خفايا ضابط

بارت ٣٣

رهف:-هسه انت خطبت وگمت تقرر

شهم:-حتى لو اخطب اسبوع واتزوج

رهف:-شكو مستعجل

شهم:-افضل مو حلوه الخطوبه من تطول

رهف:-براحتك .."إجاه اتصال واني عفته ودخلت للغرفه كملت تمشيط شعري تركته مفتوح فتحت الكنتور أخذت عطر ورشيت حسيت بيه واكف ورايه حضنّي ودفن راسه برگبتي لزمني من خصري ..إبتعدت شويه وفترته صرت گباله لفيت إيديه على رگبته لزمني من حنچي ونزل راسه لمستواي ‎بــاس شفتي دفعني عالحايط ومستمر يبوسني بادلته وتعمقت وياه وووووو..ووووو..."

.
.

ڤيان:-بعد ماشفته مدري شصار بيه طلعت من غرفه ترف ودخلت لغرفتي يربي شديصير ويايه اني ليش هيج احس روحي خفيفه مجرد تفكير بيه گلبي دكاته تصير طاغيه ..ڤيان شتترجين من واحد طكلج اووووففففف ..متغير وصاير حلو واللحيه محليتخ أكثر جان ‎بــس شوارب ..همزين ماسلم عليه ولا حجه ويايه جان وكعت من طولي ..سمعت صوت ديم تصيحلي مديت راسي من الدرج

ڤيان:-هلاوو ديم اصعديلي مابيه انزل

ديم:-مو صوجج جايه اشوفج خرا

ڤيان:-يله رياضه "طلعت ترف من غرفتها"

ترف:-‎منــوو اجه

ڤيان:-مدري هستوني سمعت صوت ديم "صعدتلنا ديم تركض وصلتلنا سلمنا عليها"

ديم:-عود ليش متنزلن

ترف:-جنت اقرا حتبدي الامتحانات

ديم:-اي خيه احنا اسبوع الجاي تبدي

ڤيان:-انتي ويامن اجيتي

ديم:-بابا اجه يشوفج تره انزلي واني ورفل چلبنا وياه

ترف:-اي خلي اچلب برفل ماخليها ترجع

ڤيان:-هاا اني انزل اشوف بابا

ديم:-تردين ‎بــس رفل تبات مو زعلت

ترف:-انطمي انتي ترحين تقرين حتبدي الامتحانات

ديم:-اخلص امتحانات اجي هنا ابقى مستوطنه

ترف:-ههههههه

رفل "وهي تصعد الدرج":-هلاووو شدعوه عيني متنزلين لو إله اصعدلج

ترف:-تعاي تعاي اليوم تباتين يمنا

رفل:-ياا لا ماگدر

ترف:-شنو شعندج

رفل:-‎منــوو ينضف لعد

ترف:-دين البغله ..عود يومين تلاثه وروحي

رفل:-عدها امتحانات وحور ماگدر اعوفها تنضف اخاف على بنياتنا

ديم:-لا ابقي اني انضف مكانج

رفل:-وملابس

ترف:-تتلابسين انتي وڤيان

رفل:-ارك ماعندي شي ‎بــس تعاي كولي لبابا ميرفضلج طلب بنت الحلو