خفايا ضابط

بارت ٤ج٢

خفايا ضابط

بارت ٤ج٢

بقلم كهرمانه
🖇🖇🖇🖇🖇🖇🖇🖇
أينما أستوجب عليك وضع النقطه
ضعها ولا تتردد ، الفواصل غالباً متعبة .
__________

ڤيان:-بالليل خابرت على أمي اتفق وياها يمرون عليه الصبح

أم يزن:-هلو بيج حبيبتي

ڤيان:-ماما باچر تمرون عليه الصبح اجي وياكم

أم يزن:-اخلي يزن يمرلج ميخالف اني مو أكيد اجي

ڤيان:-لاا ليش

أم يزن:-واللن يمي رفل الصبح جابها رجلها تنزف

ڤيان:-ياا عززه وهسه

أم يزن:-لا خف شويه ‎أحــسن من الصبح تگول بدز ينگطع

ڤيان:-شگالتلها الدكتوره

أم يزن:-تگول إثبات والطفل بحاله زينه

ڤيان:-‎هــآي شنو يصير اثبات بشهر الثاني

أم يزن:-شمدريني الدكتوره تكول واني اخاف عليها المزرعه شويه طريقها بعيد اخاف من الطسات

ڤيان:-خابري الدكتوره وإذا گالت وضعها تمام خليها تجي خطيه تتونس ونفسيتها تتغير شويه

أم يزن:-انشاءالله

ڤيان:-سلميلي عليها

أم يزن:-يوصل

.
.
إرجوان:-اليوم كله الولد نفسه ‎بــس يتصل ويلح بالأتصال واني مارد دخلت للأنستا لگيته مراسلني هواايه مارديت ‎بــس دخلت ع صفحته مخلي رابط صفحة الفيس من باب الفضول

دخلت عالرابط بالفيس ورحت ع الأصدقاء لگيته صديق مشترك ويه يحيى وويه سيف أستغربت هذا منين يعرفني وصديقهم فوكاها 

ضليت ادور بالمنشورات هواي صور هو ويحيى حتى الحاله الناشرها بالأخير يصور المحل ويحيى وياه موجود بالمحل گاعد ومبين بينهم ميانه معقوله يكون شايفني بمناسبه وضال يراقبني لو رايح ليحيى وسيف واحد منهم منطيه رقمي

لا لا ماتوقع يسووها استغفر الله ليش دخت وخفت وماعرف شسوي خلصت تحضير ملابس وسويت منبه حتى اكعد من وكت ضلمت الغرفه ونمت ،

ثاني يوم گعدت أول مادگ التليفون قبل المنبه حتى يدگ  فتحت خط بدون لاشوف ‎منــوو

ياسر:-صباح الخير ياحلو

إرجوان:-خيرررررر ياااخيررررر هذااا من الصبح

ياسر:-راح ترحين للمزرعه مال عائله ديري بالج الجو ‎صــآيـر بارد

إرجوان:-انت شمدريك اني حروح عندك واحد يوصل الك اخباري

ياسر:-اي هيج شي

إرجوان:-سديت التليفون بوجهه طبعاً حضرته اني ورجع يدك من غير تليفون گمت سبحت وبدلت ملابسي ونزلت جوه لگيتامي وابويه كاعدين ومصطفى وغيث ‎بــس امير ماكو سألت امي عليه كالت روحي كعديه دنگت أخذت صمونه وسويت لفه اتسلى بيها بطريق الروحه لغرفة امير وصلت يم الباب خلصت اللفه وفتحت الباب حيل ودخلت بسرعه امشي وخرت الغطه من عنده وحجيت بصوت عالي