ရီဟွား စာအုပ်တန်ဖိုး ပေးချေလိုက်ပြီး စာအုပ်ဆိုင်ထဲမှ ထွက်လာလိုက်သည်။
လမ်းကူးရန် ကားအရှင်းကို ရပ်စောင့်နေစဉ် လှိမ့်သွားသော ဘောလုံးလေးနောက် လိုက်နေသော ကလေးငယ် တစ်ယောက်ကို မြင်လိုက်ရသည်။ ထို့နောက် ကလေးငယ်ဆီသို့ဦးတည်မောင်းနှင်လာသော ကားတစ်စီး။
ရီဟွား ကလေးဆီသို့ အမြန်ပြေးကာ ကလေးအား တွန်းထုတ်လိုက်၏။ ကလေးငယ် ကား၏ဦးတည်ရာနှင့် လွတ်သွားစဉ် သူ၏ကိုယ်သည် လေပေါ်သို့မြောက်တက်သွားသည်။ ကားဘရိတ်အုပ်သံနှင့် လူများ၏ အော်ဟစ်သံတို့ ဆူညံသွားကြ၏။
ထို့နောက် ရီဟွား၏ အမြင်အာရုံတို့ ဝေဝါးလာကာ နောက်ဆုံးတွင် မှောင်အတိကျသွားလေတော့သည်။
ရှုပ်ယှက်ခတ်သွားသော အခြေအနေတွင် မြေပြင်ပေါ်သို့ ကျရောက်နေသည့်စာအုပ်လေးတစ်အုပ်သည် ရွှေရောင်အလင်းများ တခဏမျှလင်းသွားသည်ကိုတော့ မည်သူမျှသတိမထားမိလိုက်ကြပေ။
**********************
လေးလံနေသော မျက်ခွံတို့အား ကြိုးစားဖွင့်လိုက်ချိန် မြင်လိုက်ရသည်က မျက်နှာကြက်အဖြူရောင်များ။
ဘေးဘီအား ဝေ့ဝဲကြည့်လိုက်စဉ် မြင်လိုက်ရသော ရှေးကျသည့်အခန်းတွင်းပြင်ဆင်မှုကြောင့် အံ့အားသင့်သွားရသည်။ သူ၏ ကုတင်ဘေးတွင် အိပ်ပျော်နေသည့် ရှေးခေတ်အဝတ်အစားများ ဝတ်ဆင်ထားသော ကောင်ငယ်လေးတစ်ယောက်အား သူ လှုပ်နိုးလိုက်၏။
"ဟေ့...ဟေ့...ထဦး"
နိုးလာသောကောင်လေးသည် သူ့အား တခဏမျှကြောင်ကြည့်ပြီးနောက် ဝမ်းသာအားရ ထအော်တော့သည်။
"သခင်လေး...သတိရလာပြီ...ကျွန်တော် အရမ်းစိတ်ပူလိုက်ရတာ...သတိရလာလို့ တော်သေးတယ်"
YOU ARE READING
ရာဇဝင်ထဲက ကျွန်တော့်ချစ်သူ(Complete)
Historical FictionZawgyi "ကိုယ့်ပြည်သူတွေ ကိုယ်ဂရုစိုက်ပါတယ်။ ဒါပေမဲ့ မင်းနဲ့ယှဥ်လာရင်တော့ ကိုယ်မင်းတစ်ယောက်ကိုပဲ မြင်တယ်" ကံကြမ္မာသည် ဆန်းကြယ်လွန်းလှသည်။ ရာဇဝင်ထဲ အချိန်ခရီးသွားပြီးနောက် သူ၏နှလုံးသားတစ်ခုလုံးနှင့်ရင်း၍ ချစ်ရသူအား ရှာဖွေတွေ့ရှိခဲ့သည်။ Unicode "ကိုယ့္...
အပိုင်း(၁)ဝိညာဉ်ကူးပြောင်းခံလိုက်ရခြင်း
Start from the beginning