"နင်ကိုး...နင်က ဘာကိစ္စ ဥယျာဉ်တော်ဘက် ရောက်နေရတာလဲ...ရောက်မဲ့ရောက် ဒုတိယအကိုတော် နန်းဆောင်ကို ရောက်နေရမှာမလား"
ရုတ်တရက် သူ့အနားမှ စူးရှလွန်းသော အသံတစ်သံ ထွက်ပေါ်လာသောကြောင့် အသံလာရာဆီသို့ ကြည့်ရှုလိုက်သည်။ လွန်စွာ ခမ်းနားလွန်းလှသော အဆင်တန်ဆာတို့အား ဆင်မြန်းထားသည့် လှပချောမောသော မိန်းမငယ် တစ်ယောက်အား တွေ့မြင်လိုက်ရသည်။
"မင်းသမီး...ကျွန်တော် မင်းကြီး ခေါ်လို့ နန်းတော်ထဲ ရောက်ရှိနေတာပါ"
"ငါ ကြားတာ နင် အတိတ်မေ့သွားတယ်ဆို...ငါ့ကိုတော့ မင်းသမီးမှန်း မေ့မသွားဘူးဘဲ"
ရီဟွား ရန်လိုနေပုံရသော သူမအား ကြည့်၍ ပြောလိုက်၏။
"ကျွန်တော် တကယ် ဘာကိုမှ မမှတ်မိပါဘူး...မင်းသမီးမှန်းသိတာက မင်းသမီးရဲ့ ဝတ်စားဆင်ယင်ပုံကြောင့်ပါ"
"ငါ့ကို မင်းသမီးမှန်းသိရင် အရိုအသေပြုရမယ်ဆိုတာ မသိဘူးလား"
ရီဟွား သူဖတ်ဖူးသည့် ဇာတ်ကြောင်းအထိဆိုလျှင် သူသိသည့် မိန်းကလေးဇာတ်ကောင်သည် အမျိုးသမီးဇာတ်လိုက် သခင်မလေး ရှင်းရန် တစ်ယောက်သာ ရှိသည်။ ယခု သူ၏ရှေ့ရှိ အဆင့်အတန်းမြင့်ပုံရသည့် မိန်းကလေးအား သူ သတိထားရပေမည်။ သူ၏ မူလခန္ဓာကိုယ်ပိုင်ရှင်နှင့် ရန်ငြိုး ရှိထားပုံရသည်။
"မင်းကြီးက ကျွန်တော့်ကို ဘယ်သူ့ကိုမှ အရိုအသေပေးစရာမလိုဘူးလို့ အမိန့်ပေးထားလို့ပါ...ကျွန်တော် မင်းကြီးရဲ့ အမိန့်ကို မလွန်ဆန်ရဲပါဘူး...မင်းကြီးရဲ့အမိန့်ကို မင်းသမီး မလွန်ဆန်ဖို့ မျှော်လင့်ပါတယ်"
"မဖြစ်နိုင်တာ...နင် လျှောက်ပြောမနေနဲ့"
လျှောက်မပြောပါဘူး အဘွားလေးရယ်! မတ်တပ်ရပ်ပြီးပြောနေတာပါဗျာ!
ရီဟွား အတွေးထဲတွင်သာ ပြောလိုက်ခြင်းဖြစ်သည်။ အပြင်တွင်သာ ထုတ်ပြောလိုက်လျှင် ထို သူ့အား မကြည်သော အဘွားလေးသည် သူ့အား သတ်ပစ်လောက်သည်။
YOU ARE READING
ရာဇဝင်ထဲက ကျွန်တော့်ချစ်သူ(Complete)
Historical FictionZawgyi "ကိုယ့်ပြည်သူတွေ ကိုယ်ဂရုစိုက်ပါတယ်။ ဒါပေမဲ့ မင်းနဲ့ယှဥ်လာရင်တော့ ကိုယ်မင်းတစ်ယောက်ကိုပဲ မြင်တယ်" ကံကြမ္မာသည် ဆန်းကြယ်လွန်းလှသည်။ ရာဇဝင်ထဲ အချိန်ခရီးသွားပြီးနောက် သူ၏နှလုံးသားတစ်ခုလုံးနှင့်ရင်း၍ ချစ်ရသူအား ရှာဖွေတွေ့ရှိခဲ့သည်။ Unicode "ကိုယ့္...
အပိုင်း(၆.၁)ဇာတ်ကောင် အများကြီး ပေါ်လာပြီ
Start from the beginning
