منقولة
🌹#اليتيمة🌹 زي مانكم عارفين 1500 تعليق تنزل الي بعدها هيا خليكم سرعين😘
🌹الحلقة الثامنه والثلاثون🌹
__________________________________ ✨
احلام: عندك حل واحد تفكي روحك منه وماتوصلش الدوة لي بوك
سجود:😳 وششن هو
احلام: قولي لي فراس كل شيء واعتدري منه
سجود: هه 😳 أكيد تبصري اني درت هدا كله باش نفرقه علي تسنيم تجي تقوليلي امشي أعتدري باش يرجعلها طول
احلام: علاش توا لما فرقتيهم هو رجعلك ولاحتى عبرك ماتكدبيش علي روحك وتوهمي روحك وتعيشي في الأحلام حاولتي تكلميه وتتقربي منه بس اني نعرف وانتي تعرفي انه ماعطاكش وجه بكل لو قاعد يحبك او حتي يفكر يرجعلك كان رجعلك طول وتوا لاها القصه اكتر من شهر فراس يحب تسنيم وهلبا والشيء هدا واضح ومستحيل يفكر يرجعلك ولايحب غيرها
سجود: علاش باهي اني شن ناقصني هي في شن احسن مني😭
احلام: مش احسن منك بشيء بس هي حباته من قلبها ومافكرتش حتي التفكير انه تخونه وهدا شن حببه فيها اما انتي لا.... هو كان يحبك لي حد الجنون تتفكري لما يجيك والهدايا وكلامه ليك كان مايشوفش لي اي بنت غيرك رغما انه يهبل وكدا من بنت تتمناه لكن انتي لا درتيه تسلايه وشكورطه تكلمي فيه وفي 10 غيره
سجود: لكن انحبه😭
احلام: بعد شنو ياسجود بعد شنو !؟
سجود: كان قتله والله يقتلني
اخلام: انتي صاحبتي لكن سامحيني فاها الكلمه هادي تستاهلي ..... شن تبيه يشكرك ولاياخدك بي الأحضان وانتي فرقتي بينه وبين مرته وخليتيهم في المحاكم ويبو يطلقو ...... ومش حايديرلك شيء وهو ولد عمك وسمعتك من سمعته مهما يكون متعصب حايوقف معاك ....وحتي كان مش علي خاطرك علي خاطر تسنيم حايوقف معاك ويوقف مراد عند حده
سجود: وكان قال لي بابا😢
احلام: مش حايقول ..... وانتي ماتكلميشي فون بريله في الحوش
سجود:😳 باش يقتلني
احلام: تي شن يقتلك ياهمي ..... لما تكلميه فون حايقعد متعصب منك وحايجي لي حوشكم وهكي بيسمع بوك ..... لكن لما تمشيله لا
سجود: معناها العشيه نمشي ونشوفه ياربي يسامحني يارب👐😢
احلام: هيا نوضي نفطرو المحاضرة اكيد تمت
سجود: ماعنديش نيه 😢.... لكن تعالي نسايرك
.
.
.
.
.
.
~
.
.
.
.
.
~
ام تسنيم: امت بتمشي للمحكمه
تسنيم: غدوة 😢
ام تسنيم: وشن بيصير فيكم باهي
تسنيم: لي توا اني الي عندي الحق واكيد غدوة حانطلقو 😢
ام تسنيم شهقت وكيف بتتكلم خش راجلها
بو تسنيم: ماتعييش انتي من هالدوة 😠 خلي البنت في حالها 😠 تبي تطلق خلاص
امها: ماقلت شيء 😑
.
.
.
.
.
.
~
.
.
.
.
.
.
~
سجى: ميمي كل شيء واتي للحنه
اني: اي خلاص كملنا وغدوة الصبح نتبت عليه
سجى: وين البنات
اني: يسيقو في الجنان تحشمت منهم قبل بنسيق معاهم قالي قيس لا😑
سجي: ههههه من وين ماجانا عبدو وانتي محبوسه
اني: حاله اقسم بالله ..... خلاص انتي خشي دوشي اني بننزل نشوفهم شن يبو
سجي: تمام سكري الباب وراك
اني: به وطلعت وسكرت الباب✨
خشيت للمطبخ لقيت قيس مقعمز ويشرب في القهوة
اني: وين عميمه
قيس: في الجنان مع البنات
اني: به .... وكيف بنلف بنطلع للجنان يجبدني من إيدي انجي مقعمزة علي حجره ✨
اني:😳 ققيس خيرك قريب فصعتلي إيدي
قام رجله الإيمين وخلاني مقعمزه ع الإيسار بس وحط رجله الإيمين علي فخادي ولف يديه علي خصري : مش قتلك مافيش طلوع للجنان
اني :😳😳 حول قيس خيرك ؟
قيس: لما نقولك معش تطلعي للجنان يعني معش تطلعي
اني: ماطلعتش😳
قيس: ومن هي الصبح الي طالعتلي بي توته وفاتحتلي شعرها وتلف في الجنان
اني:😱 هييي كيف شفتني
قيس: بي عيوني 😑
اني: كخكخكخكخ😑
قيس: تخيلي عبدو هو الي نايض وشايفك 😑
اني: والله انخنقت معش طلعت وشميت هوا بكل😑
قيس قرصني من إيدي: اصبري هاليومين بعدين بيروحو وخدوي راحتك
اني: اححي قيس حاارة😯
فكلي الماسكه من شعري .... وقعد يمسحلي علي شعري.....لفيت وجهي ليه .... إبتسملي: خليه مفتوح احلا
اني: يتعب فيا
حطلي خصله كانت نازله علي عيوني ورا ودني........قعد يحرك في صبعه علي خدي بحنيه ..... ساويتله رقبه سوريته وقعدت حاطه إيدي علي صدره ونحرك فاها بالشويا.... نحس بي دقات قلبه وبصوت أنفاسه ..... حسيت بشدت يده علي خصري وهو يقربني ليه...... حط إيده ورا راسي وقرب مني شويا ..... ماصديتاش ودبت مع حركاته ...... قرب من وجهي وقرب وقرب وكيف بيقرب اكتر ..... خشت عمتي علينا وهي تتكلم ع الفون ولما شافتنا قعدت ساكته ومصدومه ..... حطيت يديا علي صدر قيس ودفيته بالقوة ..... انتبه علي امه وقف بسرعه وقعد يتأتأ
ع امال: انتم شن اديرو 😳 حشم حالكم تخايل بوك الي خاش😳
قيس:😳😳 اااأني اني عبدو يستنا فيا وطلع بسرعه البرق ✨
حي علي امي هرب وخلاني😳 شفت لي عمتي لقيتها تفنص : حتي اني سسجي تبيني 😳
وطلعت بسرعه ومن كتر توتري وسرعتي حسيت روحي ركبت الدروج في خطوتين خشيت للدار وسكرتها حطيت يدي علي قلبي وتنفست بالقوة : ووووه عليك موقف بايخ 😣
~
~
~
فات الوقت واني نتهرب من عميمه وماقابلتهاش بكل قيس طلع معش ولا😁 قعدنا نوتو في حاجات العرس وكل واحد يدير في حاجه ✨
.
.
.
.
.
.
~
.
.
.
.
.
.
~
سجود: بابا ترفعني لي حوش عمي
امها: شن بديري عندهم وحتي امنه الي كنتي تمشيلها تجوزت
سجود: عندي حاجات مش فاهمتهم كلمت فراس قالي تعالي نشرحهملك
بوها: خلاص نوضي وتي روحك لكن في المرواح كلمي فراس يروح بيك مش فاضي
سجود:😳 اااه علاش شن عندك
بوها: شن نسيتي اليوم الإتنين ونبات في العمل
سجود: اي نسيت بكل 😣 باهي خلاص وتو نشوف حتي إيهاب بالك فاضي
بوها: باهي هي نوضي البسي وقت عليا
سجود: به
ركبت ع السريع لي دارها بدلت ونزلت مشت هي وبوها حطها قدام الحوش وهو مشي لي عمله✨
طقت الباب وفتحتلها ام فراس✨
ام فراس: خير بنيتي تفضلي تفضلي
سجود: اهلين عميمه شن اخبارك
ام فراس: الحمدلله شن حالك انتي وحال امك وبوك
سجود: الحمدلله يسلمو عليك
ام فراس: سلمك تفضلي قعمزي
سجود: لا جايه بنشوف فراس .... قاعد؟؟
ام فراس: اي في داره خشيله
سجود: باهي
ومشت لي دار فراس .... وقفت قدام الباب .... حطت يدها علي قلبها ..... سكرت عيونها وقعدت تدعي ....خدت نفس وطقت الباب
فراس: خشي يما
سجود فتحت الباب بالشويا وخشت : السلام عليكم
فراس كان واقف قدام المرايا ويسكر في بطم سوريته قام عيونه وشافها: استغفرالله 😪 الواحد مش طايق روحه .... تفضلي شن تبي
سجود وهي واضح التوتر علاها: فراس ممكن ناخد من وقتك شويا
هو ويلبس في ساعته: لا مش فاضي
سجود سكرت الباب : بالله عليك فراس ... ربع ساعه بس والله الموضوع مهم ويخصك حتي انت😢
فراس: قولي الي عندك فيسع
قعمزت ع السرير.... نزلت راسها لوطا ....قعدت تهز في رجلها بتوتر وتضغط علي يداها : اني اني والله ماعارفة شن بنقولك
فراس خدي مفتاح سيارته: سجود فكيني من حركاتك عارفه موضوعك حتي اني ماتمليش انتي 😠 هي اطلعي بنسكر الدار
سجود قامت راسها وعيونها معبيات دموع: لالا فراس اسمعني 😢 الي بنقوله مش زي ماأنت مفكر
فراس: هيا الربع ساعه قريب اتم
خدت نفس .... تنهدت بكل قوتها .... سكرت عيونها .... وتكلمت بسرعه: اني ورا موضوعك انت وتسنيم 😢 اني الي كلمت ولد وعطيته صور تسنيم وخليته يفبركهم 😢 اني عطيته رقمك وقتله يوصلهملك😢
توسعو عيوونه ...عقد حواجبه ...ضغط ع المفتاح بكل قوته .... شد علي سنونه ويتكلم بعصبيه : مافهمتش عاودي الي قلتيه
سجود: اسفه اسفه اسفه والله ماكان قصدي😭
سكر عيونه وهو يعصر عليهم .... يترجم في كلامها ... ويتفكر في روحه كيف يضرب في تسنيم ويسب فاها وطلعها وحدة رخيصه .... تفكر منظرها وهي تحت رجليه تبكي بعبرتها وتترجى فيه ..... تفكر شكلها في المحكمه كيف وهي مكسوورة وواضح الحزن في عيونها ..... تفكر وتفكر وتفكر ✨
سجود لاصقه في السرير وتشبحله وهو كيف واقف ومسكر عيونه ويعصر في يديه ....دموعها ينزلو وهي تمسح فيهم
فتح عيونه الي كاانو حمرر وعروق رقبته باينات .... حدف المفتاح علاها جي ع الحيط الي جنبها .... مشالها وهو مش شايف قدامه..... شدها من رقبتها ووقفها : انتي عارفة شن الي تقولي فييه 😡😡 عااارفة شنن درتيي 😡😡
سجود تشدله في يديه الي كانو خانقينها وتحاول تفكهم : والله ماكان قصدي والله نادمه 😭😭
فراس قعد يضغط علاها بالقوة ويتكلم بعصبيه : بعد شنوو اااه 😡😡 بعد شنوو يا ₩$@3# خليتيني نضلم البنت الي حبيتها وحبتني دخلتي الشيطان بيناتنا😡 غدوة كنت بنطلقها غدوة توا جايه تقوليلي بعد شنوو يا ₩£$##@😡😡
تسنيم: اااه فراااس خنقتني😭😭
فراس : 😡😡 تي مزاال ماشفتي شيء والله نقتلك واندمك علي كل الي درتيه الله😡😡
سجود قعد وجها احمر وتككح .... رخاها وحدفها ع الحيط بالقوة .... طاحت ع ركابها وشدت ضهرها : سامحني فرااس بالله عليك سامحني😭😭 والله كل الي درته فيكم رجعلي 😭😭 والله ناادمه الله😭😭
فراس نزل وقامها من كتافها وقعد يخض فاها: من هو الولد الي سااعدك تكلمي من هوو😡😡
سجود: 😭😭 واحد اسمه مرراد😭😭 يبيني نمشيله لي شقته 😭😭 والا حايقول لي بابا حاجات عليا 😭😭
فنص فاها ... وقعد يخض فاها اكتر: يعني جايتيني تبيني نسااعدك😠 وانطلعك من المشكله الي انتي فااها 😡 لوو ماجاكش وماهددكش كنتي حاتخليني نطلقهاا ومش حاتقولي شيء😠 تي تكلمي يا % ¥£$@ تكلمي😡
سجود: اي اي 😭😭 درت هكي لأني نحبك لأني نبييك 😭
بعد علاها وهو عيونه شراره ...ضربها كفف لين طااحت ع الأرض .... قعمزت ع ركابها شدت خدها وقعدت تشبحله 💔
فراس: وتوا رجعتلك 😠 اهو درتي الي تبيه وطلعتي بنت محترمه ماتنفعش😠 خليتيني نشك فاها ونطلقهاا 😡😡 خوداها في بالك مستحيل نرجع لي وحدة زيك حتي لو كنتي اخر بنت في العالم 😠 وتوا تستاهلي وحلي مشكلتك بروحك
قربت منه وشدت في رجله من لوطا وهي تبكي: بالله علييك يافرااس بالله علييك😭😭😭 والله تتفسد سمعت العيله وبابا يقتلني 😭😭 بالله عليك والله ماعندي غيرك😭😭 اني اسفه اسفة مستعدة نمشي لي تسنيم ونستسمح منها😭😭 ساعدني فراسس تربح😭 عارفاتك ماتحبش الظلم 😭😭 والله كل الي درته من حبي ليك😭 الله يخليك يافراس ماتخلينيش بروحي 😭😭
بعد رجله بالقوة علاها .... عطاها بضهره .... شد راسه وهو ضاغط عليه .... يسمع في عياط امه وهي اطق ع الباب وتقول خيركم .... يسمع في بكي سجود وهي تترجى فيه ..... خيال تسنيم مافارقش تفكيره ..... سجود في الأخير بنت عمي وسمعتها من سمعتي .... وفرخ الحرام والله نقتله ونشرب من دمه ال ₩£€$@@ 😡 لف علي سجود : اعطيني اسمه ووين يسكن 😡 هياا فيسع تحركي😠😠
سجود : بب ببه😭 مشت لي شنطتها وهي تزحف زحف خدتها وطلعت منها فونها فتحتله علي صورت مراد ...ومدتله الفون 😢 : هدا هو مراد يسكن في شارع*** في شقه ***
خدي منها الفون وقعد مركز ع الصورة : تي شوفي شكله 😠 انتي كيف تكلمي واحد زي هدا 😡😡
سجود: سامحني فراس سامحني😭😭
حدف علاها الفون وخدي مفتاح سيارته الي طايح جنبها: تقعدي في الدار مزال حسابك بعد مانروح😡
وطلع من داره وسكر علاها بالمفتاح وخدي المفتاح معاه✨
امه: خيرك شن جاك نسمع في عياطكم😱 وخيرك سكرت علاها 😱 بتحشمني حتي مع عيلة عمك 😠 مش سد خالتك الي معش جتنا وكسرت قلب بنتها
يمشي وهو مش شايف قدامه .... يسمع في عياط امه وماردش علاها .... طلع من الحوش بسرعه .... ركب في سيارته وهو متوجه لي مكان مراد ..... يخبط في يده ع الدومان بالقوة .... وكل تفكيره في تسنيم ✨
وصل للشارع نزل وقابلاته شقته سأل شاب يخدم في محل مواد غدائيه
الولد: اي يسكن فاها واحد اسمه مراد
فراس: وشن نظامه كويس
الولد : خيرك شن تبي انت
فراس تنهد: خطب اختي وجاي نسأل عليه
الولد :😳 ننصحك ياراجل فوته والله واضح عليك ولد ناس ومحترم ...ومراد مش شوره الإحترام بكل ... تي شقته فاتحها ملهى وكل يوم بنت شكل خاشتلها
فراس سكر عيونه : معقولة قاعد في الشارع وماحد كلمه
الولد: شن بنديرو بالله من بيكلمه والله حني مدابينا نفتكو منه ديما بمشاكله ومفسد سمعت الشارع كل ليله يروحنا سكران ويديرلنا في مشكله
فراس: اليوم اخر يوم في عمره بإدن الله 😬 حاتتفكو منه انشالله
الولد: شن بدير
فراس: تو تشوفني شن بندير قاعد هو
الولد: اي كيف خش
فراس: تمام منور
مشي جيهة الشقه
والولد كلم ولاد شارعه وقعدو يتفرجو
طق الباب .... فتح مراد وهو يدروخ .... حك راسه وشبح لي فراس : تفضل خونا شن تبي 😪
فراس سكر قبضه يده ويعطيهاله بوكس علي وجهه
وقف مراد علي حيله وهو مش قادر من قوة الضربه وشكله سكران مش قادر حتي يتكلم: ا ن ت خيي رك 😠 جاا ي لي نص حو شي وت ضرب ني "يمشي ويدعدع "
فراس: وسكراان يا ¥£$@ تي والله نوريك وقدم عليه وطاح فيه ضرب ماخلا مكانه ماضربه فيه وبحكم مراد كان سكران ماقدرش حتي يدافع علي روحه
شافو ولاد الشارع الموقف وخشو كلهم مع فراس مراد قريب مات تحت رجليهم
انسحب فراس وهو شبه قتل مراد خش للحوش وقعد يدور خش لي دار نوم ولقاها حاله فتح الدولاب لقاه معبي نقالات ولابتوب وميميريات خداهم كلهم وتأكد انه خدي اي حاجه يمكن تكون فاها صورة تسنيم وطلع لقي الكتيبه متع الشارع شادين مراد ويكرو فيه
انسحب وطلع ركب في سيارته .... رجع للحوش وطول قابلاته امه : تي افتح للبنت صوتها نبح من كتر البكي
مشي من غير مايرد علاها خش لي داره وسكرها قبل ماتوصل امه وتخش ..... حدف الاب والنقالات والميمريات ع السرير ..... وقفت سجود وهي خايفة وعيونها حمر من كتر البكي : شن صار فراس 😢
قرب منها وشدها من كتافها: وجهك مانبيش نشوفه تسمعي فياا😡😡 نلقاك في حوشنا نقصلك رجليك😠😠 تنسيني وتنسي تسنيم معش تدخلي فاها 😠 والله والله والله ياسجود نسمع حتي كلمه بسيطه او اي فعل درتيه مش حايفكك مني حد 😡
سجود: والله معش تشوفني في حياتك بكل 😭 والله معش ندخل فيكم 😭 غير سامحني وطلعني من المشكله الي اني فاها😭
فراس : الكلب مراد خدي جزاته 😠 وانتي بينك وبين ربي 😠 وتوا اطلعي وتروحي طول نطلع من الدار مانلقاكش في الحوش😡
سجود: شكرا فراس😭 حاضر مش حاتشوفني .... وخدت شنطتها وطلعت من الدار وتقدرو تقولو طلعت فرحانه .... لأنها تفكت من مشكلتها من غير ماتوصل لي بوها
ام فراس:😱 خيرك يابنتي شن دارلك المغضوب فراس😳 حي علي عيونك تو امك شن بتقول
سجود: هههه لا عادي مادوريش مرت عمي 😢 عارفتيني اني وفراس ديما هكي ههههه وبالله ماتقوليش لي ماما تو تفهم غلط ولاحاجه😢
ام فراس: لا ماعندي مانقلها .... اغسلي وجهك انتي عيونك حاله
سجود: به ... حقا إيهاب قاعد نبيه يروح بيا
ام فراس: المغرب ادن اكيد علي جيا .... اغسلي وجهك مابين ماجي
سجود: باهي حاضر
~
~
~
تنهد فراس .... قعمز ع سريره وخدي الاب فتحه .... لقاه معبي صوور بنات ومن ضمنهم صورهم تسنيم .... وبرامج فبركه ودوة : ولد ال ₩£$@ خزي ع الناس الي زيه 😠 مسح كل الصور وبعدها كسر اللاب ع زوز .... فتح الفونات وقعد يتصفح ويشوف في الدوة وفي المسجات ومن ضمنهم مع سجود .... اني الغبي اني كيف نصدق حاجه زي هادي علي تسنيم يااربي 😪 ... وفتح الميمريات وكلهم نفس الشيء خدمته غير في الدوة هادي مسح كل شيء وبعدها كسر اي حاجه فاها صور بنات
وشرفهم .... إمتد ع سرير سكر عيونه بتعب .... حط إيديه علي راسه وعصر عليه بالقوة .... خدي فونه وفتح مسجاته الي بينه وبين تسنيم .... قعد يقرا فيهم والدمعه في عينه ... نزلت دمعتها ... نزلت دمعت راجل : شن درت في عمري اني شن درت ضيعتها ومستحيل تردلي تاني سامحيني ياحبيبتي سامحيني يمراتي ياعمري سامحيني ماقدرتش نحافظ عليك سامحيني ياتسنيم😢 غدوة كنت حانطلقك غدوة كانت قصتنا حاتم غدوة كنت حاندير اكبر غلطه في حياتي ..... حط علي رقمها تردد مرة وتنين بس بعدها إتصل ....
.
.
.
.
.
.
~
.
.
.
.
~
تسنيم راقدة علي سريرها وحاطه علي صورته وتبكي : غدوة اخر يوم .... غدوة اخر يوم نكون فيه مراتك .... الله يسامحك يافراس كسرتني .. قهرتني .. حرقتني .. دمرتني .. كرهت الحب ... انحبك ومش قادرة نكرهك😭 انحبك وانت شوف شن درت فيا 😭
