خفايا ضابط
بارت١٣ج٢
بقلم كهرمانه
🖇🖇🖇🖇🖇🖇
لا تضُم
حَچيك لباجر خاف
باجر ما يجيك
الكلمة لذتهآ بوكتهآ.
_____
رهف:-بقت ماما تسأل على ڤيان وشهم وصللهم فكره انو اجه زوجها واخذها وماما بقت تحجي عليها شلون تروح بدون لاتنطيهم خبر وعاتبت شهم كالتله غير نفهم شلون رجعها بكيفه هو يشمرها علينا وشوكت ميعجبه يجي ياخذها بالكوه سكتناها رادت تخابر وسام وترزله وشهم گاللها هي ورجلها يتفاهمون وحچالها شسوت وهمه نايمين شاطت وكامت تغلط عليهم ثنينهم اجه فهد وكالتله صدك انت محاجي ڤيان فهد مانكر وكال اي صدك عاتبتها لان تحث ديم عليه وتقرا براسها اني رحت حاچيتها ، وياه حق صراحه كلمات ڤيان يسمن البدن اني من يمي ضجت همه شلون بــس هوه ابو طبع ميكدر يبدل طبعه واكيد فيان لازم الكل يتعود عليها هيچ ...
.
ڤيان:-مرت الأيام واخذتني خالت وسام للدكتور لأنو رجلي حيل أذتني هم شال الجلد واني اعرف اهتم بالحرق وخالته مادامها موجوده ترزل بيه علمود ليش ماسمع كلمته
متعذبه حيل هــآي الايام البيت ينرادله شغل والجهال لازملهم اهتمام واني بالگوه اتحرك خلصت الفاتحه مال جدته، رجع من الدوام واني منومة الجهال نومة الضهر ونضفت البيت بالگوه امشي تبهذلت خلصت من الشغل وبخرت البيت كعدت ومديت رجلي عالطبله مسحت بالمعقم عالجرح ونوب خليت مرهم اللي نطانياه الدكتور ، اجه كعد كبالي ينشف شعره بالخاولي
وسام:-كومي سويلي زقنبوت
ڤيان:-شويه واكوم رجلي توجعني
وسام:-لا هسه عوفي الكلاوات مال رجلي توجعني
ڤيان:-"تجنبت المشاكل وگمت سويتله أكل خليته كدامه ورحت للغرفه تمددت والتعب يقرا ألف كعدت شهلاء اخذتها وخليتها بحضني بستها وصفنت بوجهها سبحان الله هــآي البنيه نسخه من امه لوسام شفتها بالصور كلش تشبهها عيونها مثل لون البحر وسام يحبها اكثر من اخوها ومن تبجي يتخبل ويوميه يوصيني ادير بالي عليها مثل الواحد عنده شي ثمين وحريص عليه هيجي من اكله انت ماهتميت بعراق مثلها يكلي لا متوهمه ثنينهم نفس الشي ، دخل للغرفه وفتح الضوه شاف شهلاء كاعده اخذها من عندي
-حضريلي ملابس اريد اطلع
ڤيان:-شتلبس
وسام:-اي شي
ڤيان:-حضرتله ملابس ونطيتهن اله خله شهلاء عالچربايه وبدل ملابسه كثر بالعطر مشط شعره وراد يطلع سألته
-وين رايح شوكت ترجع تتأخر لو لا "عافني وطلع بدون ليجاوبني "
.
.
إرجوان:-حياتي صارت عباره عن جامعه وبيت +تفكير مكثف بسبب العينتين بقى ورايه كل ما انشر شي بالواتساب يرد عليه ومن يخابر انطيه رفض اشوف شنو داز من الاشعارات ومادخل عالمحادثه يراسلني ويريدني ارد عليه اخذت سكرين اله شلون يريدني احاجي والباقي امسحه فـ بيوم كاعده اراجع الضهر بغرفتي وهو راسلني جنت ضايجه لان امي رزلتني رديت عليه وگبيت بوجهه
أنت تقرأ
خفايا ضابط
العاطفيةفيان :-شمرني بغرفه ضلمه وسد عليه الباب وهو يعرف كلش زين شلون أني اخاف من الضلمه عيطت من الخوف وكمت أرجف أختنكت أحس ماكو هوا وأغمى عليه ... ماحسيت إلا على مي بارد تبلل جسمي كله
