علاقات زائفة

البارت الخامس عشر

صميم : لو كلها تفكر مثلج جان الناس بطلت تطلع..

بنان : انت كلت الناس مو اني ...

صميم : اي صح نسيت انتي من كوكب عطارد..

بنان : اي هسه يلا دريت ..

صميم : ول بنون ، خفت عليج حيل ، اول نوبة اخاف اخسر شي غالي عليه ، شكثر عندي اشياء عزيزه على كلبي من تروح اكول فدوة المهم انه سالم ، فد من حسيت راح اخسرج ، كلت فدوة الها انه فد كون هيه سالمه ...

بنان : اسم الله عليك ، وين اتحمل يصير بيك شي ...

صميم : هاي اخر نوبه تروحين وحدج ، رجلي على رجلج ...

بنان : اني ما اطلع بعد التوبه ...

صميم : هههه حبيبي انه رايح والعصر امرلج ..

بنان : اوك انتضرك ..

صميم : مع السلامه ..

بنان : الله وياك ...

كمت نزلت جوة لكيت ماما ماكو ، استغربت وين رايحه..

هيه متروح للسوك ، بابا يتسوك لو الولد ..

خاف بيت عمو ، رحت غسلت وجهي ، ورحت لبيتهم ..

جان يوم جمعه ....

هذا الحجي ساعه تسعه الصبح ..

فتحت الباب اللي عليهم وفتت ...

بنان : هاي شنو خيانه الكل ملتم وتتريكون واني عيني ..

حجه عمو

احمد : هله بنونه ، انتي من يوم اللي انخطبتي التهيتي عنه ، وماكمتي تسألين على عمج ، وبيت عمج نسيتيه ...

باوعت على حسن وحجيت ..

بنان : والله ياعمو مو صوجي ، صوج فد واحد ، جنت من وراه مافوت لهنا ..

احمد: منو هذا اللي يمنع بنونه تفوت هنا غير اكسر ضهره..

بنان : لا عمو اني اكسر ضهره عوفه عليه ...

روند : ها رجعتو الحمدلله ..

جنان : همه اخوان وزعل اخوه ، والحمدلله مبين راح وتصالحو ..

اسماء: حسوني من يوم يومه اخ لبناتي عشنه طول عمرنه سويه بيت واحد وماعون واحد ..

احمد: الله يديمنه سوة طول العمرة ومنفترق ابد ...

ردينه ب امين ...

كعدت وراحت روند جابتلي استكان ، اخذته عمه وصبتلي جاي ، تريكت وياهم ، كضيناها ضحك وسوالف ..

صح حسن بعده ضايج بس حسيته مرتاح نوعآ ما ...

كملنه ريوك ورجعت للبيت وماما ضلت يمهم ...

______________

حور

من بعد الحادث الصار ..