JB3: The Governor's Secret[ PUBLISHED UNDER ETLUX OC PUBLISHING INC]

37

Hindi siya makapagsalita sa ibinato nitong tanong. Hanggang kailan nga ba? Kahit ang mga kapatid niya ay pinagdududahan niya. Wala siyang ibang pinagkakatiwalaan kung hindi ang sarili niya. Dahil kailangan niyang maging maingat sa pagtitiwala sa iba, limitado lamang ang impormasyong nakakalap niya. Kinailangan niya ring ayusin ang mga umuusbong na problema sa kompanya.

Muli niyang tiningnan ang padre de pamilya ng mga Juariz. Taas noo itong nakatayo sa kanyang harapan habang hinihintay ang kanyang sagot. Sa tindig palang nito, alam na niyang marami na itong alam sa kasalukuyang nangyayari sa buhay niya.

"Nice house," Ang komento ni Allistain nang maka-upo ito sa sofa sa kanilang sala. Palinga-linga pa ito sa loob ng kanilang bahay.

"Tell me what you know about this whole shit, Allistain." Ang diretsahang tanong niya sa lalaki. Katabi nito ang tatlo pa niyang anak.

Ang asawa naman ng kanyang anak ay nakaupo sa pang-isahang sofa. Katabi nito ang isa pa niyang kapatid na printeng-printeng nakaupo sa braso ng sofa kahit may bakante pa namang upuan.

"Don't make it sound like I know everything, Stanley. You know I'm not like that." Ang sagot nito sa kanya habang naka dekwatro.

"I've known you almost all my life. Hindi man tayo naging malapit sa isa't-isa pero ikaw ang pinaka-chismosong taong nakilala ko, Juariz."

Malakas itong tumawa na para bang nakarinig ng papuri mula sa kanya. Kahit kailan ay wala pa rin itong pinagbago. Katulad pa rin ito ng dating Allistain na pakialamero at walang modo.

Nang mapagod ito kakatawa nakangisi siya nitong tiningnan bago nagsalita."We have a clue who might be behind all of this ruckus pero bago ko sasabihin sa 'yo kailangan mo munang ipangako na sasabihin mo sa amin ang lokasyon ng anak mo."

"Stop beating around the bush at diretsuhin niyo 'ko. Who is it?" Ang aburido niyang tanong dito.

Nagkatinginan ang mga anak nito sa
isa't-isa bago sinagot ng abogadong anak ni Allistain ang katanungan niya.

"Stanford Gonzales. Ayon sa nakalap naming impormasyon ito ang huling kausap ni Julius Benidicto, ang lalaking nagtangkang barilin si Denisse. Ito rin ang nag-utos na lasunin ang anak nitong si Mavrick Gonzales. Pagkatapos naming pakantahin 'yong lalaking inutusan niyang maglason sa pamangkin mo,agad din itong nagpakamatay," ang mahabang kwento nito.

Stanford Gonzales. Ito ang panganay sa kanilang magkakapatid. Noong ipinasa dito ng kanyang ama ang posisyon bilang CEO ng kanilang kompanya agad nitong tinanggihan ang posisyon dahil wala daw itong interes doon. Kaya kung ito nga talaga ang gumawa ng lahat ng katarantaduhang 'yon, anong dahilan nito? He couldn't think of any reason kung bakit magagawa iyon ng kapatid niya.

Umiling siya bilang di pagsang-ayon sa mga sinasabi nito. "T-That's just impossible, hindi magagawa ng kapatid ko 'to. How could he kill his own children? Wala akong maisip na dahilan para gawin niya 'yon."

"I think he's looking for something. Sabi kasi n'ong lalaking pinakanta namin may pinapahanap dawng susi sa kanya,"

"Susi?" Agad napakunot ang kanyang noo pagkarinig dito. Nagsimula na siyang kutuban pagkarinig sa salitang nabanggit. Mukhang may ideya siya kung aling susi ang tinutukoy nito.

"Stolen treasures. I'm sure alam mo ang tinutukoy ko. It was a famous tale when we we're kids.  Hindi ba't sabi-sabi na ang ninuno niyo ang nagnakaw sa kayamanang 'yon? Your brother must be looking for its key."