علينه اسود ب اسود..
حور : ها رجعتيله لحبيب القلب، وحور كخه صارت ...
التفتلي صميم ، خزرني ، بس مهتميت ، عبالي هيج يعني ...
خلصت الكعده ولمينه الهوسه و كلمن راح لقسمه وضلينه اني وصميم كاعدين ...
صميم : اسألج سؤال وجاوبيني..
بنان : اسأل ..
صميم : هم تحجين شي لحور عن علاقتنة..
بنان : مو دائما
صميم : بنان بلا كذب ...
بنان : ما اكذب ..وبعدين واذا حجيت لحور لو للبنات وين المشكله تخاف ..
صميم : وليش حت اخاف ..
بنان : يعني عندي عشر عيون عليك بالجامعه ، خاف ناوي تلعب بذيلك هنه يكللي ...
أنت تقرأ
علاقات زائفة
Romanceالعلاقات الحقيقية هيه العلاقه البسيطه المريحة التى لا تتأثر بالغياب او بالأنشغالات العلاقات التي لا يفسدها الزمن او المصالح او الاختلافات علاقات اساسها صحيح الود فيها محفوظ والعذر فيها مقدم على العتب والكلفه منها مرفوعه والحديث يؤخذ على احسنه...
البارت الثامن عشر
ابدأ من البداية