ရာဇဝင်ထဲက ကျွန်တော့်ချစ်သူ(Complete)

အပိုင္​း(၅.၁) သနားစရာ အပိုဇာတ္​​ေကာင္​​ေလး

"မင်းတို့ကို ဘယ်သူက ဓားထုတ်ခိုင်းလို့လဲ...အခု ချက်ချင်း ကိုယ်တော့်မျက်စိရှေ့က ထွက်သွားကြစမ်း"

ကိုယ်ရံတော်အုပ်စု လေအလျင်လို ပျောက်ကွယ်သွားသည်နှင့် တစ်ပြိုင်နက် သူတို့အနီးသို့ ယွီလေး ရောက်ရှိလာပြီး မင်းကြီးအား ဒူးထောက်အရိုအသေပြုလိုက်သည်။

"အရှင်မင်းကြီးအား ကျွန်တော်မျိုး အရိုအသေပြုပါတယ်...မင်းကြီး သက်တော်ရာကျော်ရှည်ပါစေ"

မင်းကြီးသည် ဘာစကားတစ်ခွန်းမျှ ပြန်မပြောပေ။ ဒူးထောက်နေသော အကိုကြီးနှင့် ယွီလေးအား လျစ်လျူ ရှုထားပုံရသည်။

မတ်တပ်ရပ်လျက်ရှိနေသော ရီဟွားတစ်ယောက် မင်းကြီးအားတစ်လှည့် ယွီလေးအား တစ်လှည့်ကြည့်လိုက်၏။

'Idol နဲ့ fan တွေ့ဆုံခန်းက ဒီတိုင်းဘဲ ပြီးသွားတာလား...အဲဒီကောင်စုတ်လေးက သူ့ရဲ့ idol ကြီးကို တွေ့မှ ဘာလို့ အဲလောက် ငြိမ်နေရတာလဲ...ငါ့ခေတ်မှာ fanတွေ သူတို့ idolကိုတွေ့ရင် မျက်ရည်တွေကျပြီး ငိုရင်ငို.. မငိုရင် အသံနာတဲ့အထိ အသေအော်ကြတာလေ... မဟုတ်ရင်တောင် သူတို့မျက်နှာမှာ ဝမ်းသာမှုတွေ အတိုင်းသား မြင်နေရတာ....ဒီရှေးခေတ်က idol နဲ့ fan တွေ့ဆုံမှုကြီးက ထူးဆန်းလှချည်လား'

ရီဟွား အတွေးရေယာဉ်ထဲ မြောနေသောကြောင့် သူ့ရှေ့တွင် သူ့အား ပြုံးကာစိုက်ကြည့်နေသူအား သတိမထားမိ။

ရီဟွား အတွေးတို့မှ ရုန်းထွက်လိုက်ပြီး သူ၏ အကြည့်တို့ ယွီလေးနှင့် အကိုကြီးဆီ ရောက်ရှိသွားသောအခါမှ သူတစ်ယောက်တည်း မတ်တပ်ရပ်နေသည်ကို သတိထားမိသွားသည်။

ဒူးထောက်အရိုအသေပြုရန် သူ၏ လက်နှစ်ဖက်အား ထပ်လိုက်စဉ် သူ့အား မျက်တောင်မခတ်စိုက်ကြည့်နေသူသည် သူ့အနားသို့ တိုးကပ်လာသောကြောင့် ရီဟွားထိတ်လန့်ကာ နောက်သို့ခြေလှမ်းအနည်းငယ် ဆုတ်လိုက်၏။

အကိုကြီးနှင့် ယွီလေးတို့သည် ခေါင်းများငုံ့ထားသောကြောင့် ထိုသူ၏ အပြုအမူတို့အား မြင်ပုံမရချေ။