Until we're ready enough

Script 2 - 2

--------------------------------------------------

SCENE 04

Sa Multiplisoria, sentro ng bilihan ng mga bagay bagay. Maraming tao sa paligid at halos lahat sila ay may hawak na plastic bag o iba pang kahalintulad sa kanilang mga kamay. Maingay dito, iba ang takbo ng hangin, at mainit. Si Hannah at Louise ay naglalakad sa gilid.

Hannah: Bale may hindi pa ba ko naituturo...

Tahimik na sumusunod si Louise sa gilid ni Hannah.

Hannah: Mahilig ka ba sa anime o sa laruan? May alam akong tindahan.

Louise: Hindi na muna siguro, pero salamat.

Bahagyang ngumiti si Louise nung tumalikod sa kanya si Hannah. Patuloy parin silang naglalakad.

Hannah: Oo nga pala...

Binagalan ni Hannah ang paglalakad at tumabi sya kay Louise. Hinawakan nya ang kanang kamay ni Louise.

Hannah: Kakilala mo ba si Irene? Parang close kayo.

Louise: Magkaibigan na kami ni Irene simula pa nung high school.

Hannah: Talaga? Ano madalas ginagawa niyo dati?

Louise: Wala naman. Madalas inaaya ko sya kumain sa mga kainan.

Humarap si Hannah kay Louise.

Hananh: TALAGA? Saan saan naman? Mahilig kayo sa eat all you can? Ilan kayo?

Louise: Kami lang dalawa madalas. Sa samgyup. Minsan hindi sya pumapayag kasi wala daw syang pera.

Hannah: Halaaa. Huy! Minsan kain tayong magkakadorm mate sa samgyup ha! Namimiss ko na tuloy kumain dun!

Louise: Sige po. Namimiss ko na rin kumain sa ganoon.

Hannah: Speaking of pagkain, nagugutom ka na ba?

Huminto sila sa paglalakad. Tumagilid si Louise at nakita nyang malapit sila sa isang fast food restaurant.

Louise: Uhmmm. Wala kasi akong dalang extrang pera.

Hannah: Sus. Problema ba yun? Libre ko na muna ngayon!

Louise: Talaga?

Hannah: Basta sa susunod, libre mo ko caramel sundae ha?

Louise: Sige! *ngumiti siya*

Naglakad si Hannah at Louise papasok sa fast food restaurant. Pagpasok nila ay nakita nilang may iilang tao sa premiso. Halos lahat din ng upuan ay may tao na.

Hannah: Ano gusto mong orderin?

Hinila ni Hannah si Louise sa linya ng mga umoorder. Tatlong tao na lang ang nakapila bago sila masalang.

Louise: Ok na siguro sa akin yung tig 80 na chicken.

Hannah: Ganun ba? Sige sige, iyun nalang din oorderin ko. Pero dagdagan mo na rin ng dalawang sundae saka dalawang large fries ha?

Louise: Sige sige.

Tumingin si Louise kay Hannah, nakita niyang hakbang ito ng hakbang pabilog. Malaunan ay hinawakan ni Hannah sa braso si Louise.

Hannah: Uy Louise. Magbabanyo lang ako ha? Kaya mo ba umorder para satin?

Louise: O... oo naman. Sige.

Hannah: Hanap na rin ako ng mauupuan natin pagkatapos ko. Bye!

At naglakad ng mabilis si Hannah palayo kay Louise at papunta sa gawing likod ng lugar.