خفايا ضابط
بارت٩ج٢
بقلم كهرمانه
🖇🖇🖇🖇🖇🖇🖇
يحيى:-بقينا يمه اني وابوي وإلياس لان الولد عدهم التزامات ودوام ميكدرون يبقون بالمستشفى واصدقائه يرحون ويرجعون عليه يشوفونه كعد سيف بالكوه يتنفس واجه فهد شافه
فهد:-سيف شتحس
سيف:-خشمي يوجعني
فهد:-هسه ننطيك مسكنات بــس لتحاول تتنفس من خشمك اتنفس من حلگك تمام
سيف:-اي
فهد:-الك خلگ تحجي لو لا راح يجي وسام يسألك كم سؤال
سيف:-اي اكدر ،بــس شوكت اطلع من المستشفى
فهد:-تبقى تحت المراقبه منا لباجر وعشرة ايام يله نشيل الشاش نبدله منشيله نهائي يبقى شهر ابدله كل عشرة ايام
سيف:-شوكت اكو اتنفس من خشمي
فهد:-بــس هالكم يوم اصبر
سيف:-اي اصبر ماكو اشكال
وسام:-السلام عليكم
الكل:-وعليكم السلام
وسام:-شلونك اليوم
سيف:-تحت رحمة الله
وسام:-تتذكر من جنت نايم هالنومه بمكانك شگلتلي
سيف:-اي تمنيت اصير مثلك
وسام:-وهالصرت مثلي حتى بعد لتتمنى شر لروحك
أبو رسلان:-هو الاشترى چفن لروحه وبعده هايش شتتوقع من عنده
رسلان:مو بــس چفن حتى قطعه مال گبر اشترى من چنا بالنجف
أبو رسلان:-يجلط الصاحي بتصرفاته
وسام:-ابو رسلان من رخصتكم عادي تعوفونا اني وسيف شويه
أبو رسلان:-اي راح نطلع ننتضر بره
وسام:-تمام افتهم الصاير من عنده بعدين ابلغكم الكاله كله
أبو رسلان:-ان شاء الله خير
وسام:-"طلعو ابو رسلان وولده وفهد بقينا اني وسيف"
-سيف طگ بطگ لتضم شي متفقين
سيف:-ماكو شي ينضم من الأساس
وسام:-ذوله منــوو وشعدهم وياك احجيلي من البدايه من اخذوك لحد ماعافوك يم الباب
"الحجي كله يحجي متقطع وبين جمله وجمله يختنك وبعدين يرجع يكمل👇🏻"
سيف:-جنت طالع الصبح يحيى فتح المحل قبلي واني طلعت ويه صديقي عزمني على كهوه وبعدين طلعنا وصلني يم التقاطع ونزلت اتمشى للمول إجاني واحد گلي
يردونك بذيج السياره شغله تخصك اني هم صدگت ورحت للسياره باوعت للرجال كلي اصعد يمي رفضت اصعد لأن ع فت السالفه بيها ليك طلع المسدس مالته وگلي بــس تدير ضهرك اعتبر المسدس يفرغ براسك اصعد وخلينا نتفاهم صعدت وياه ..
YOU ARE READING
خفايا ضابط
Romanceفيان :-شمرني بغرفه ضلمه وسد عليه الباب وهو يعرف كلش زين شلون أني اخاف من الضلمه عيطت من الخوف وكمت أرجف أختنكت أحس ماكو هوا وأغمى عليه ... ماحسيت إلا على مي بارد تبلل جسمي كله
