خفايا ضابط

بارت٥

خفايا ضابط

بارت ٥

بقلم كهرمانه
🍃🍃🍃🍃🍃🍃🍃🍃🍃

أعظم الانتصارات قد تأتي بعد هزيمة مُزعجة، وأفضل الاختيارات قد تأتي بعد اختيار خاطئ، وقد نعرف قيمة الصادقين بعد أن يخدعنا شخص ما، وقد نعيش تجارب مُرهقة فنخرج منها مُدركين قيمة الخطوة، وقد تفاجئنا المصاعب بما بنا من قوة، وقد نتعلم بهذا كله فنكون أكثر وعيًا بالطريق، والرفيق، أكثر وعيًا بما ومن يؤذينا، ومن يزيدنا قوة وتماسكًا.
.......

فيان :-بقيت كاعده وماكدرت أنام بعد باوعت على تليفوني المكسور وجريت حسره عود من ارجع للبيت اطلع تليفوني السري بس ويه أرشد احجي كعدت ترف تباوع عليه وتفرك بعيونها

ترف:-صباح الخير شعجب كاعده

فيان:-سكتي حتى للحجي مالي خلك

ترف:-شحتسوين

فيان:-مااا ادرري مستحيل اتزوج هذا المكطم

ترف:-ابن عمي مكطم؟

فيان:-خرا عليج وعلى عمامج جاي يخطب وبس مره وحده عجوز لا ام لا خاله لا عمه معقوله عشيرتكم منقرضه

ترف:-ولي زعلت بعدين امه ميته وعايش ويه مرت ابوه وابوه

فيان:-لا هاي هيه ربحنااااا ترف اسكتي من عندي تعبانه حيل مو شلون متتوقعين

ترف:-اكول ليش متكولين لوسام ماريدك بلكي يعوفج

فيان:-لا ماريد احجي وياه ولا ألتقي بيه

ترف:-امشي خلي ننزل

فيان:-دقيقه أني ابدل وارجع لبيت أهلي

ترف:-لتروحين تتعاركين وياهم

فيان:-طبهم مرض شكد اكرههم

ترف:- متعجبيني ولا تصرفاتج حلوه تدخلين روحج بالمشاكل مو بس تأذين روحج انتي دتأذين اهلج وياج

فيان:-وداعتج النقص وعدم الثقه بالنفس هيج يسوي

ترف:-الله يباوعلج "راحت فيان وصلتها جدتي ورجعت شفت الساعه بالتسعه سويتلي ريوك وأكلت سألتني جدتي

أم قاسم:-شبيها فيان

ترف:-بيبي تسألين شبيها مو تدرين الخطوبه صارت غصب عليها

أم قاسم:-أحسن فيان كلش صايره من يوم اجه خطبها ذاك الزعطوط لهسه متخبله البنيه

ترف:-ممممم

أم قاسم:-والله اخاف تسويلها شي بروحها تمشي جنها مو ويانه لهاالدرجه كاتله روحها عليه ياريت يستاهل واحد زعطوط

ترف:-اي بيبي هو معاجبها وسام

أم قاسم:-يمه من بنات هذا الوكت

ترف:-بيبي عوفج من هاي السالفه مشتهيه المقلوبه التسويها

ام قاسم:-من عيوني اسويلجياها جنت حايره بالغدا