خفايا ضابط
بارت١ج٢
بقلم كهرمانه
🖇🖇🖇🖇🖇🖇🖇
لا أنت حبيباً أحبني وأهتم بي
ولا عابراً مضى وترك قلبي بـ سلام !🖤
_______
ترف:-
صباح يوم جديد فتحت عيوني مبتسمه على صوت مناغاة ابني قاسم گمت باوعت للساعه بالسبعه ونص اخذته بحضني وبسته من خدوده دخلت للحمام غسلت وجهي ودفيت المي غسلت لابني وبدلتله وعطرته شلته ونزلت اول ماوصلت للصاله خالو رفع راسه مبتسم
-صباح الخير
أبو رسلان:-صباج النور جيبيه حبيب روحي
ترف:-"نطيته اله ورحت للمطبخ لكيت رفل متمدده عبالي بيها شي "
-رفل رفل شبيج رفل
رفل:-هاا ترف مابيه شي انتي شبيج متحلمه بيه
ترف:-لا مو لان شفتج متمدده ومغمضه عيونج خفت
رفل:-تعبانه ونفسي تلعب شسوي كلشي ماكدر اكل لشوكت ابقى هيج
ترف:-اي شتسوين لعد يله بــس هذا الشهر عود شهر الجاي تنفجعين عالاكل
رفل:-ماصدك اخلص
ترف:-كل احنا گلناها قبلج وصارت سوالف
رفل:-اي بــس مو مثلي
ترف:-لا مثلج وازيد ، أ رسلان صارله هواي من طالع شو ماگعدني
رفل:-قبل كم دقيقه طلع وانمار فوك ديبدل ، يله اني وياج واحد انتي هم ابنج متعبج البارحه صوت بچيه وصل لغرفتي
ترف:-اي عنده مغص خطيه بــس يبجي ، اكلج ماكله شي لو لا
رفل:-لا سويت اكل بــس لعمو والولد اني ما اكلت تدرين تلعب نفسي من طبخي
ترف:-دروحي كعدي بالصاله اني راح اسوي ريوك النا واجي
رفل:-اي تمام
ترف:-كملت الاكل وسيريلاك للباشا مالتي واخذته للصاله اخذت ابني من خالو وبديت اوكله ويه كل لگمه ضحكه بصوت عالي يحب الاكل بشكل مو طبيعي وخالو متونس على ضحكته نزل أنمار وراح لدوامه وإلياس راد بــس جاي شرب وراح للمحل مالته لأن كاعد متأخر خلصت اكل وخالو طلع يشوف اوضاع الشغل نطيت ابني لرفل وكمت اني انضف مديت راسي من الباب لگيت العامل گاما واكف يرش بالحديقه وصيته ع شغلات احتاجهن للغدا وللبيت ماگال لا خلصت غسل مواعين وبعدني مباديه بالمسح كعد سيف مفتح تك عين
سيف:-ليش محد مكعدني
ترف:-انت مو البارحه كلت انطي عطله لنفسي اليوم وماطلع
سيف:-ها اي ابوي وين
ترف:-طلع
سيف:-ويحيى
ترف:-بعده نايم ماشفته
سيف:-سويلنا ريوكً من ايديناتج المعدلات اروح اكعده واجي
JE LEEST
خفايا ضابط
Romantiekفيان :-شمرني بغرفه ضلمه وسد عليه الباب وهو يعرف كلش زين شلون أني اخاف من الضلمه عيطت من الخوف وكمت أرجف أختنكت أحس ماكو هوا وأغمى عليه ... ماحسيت إلا على مي بارد تبلل جسمي كله
