ရာဇဝင်ထဲက ကျွန်တော့်ချစ်သူ(Complete)

အပိုင်း(၂၀) ရှင်းယွဲ့နတ်ဘုရားနှင့် အမှောင်နတ်ဘုရားတို့၏ သရုပ်မှန်ပေါ်ခြင်း

သူရင်းနှီးလွန်းသောလူနှစ်ယောက်။ နတ်ဘုရားတမျှချောမောလွန်းသော ခေါက်ယပ်တောင်တစ်ချောင်းအား ကိုင်ဆောင်ထားသည့် အဖြူရောင်ဝတ်ရုံဝတ်ဆင်ထားသူ၏ မျက်ဝန်းများသည် ရွှေရောင်မျက်ဝန်းများဖြစ်နေသည်။

နက်မှောင်တောက်ပသော မျက်ဝန်းနက်များ၊ အနက်ရောင် ဆံနွယ်ရှည်များနှင့် အနက်ရောင်ဝတ်ရုံအား ဝတ်ဆင်ထားသူသည်လည်း အားနည်းသောပုံစံတို့ လုံးဝပျောက်ကွယ်နေလေသည်။

အေးဆေးတည်ကြည်သော မျက်နှာသည် ခံ့ညားမှု အား ပြသနေသည်။ ယခုသူ့ရှေ့ရှိ တိုက်ခိုက်နေသူနှစ်ဦး၏ပုံစံသည် သူရင်းနှီးခဲ့ဖူးသောလူနှစ်ယောက်၏ပုံစံနှင့် သီးခြားစီဖြစ်နေသည်။ရုပ်ရည်များသာ တူမနေပါက သူလုံးဝမှတ်မိလိမ့်မည်မဟုတ်ပေ။

ရှေ့တိုးကာ ကြည့်နေသောသူ့အား မမြင်စေရန် အနောက်သို့အနည်းငယ် ပြန်ဆုတ်လိုက်သည်။ မထင်မှတ်ပဲ သစ်ကိုင်းခြောက်တခုအား နင်းမိကာအသံမြည်သွားလေသည်။

တိုက်ခိုက်နေသူနှစ်ယောက်သည် သူတို့၏လှုပ်ရှားမှုများအားရပ်တန့်လိုက်ပြီး သူရှိရာဆီမျက်ဝန်းအကြည့်တို့ရောက်ရှိလာကြသည်။

ရီဟွားထိတ်လန့်သွားရ၏။

ရီဟွားရှေ့ရှိလူနှစ်ယောက်သည်လည်း မျက်နှာများ ပျက်ယွင်းသွားကြသည်။ ခုကဲ့သို့ ဖြစ်လာလိမ့်မည်ဟု မျှော်လင့်ထားပုံ မရပေ။

ရှင်းယွဲ့ သူ၏ ရှေ့ရှိ ရီဟွားအား ကြည့်ကာ မည်သို့ စပြောရမှန်းမသိ ဖြစ်သွားရသည်။ ခုကဲ့သို့ အခြေအနေသည် ပထမဆုံး မဟုတ်သော်လည်း သူ့အနေဖြင့် ပထမဆုံးအကြိမ်ကဲ့သို့ ခံစားနေရသည်။ အရင်ဖြေရှင်းခဲ့သော နည်းအား သူ ဆက်၍ မလုပ်နိုင်ပေ။

"ရှောင်ဟွား ကိုယ် ရှင်းပြပါ့မယ်"

သို့သော် သူ၏ စကားတို့သည် ကျန်းဖုန်း၏ စကားဖြင့်တိုက်ခိုက်ခြင်းအား ခံလိုက်ရသည်။

"မင်း အရင်တစ်ခါလို သူ့ရဲ့ မှတ်ဉာဏ်တွေ ဖျက်ပစ်ဦးမလို့လား"

ရှင်းယွဲ့ ဒေါသထွက်နေသော ရွှေရောင်မျက်ဝန်းများဖြင့် ကျန်းဖုန်းအား စူးစိုက်ကြည့်လိုက်သည်။