သူမကို ရှာတွေ့ပြီဟု သူတွေးမိတော့မည့် အခါတိုင်းမှာပင် သူမက ခြေရာပင်မချန်ပဲ ပျောက်ကွယ်ကာ သွားနှင့်သည်။ သူမ၏ လှပသည့် ကျောပြင်နှင့် ပိုသားကဲ့သို့ နက်မှောင်သည့် ဆံနွယ်တို့လေထဲလွင့်နေသည်ကို သူမြင်လိုက်တာ သေချာလှသည်... သို့သော် သူမနားကို သွားဖို့ ကြိုးစားတော့မည့် အခါတိုင်း သူမ ပျောက်ကွယ်သွားပြန်သည်။
သူမ၏ စွမ်းဆောင်နိုင်ရည်ကို သူစတင်၍ မုန်းတီးလာတော့သည်။ အရင်တုန်းကတော့ သူနှင့်ထပ်တူ လိုက်မှီဖို့ သူမ အရမ်းကို ခက်ခက်ခဲခဲ လေ့ကျင့်ခဲ့ရသည်။ သူတိှု့နှစ်ဦးကြားက ပြဇာတ်ကို တခြားလူတွေစောင့်ကြည့်နေမှန်း သူ ပြတ်ပြတ်သားသားသိနေသည်အပြင် သူမကလည်း သူ့ဆီကနေ ပုန်းကွယ်၍နေသည်။
တုလင်းလန် သူ့ကို မတွေ့ချင်၊ ထိုအချက်က သူ့ကို အရာရာတိုင်းထက် နာကြင်စေသည်။ သို့သော် သူမ သူ့ကို ဘယ်တော့မှ ထပ်မတွေ့ချင်တော့ဘူးဆိုရင်တောင် သူကတော့ သူမကို ရှာနေဦးမှာဖြစ်ပြီး အစမှ အဆုံးတိုင် သူချစ်ရသူသည် သူမသာ ဖြစ်ကြောင်းပြောမည် ဖြစ်သည်။
ဒီတူတူပုန်းတမ်း ကစားပွဲသည် လုံဟူ လုံအိမ်တော်သို့ ပြန်ရောက်လာချိန်အထိ ဆက်၍ ဖြစ်ပေါ်လို့နေသည်။
လုံဟူ ပြန်လာပြီ... တုလင်းလန်သည် လုံဟူ၏ နံဘေးတွင် ကာကွယ်ဖို့ရာ ရှိနေရတော့မည်။ ထို့ကြောင့် သူမ ပြေးချင်ရင်တောင်မှ ခပ်ဝေးဝေးသို့ သူမ ပြေးနိုင်လိမ့်မည်မဟုတ်။ သူ့ပုံစံက အခွင့်အရေးကို ကျားချောင်းချောင်း နေသည့်ပုံပေါ်ပြီး အကောင်းဆုံးအခွင့်အရေးရောက်လာမည့်အချိန်ကို စောင့်၍သာ နေလေတော့သည်။
(T/N. အခွင့်အရေးကိုကျားချောင်းချောင်းနေ ဒီနေရာမှာ သုံးသွားတာက to guard a tree-stump, waiting for rabbits ဆိုတဲ့ တရုတ် idiom ပါ။ လယ်သမားတစ်ယောက်က တစ်ရက်မှာ ယုန်တစ်ကောင် သစ်ငုတ်တိုကို ၀င်တိုက်ပြီး သေသွားတာကို မြင်လိုက်ရတယ်။ ဒါနဲ့ပဲ အဲ့ဒီလယ်သမားဟာ တစ်ခြားယုန်တွေဟာလည်း ဒီလိုမျိုး သေလောက်တဲ့အမှားကို ထပ်လုပ်လေမလားဆိုတဲ့ အတွေးနဲ့ သစ်ငုတ်တိုနားမှာပဲ ဆက်ပြီးစောင့်နေတယ်၊ အပြင်ထွက်ပြီး အမဲလိုက်တာမျိုးနဲ့ အားထုတ်မယ့် အစားပေါ့။ မြန်မာလို ဘယ်လိုသုံးရမယ်မသိလို့ ဒီလိုပဲရေးလိုက်တာမို့ သင့်တော်တဲ့စကားရှိရင် အကြံပေးနိုင်ပါကြောင်း။)
![](https://img.wattpad.com/cover/227090633-288-k449104.jpg)
YOU ARE READING
Who Allowed you to Get on the Bed? |Completed|
RomanceMy 2nd Pick for translation... Hope u'll like it. Translation completed...
အခန်း (၁၀)/အခနျး (၁၀)
Start from the beginning