كملت اني وسجي التشيز كيك وحطيته في الفريزر وقعدنا نهدرزو بعدين كلمتها امها وقلتلها روحي لفيتلها حصتها هي وعمتي وعمي وعطيتها روحت بيهم
سجي: سلام حبي نتلاقو غدوة
اني: سلام نتلاقو
ووصلتها للباب وهيا طلعت واني خشيت
سجي شاده سحن بي ايد والإيد التانيه اطلع في المفتاح وتشبح لوطا وماحستش بشيء غير انها خابطه في واحد وطاحت هيا والتشيز كيك
سجي: ماتشوفش انت 😡 حتي التشيز كيك فسسد😡
وليد: اسف بس ماشفتكش كويسة انتي
سجي قامت عيونها لقت وليد خشت بعضها وتحشمت يعني اول لقاء ليهم كان هكي😳 قعدت تشبحله ووجها احمر وماقالتش ولاكلمه
وليد: اختي كويسة انتي😳
سجي فاقت ع روحها ناضت من الارض وقامت السحن وخشت تجري من غير ماتقول شيء
وليد: شن البنت هادي😂 وخشت لي حوش قيس زعمك اخته😕
قيس: عطلت عليك
وليد: ااا لالا كيف وصلت اصلا
قيس: خش خيرك واقف
وليد:😳 هيا
وخش هو وقيس
.
.
امال: خيره وجهك هكي😱 وحالتك حاله
سجي:😳 لالا شيء اني جايه طحت بس
امال: غبارتي وين طحتي
سجي: قدام حوشنا ياماما عادي
هاك التشيز كيك بعتاته ميرال هو منضره خرب بعد ماطحت لكن عادي يمشي حاله😁
وعطاته لي امها وهي خشت لي دارها
وكلمتني طول
اني: الو
سجي: كان تعرفي شن صار حي حي😱
اني نضت من جنب ماما وخشيت للدار: شن فييه خلعتيني😳
.سجي: ولييد ولييد😳
اني: قلتيله انك تحبيه😱
سجي: تيي لااا ياريت هكي 😳
اني: حتي هو طلع معجب بيكي
سجي: تي لااا كان هدا تلقيني نرقص في الشارع
اني: حيرتيني شن صار احكي
سجي: تخيلي اني طالعه منك نمشي ومانشوفش قدامي وهو كان بيخش لي حوشنا خبطت فيه طحت اني والتشيز كيك واني الهبلة من غير مانشوف مني هزبته
اني فت كل الموضوع وتفكرت سجي شن لابسه سجي من نوعيتها لما تمشي لي مكان عادي ولا في حوشها الوان ربي كلهم تلبسهم :هههههههههههههههه😂😂😂😂😂 حي علي امها وشافك بلبستك وبمنضرك الي جايتيني بييه 😂😂 ووووه عليك ياصاحبتي حتي كان الولد عنده نيه توا بيغير رايه
سجي: قصدك لبستي شينه😢
اني: انتي شن رايك ههههههههه 😂😂😂 امالا السورية البرتقاليه زي متع العبيد 😂😂
.
سجي: سكري فمك سكري😡 عادي اصلا يشوفني ع طبيعتي خير
اني: 😂😂 هئحم 😳 امبااه هو شن قال
سجي: ياوخيتي تأسف😍 حي ع طووله امالا البرفان الي حاطه 😍 جنتل بي معنى الكلمه 😍 يهبللل 😍
اني: زعمك عرف انك اخت قيس
سجي: مش عارفة لكن مرات خاطر شافني لما خشيت لي حوشنا
اني: انشالله غير مايقولش لي قيس بس
سجي: لالا مضنيتش شن بيقوله
اني : لكن منضرك خيال الصراحه ههههههههههه😂😂
سجي: والنبي معش تفكريني😷
اني: غدوا عمي بيرفعنا وله
سجي: اي بابا وبيروح بينا قيس .. انتي امت بتجيك المدربة
اني: مش عارفة قعدة ماكلمتهاش
.
.
.
قيس: غير اقعد اتعشا ياراجل
وليد: مرة تانيه مستعجل ..هي نتلاقو
قيس: نتلاقو
ووصل وليد للسيارة وهو خش
قيس: سجي ياااسجي
سجي: سكري سكري هدا قيس ينادي غبارتي 😱
اني: حي علي امك 😱 كان ماقاله
سجي: ماتفاولي غير بالزين انتي
قيس: ماتقوليليش شن اديري ليا ساعه انادي فيك
سجي: نكلم في ميرال
قيس: مش كنتو مع بعض
سجي: وانت شن دخلك
قيس حدفها بالمخده: سكري فمك وتعالي وتيلي حوايجي وطلع من الدار وخلاها
اني: بريله خير مايحرف ليلتك😂
سجي: ماشية حتي اني 😂 غير امت يتزوج ونفتكو منه
اني: منضره منضر زواج هدا 😂
سجي: خزي😂 هي سلام نتلاقو
اني: نتلاقو
سكرت منها ونزلت لي ماما
اني: ماما خيرك وجهك تعبان
ماما يادوب تتكلم: ت ع ب ا نه ش و ي بس 😥😪
اني: بسم الله 😱 باهي خديتي دواك
ماما: اي ماتخافيش عليا تعب وتو يمشي .. ساعديني بنركب نرتاح
اني: هيا تساندي عليا
وشديت فاها وركبت اني وياها شويا شويا ورقدتها ع سريرها وقعدت جنبها لين رقدت غطيتها وسكرت الضيء علاها وطلعت لي داري توضيت وصليت ركعتين ودعيتلها وخشيت رقدت
