الماضي
صلاح / انا هحكي علاقه محمد وعزمي وطاهر الموضوع قديم ومن زمن قبل ما تتولدوا كمان الثلاثه في الفتره دي كانوا اعز اصحاب لينظر له الجميع بدهشه فيستمر متستغربوش محمد وانا كنا عايشين في البيت الي في وسط البلد بعدما بشارع بيت عزمي الي انت لسه فيه يا احمد بعده بكام بيت بيت طاهر بتاع جدك تالا جدك كان صاحب وكاله عطاره من اشهر الوكالات في المنطقه كان بيجي له ناس من الدول العربيه يشتروا منه وكان معاه طاهر فقط اما عزمي فده مكنش بيته كان ساكن في شقه اجرها والده معرفش انت عارف ولا ايه وينظر لاحمد بس جدودك من قنا في الصعيد عزمي اتنقل هنا مع ابوه الي كان موظف وترك ارضه في رعايه اخوه الي هو عم ابوك وينظر لاياد اما احنا انا ومحمد ابونا الله يرحم الجميع كان فاتح محل مجوهرات في مكان بعيد عن البيت شويه وكان محمد زميل عزمي وطاهر في المدرسه انا كنت اصغر منهم. بخمس سنين ديما كانو مع بعض من المدرسه للبيت للعب ويتذكر
💮💮💮💮💮
محمد ، عزمي، طاهر
طاهر / اجري يا بني شويه انت مش بتاكل
عزمي / مش عارف انا هاودتك وفضلت مصاحبك ليه مع انك غلس
محمد / مهو احنا مستحملينه بقي
طاهر / طيب سلام هروح افرح ابويه اني نجحت
عزمي / ابوك هيفرح بنجاحك وانا ابويه هيديني كلام عشان المجموع وانت يا محمد الحاج هيعمل ايه
محمد / نص ونص هيفرح وهيزعل كان نفسه ادخل طب
بعد سنوات
طاهر / اخيرا اتخرجنا هنعمل ايه بقي محمد طبعا هتروح الجيش
محمد / طبعا عموما سنه تكون انت وعزمي فكرتوا هنفذ مشروعنا ولا ايه
عزمي / هو البيت الي جنبك سكن ولا ايه
ليظهر الفرح علي وجه محمد / ايوه الاستاذ توفيق من طنطا ومعاه ابنه شاكر وبنته فاطمه
لينظر له عزمي وطاهر
طاهر / انت عرفتهم منين
محمد / شاكر كان زميل صلاح في الكليه والحاجه اتعرفت بهم من كام يوم وهنا تظهر فتاه في احد الشبابيك لينظر لها الثلاثه بدهشه
طاهر / ايه ده ملاك ولا قمر ولا ايه وينظر لمحمد اتاريك اتعرفت عليهم
محمد / طاهر من اول صداقتنا وانا ديما انبه عليك بلاش موضوع الحريم عيب
عزمي / قفلوا علي الموضوع ده وطاهر ابعد عنها بلاش مشاكل
طاهر / خلاص خلاص خلونا نفكر هنعمل ايه
عزمي / انا هنزل البلد مع ابويه عايز يناقش اخوه في الفلوس الي بيرسلها
محمد / خلاص اشوفكم كمان كام شهر لما انزل اجازه من الجيش
طاهر / انا عايز اسافر البت سماح بنت عمي من يوم ما اهلها ماتو وابويه جابها عندنا وهي مش بتبطل تنظر لي
عزمي / انت مش بتفهم بنت عمك بتحبك وانت بس غاوي رمرمه فيضحك طاهر وهو ينظر للمنزل المجاور لبيت محمد ويفكر لا هو حب القمر ولازم يسبق ويكلم الحاج يخطبها له فيهذا الوقت كان محمد يفكر باين ان طاهر اعجب بفاطمه خلاص انتظر لحد ما ارجع من الجيش لو كان اتقدم لها يبقي مبروك عليه وينظر لهم عزمي وقد فهم ان. الاتنين اعجبوا بنفس الفتاه واخذ يدعي الا يحدث مشاكل بسبب هذا الامر
بعد شهر ين
عزمي /خير محمد انت مخاصمهم في البيت ولا ايه
محمد /لا
عزمي / يعني اجازتك هتقضيها هنا معي
محمد / لو مضايقك اقوم امشي
عومي/لامش مضايقني بس مش عاجبني حالك بتهرب من بيتكم او بالاصح من بنت الجيران ليه
فينظر له محمد /طالما فهمت دي يبقي فهمت اني مش عايز اقف في طريق طاهر
عزمي / بتقول ايه طاهر بذمتك انت بتحبها ولا بس معجب لو بتحبها تقبل ان طاهر يكون نصيبها انا وانت عارفين طاهر كويس مفيش واحده هتملاء عينه يعني معجب بها اليوم شهر بالكتير وهيعجب بواحده تانيه وبعدين فين طاهر مهو مسافر وانت في الجيش لو كان عايز كان اتقدم لها
محمد / يعني
عزمي /يعني شوف لو بتحبها اتقدم لها وبلاش دلع
محمد / بحبك يا جدع ويتركه وينصرف بسرعه ليذهب الي منزلهم ويصعد الي السطح محدش يعرف انه شافها مرتين علي السطح وفعلا يجدها تلعب مع الطيور التي تربيهم
💮💮💮💮
محمد وفاطمه
محمد / مساء الخير لتلتفت له مره واحده ويحمر وجهها وتنظر للارض
لتفكر فاطمه اخيرا ظهر تاني هي عرفت انه اتجند في الجيش وكمان انه نزل اجازه من يومين بس كان فين متعرفش. تسمر محمد ولم يستطع ان يحول نظره عنها هو يعلم ان هذا حرام ولو شاهده احد فينظر حوله
محمد / لو هضايقك انزل ليشاهد احمرار وجهها يزداد وتستمر في النظر للارض فيقرر ان يهب وعندما يبداء السير
فاطمه / لا مش هضايق ليقف محمد وينظر لها
محمد / ممكن
فاطمه / انا وتتركه لتهبط المنزل جري ويقف هو ينظر لمكان وقوفها بشرود وتاني يوم يصعد الي السطح فيجدها هناك
محمد / مساء الخير
فاطمه / مساء النور
محمد / انا مش بتاع لعب ولف ودوران ومش بحب اعمل حاجه اتحاسب عليها
فتنظر له بذهول فاطمه وتفكر يا تري بيقول الكلام ده ليه
محمد / انا عايز بس اسالك سؤال لو الحاج جه لوالدك.هيكون رايك ايه فيحمر وجهها وتشير براسها وتهبط جري وهكذا يتكرر اللقاء كل يوم حتي تعلق كل منهم بالاخر
فاطمه / انا مش فاهمه انت ناوي علي ايه
محمد / ناوي اتقدم لك طبعا انا هسافر الجيش بكره امامي لاخر السنه في الجيش اخلصباذن اللهمتفق مع اصدقاء لي هنعمل شركه مع بعض يمكن تكوني شاهدتيهم معي ليلاحظ تغير في وجهها وظهور الغضب عليه حصل حاجه حد قالك حاجه
فاطمه / لا لا مفيش طيب اكون قربت اخلص الجامعه عشان بابا مش يرفض
محمد /الخوف لو حد اتقدم لك في الفتره دي
فاطمه / مفيش خوف بس خلي بالك من نفسك
محمد / انت نفسي وروحي
فتضحك فاطمه وتتركه لتهبط جري
💮💮💮💮
بعد سته اشهر
عزمي
محمد / هنسيب عزمي كده من يوم والده ما توفي وهو تايه ومش مركز
طاهر / انت ناسي انه كان كل حاجه له والده ووالدته وكله
محمد / طيب وبعدين
طاهر / تعال نروح له البيت نجلس معاه شويه
محمد / تعال
طاهر / خير عزمي هتفضل حابس نفسك كده كتير
محمد / والدك لا يمكن كان وافق علي حالتك دي اخرتها ايه
عزمي / مش عارف اخر مره سافرنا الكفر والدي شد مع عمي علي الارض ومش عارف عمي هيعمل ايه وخايف مقدرش اشارك معاكم زي ما اتفقنا
طاهر / تعال نسافر عندكم ونكلم عمك وهنا يسمعوا خبط علي الباب ليقف محمد ويفتح الباب فيجد شخص كبير في العمر ومعه شابين
عبد الستار /السلام عليكم مش ده بيت عزمي منصور
عزمي / عمي ويجري للباب اهلا عمي اتفضل فيدخل عبد الستار وخلفه الشابين
عزمي / اهلا وسهلا ويشير لمحمد وطاهر دول. اصدقائي ويقدم لهم عمه واولاده
عبد الستار / ليش جاعد في مصر لوحديك ارجع الكفر افتح داركم وباشر ارضك عاد
عزمي / اناماليشفي الزراعه عمي ارجع اعمل ايه فينظر له عبد الستار
عبد الستار / اسمع يا ولد ما حدنا ارض تتباع لاغراب سامع
عزمي / عارف عمي ويشاهد عمه يقف بس انت رايح فين
عبد الستار / هرجع الكفر
عزمي / والله ما يحصل ريح شويه وبعدين تسافر بكره الشقه واسعه
عبد الستار / ماشي بس رايدك تسافر معي تشوف ارضك ودارك وتقرر هتعمل ايه
عزمي / هو
طاهر / طبعا هيسافر يا حاج وينظر لعزمي
ينظر عبد الستار لطاهر جيدا لم يعجبه الجدع ده عكس التاني شكله رزين ومش متهور
محمد / طيب هنروح احنا ونشوفك الصبح عزمي السلام عليكم
تاني يوم
عزمي / انا هسافر مع عمي الكفر اسبوعين بالكتير
طاهر / اسافر معاك
محمد / لا فينظر له عزمي وطاهر باستغراب عزمي هيسافر لوحده عشان عمه يفهم انه بيتعامل معاه مش مع حد غريب
عزمي / طول عمرك فطن محمد فعلا عمي لو حس ان طاهر بيدخل وينظر لطاهر ممكن يعند في اي طلب عموما هرسل لكم الاخبار ويتركهم لينصرف الي عمه ليسافر معه
💮💮💮💮
طاهر
بعد ان تركهم عزمي التفت لمحمد / انت ليه خليت محمد يسافر لواحده
محمد / انت عصبي كلمه من حد فيهم تعملها حريقه وبعدين عمه في ايده كل حاجه تخصارض عزمي مش عايزين مشاكل معاه سيبك تعال نتفرج علي شقتين ونشوف هنختار ايه
طاهر / انت كلمت والدك ووافق يديك فلوس
محمد /.تصدق قال هيمضيني علي ورقه عشان لو حصل له حاجه يبقي من ميراثي
طاهر / لسه ما اقنعت الحاج عايزني اشتغل معاه في الوكاله بيقول مفيش غيري ليه اسيب ورثي واشتغل حاجه تانيه
محمد / خلاص بلاش الشقه علي ما عزمي يرجع وتقنع والدك انا هروح لبابا المحل سلام
ليذهب طاهر لبعض الاصدقاء الذين لا يعرفهم عزمي ومحمد وهو واثق انهم لو عرفوهم مش هيوافقوا عليهم زي والده بس دول الناس الي تنفع وتخدم
سلامه / اخيرا وصلت بص احنا هنطلع للراجل الكبير بلاش شغل فذلكه وحواديت كتير
طاهر / بس انا لسه مقررتش اي حاجه
ينظر سلامه حوله / تقرر ايه ده مؤتمر عن . استغلال وتشغيل الشباب هتودينا في داهيه تعال ليصعد معه طاهر الي مقر احد الاحزاب المعروفه ليجد اشهر اعضاء هذا الحزب المهندس رفعت الخولي يتحدث عن الشباب واهميتهم للبلد وبجواره احد اشهر رجال الاعمال رياض الخواجه من يعمل بين مصر ولندن الذي ينظر لسلامه فيشير له علي طاهر فيشير لهم براسه وبعد انتهاء المؤتمر يقترب منه سلامه وطاهر
رياض / اهلا سلامه مين الاخ الجديد
سلامه / الاستاذ طاهر محاسب هيعمل مشروع مع اصدقاء له وكان عايز يستفيد من خبرت سعادتك
رياض / مشروع ايه
طاهر / احنا ثلاث اصدقاء اتنين مهندسين وانا كنا هنفتح شركه مقاولات واستثمار بس يعني
رياض / يعني ايه
طاهر / عندي السيوله لسه ما توفرت وكمان الشريك الثالث مش معروف هيغرف يوفر الفلوس ولا ايه
فينظر له رياض جيدا وهو يفكر سمكه حلوه ممكن تنفع فيغمز لسلامه ويخرج الكرت الخاص به ليعطيه لطاهر / ده عنواني لما تقرر انت هتعمل ايه ولو حبيت اي مساعده تعال لي ده واجب علينا نساعد الشباب ويتركهم وينصرف ليجذب سلامه طاهر وبعد ان يخرجوا للشارع
سلامه / لو وافقت انك تاخذ منه السيوله اطلبني ومتخفش هو مش بيزود الفوايد قوي سلام
ليسير طاهر وهو يفكر هيحاول يقنع ابوه لحد ما يجي عزمي ولو كان جاب الفلوس وابوه مقتنعش يبقي مفيش غير رياض ده وعندما يصل للمنزل يجد والده وبنت عمه امامه
محمود / طاهر خير انت هتتغدي معانا بقالك كام يوم مش بتتغدي هنا
سماح وهي بنت قليله الجسم والطول لها شعر اسود كاليل جميله جمال هادي الا ان الحزن اطفئ هذا الجمال / دقيقه اغرف لك
طاهر / طيب فقد قرر ان يحاول ان يتفاهم مع الحاج وربنا يسهل وبعد الغداء يقف الحاج محمود ليدخل غرفته ليرتاح قليلا ويدخل طاهر غرفته ليفكر اكتر حاجه ابوه عايزها انه يتجوز ويشتغل معاه في الوكاله خلاص يتجوز وهنا يتذكر فاطمه فهو منذ شاهدها وهو مع محمد وعزمي لم ينساها وحاول فعلا ان يتحدث معها اكثر من مره الا انها دائما لا تعبره خلاص يطلب من الحاج يخطبها له
💮💮💮💮
محمد
ذهب الي والده بالصاغه عايز يتحدث مغه في موضوع فاطمه قلقان مش عارف ليه حاسس ان في حاجه ممكن تفرقهم خايف حد يتقدم لها ووالدها يوافق
مصطفي / اهلا محمد خير
محمد / يا حاج كنت عايزك في موضوع مهم
مصطفي / محمد انا قلت كلمه مش ممكن انزلها الارض او ارجع فيها بدك المبلغ الي طلبته موافق بس تكتب ورقه ده حق اخوك انا عارف انك مش هتاكل حقه بس برضه
محمد / لا يا حاج انا عارف ان كلامك صح وموافق عليه انا كنت عايز وهنا يدخل زبائن ويطلبوا والده الذي ينشغل بهم فينصرف محمد الي المنزل ليجد والدته كالعاده مشغوله في المطبخ ومعها بنتين يحضروا لمساعدتها الا انه يسمع بينهم صوت غريب
والدته / يا قلبي شدي عليها شويه وصوت ضحك ليفاجاء بصوت فاطمه
فاطمه / بس يا طنط
وتلدته / طنط ايه قولي نينه او ام محمد
فاطمه / حاضر
فينادي محمد علي والدته حتي يعلموا انه حضر فتخرج له والدته / خير حصل حاجه
محمد / لا عزمي مش هنا وطاهر راح لوالده قلت اجي المنزل الس معاك شويه
والدته / احسن سيبك من طاهر ده
محمد /مين معاك
والدته / فاطمه بنت جارنا الجديد لتخرج فاطمه وتنظر له ثم لوالدته / انا هروح نينه
والدته / ليه عموما تعالي تاني انا قلت لوالدك وهو موافق
فاطمه / حاضر السلام عليكم
والدته / ماشاء الله قمر والتربيه ايه مفيش بعد كده وتنادي علي احد البنات لتعمل له شاي وتنظر له قولي بقي مالك
محمد / حاجه انا عايز حاجه مهمه قوي وخايف الحاج يرفض
والدته / هو موافق بس بده يضمن حق اخوك
محمد / لا انا عايز اتجوز
والدته / تتجوز قبل خوك الكبير عموما اخطب لكم مع بعض انا كنت هكلم الحاج يخطب له فاطمه بنت الاستاذ توفيق
ليقف محمد / لا لا مش ممكن
والدته / لا ايه البنت قمر واخلاق واخوها صديق صلاح
محمد / هو هو ويسمع صوت والده فيدخل غرفته هو وصلاح ليجلس يفكر يعمل ايه لو والدته كلمت والده في التقدم لطلب فاطمه لصلاح يبفي مش هيجوزها ابدا يعمل ايه بس هو فين صلاح من يوم ما اتقابل مع شاكر وهما ليل ونهار مع بعض ومحدش يعرف ناوي علي ايه وبعد فتره يسمع امه وصوت صلاح
صلاح / انا مش موافق يا حاجه مش عايز اتجوز ولو حبيت اتجوز مش هختار فاطمه ابدا
والدته / ليه يا بني مالها فاطمه ادب واخلاق وجمال واخت صديقك فيخرج محمد ليجلس معهم ليجد صلاح يحضن والدتهم
صلاح / مش الي عايزها يا حاجه
والدته / بس البنيه خساره
فيقف صلاح مره واحده / او عايزه جوزيها محمد وانا شايف انها تناسب محمد اكتر انا عايز واحده من خارج الحاره
والدته / صلاح انت الكبير ما اجوز محمد قبلك
فيضحك صلاح / لا انا هجوز الاول بس لو عايزه فاطمه يبقي لمحمد انا خارج
فتنظر والدته له / وانت عايز واحده معينه ولا هتوافق علياختياري
فيفكر انه لازم يهاود والدته شويه / واخترتي مين بقي
والدته / كنت اخترت لك رباب بنت الحاج مرزوق بس طالما صلاح مش رايد فاطمه بقول ايه رايك اخطب لك مين فيهم
محمد / انت بدك فاطمه صح
والدته / اتعلقت بها يا بني
محمد / خلاص كلمي الحاج ونخطب فاطمه
والدته / هكلمه بالليل ولو يكلم ابوها لحد ما تخلص الجيش يكةن اخوك شاف الي رايدها
ليقبل محمد يدها / ماشي يا حاجه زيحمد ربنا في سره بس لازم يفهم من صلاح هو مش عايز فاطمه ليه
💮💮💮💮💮
عزمي
جلس بجوار الدار في الكفر يفكر هو عايز فلوس عشان يشارك محمد وطاهر في الشركه بس عمو مش ممكن يوافق يعطيه المبلغ الي هو عايزه وفي نفس الوقت ميقدرش يبيع الارض مش عشان خايف من عمه لا عشان دي وصيه والده طيب الحل ايه عندما يشاهد بعض الفتيات يمرون من الطريق امامه في اتجاه القنايه وهم يضحكون ويتغامزون و خلفهم فتاه لواحدها يبدوا انها اكبر منهم تسير بحزن فاخذ ينظر لها باستغراب ولا يرا منها الا وجهها فهو وجه لا ينسي ربما ليست جميله مثل باقي الفتيات الا ان وجهها
دياب / صباح الخير ولد العم صاحي بدري ليه
فينظر له عزمي فهو احد ابناء عمه ومن يومين وهو يتقرب منه مش عارف مش مرتاح له ليه / اهلا دياب بفكرهرجع مصر امتي
دياب / واه ترجع كيف مش هتباشر ارضك
عزمي / لسه بفكر هكلم عمي الاول وينظر لدياب ليجده ينظر للفتيات فيساله هما رايحين فين
دياب / القنايه يحضروا ماء
عزمي / بس في مياه في البيوت
دياب / ايوه بس ده عاده انا هجوم وينصرف خلفهم ولا يعلم لماذا وقف وسار خلف دياب ليجد انه لحق الفتيات وجذب اكبرهم في جنب
دياب / امال خرجتي مع البنات ليه مش بوي منعك
امال/ امي الي قالت لي
دياب / امك لسه عندها امل حد يتقدم ويخطبك ما تعرف ان الكفر كله مافيه واحد رايدك خلاص بطلي عياط وارجعي الدار بلاش فضايح امشي لتجري من امامه ويرجع عزمي لمكانه هو عارف ان عمه معندوش بنات هما ثلاث رجاله طيب دي مين بقي وليه محدش من رجاله الكفر عايز يجوزها وهنا يشاهد اصغر ابناء عمه والطفهم فينادي عليه
جابر / صباح الخير ولد العم
عزمي / صباح النور انت رايح فين
جابر / رايح البر التاني لينا ارض هناك تيجي معاي
عزمي / ايوه واثناء سيرهم في الطريق هو انت لك اخوات بنات
جابر / لا مفيش غيري انا ودياب ومحسب ليه
عزمي / تقريبا غلط اصلي شفت بنات في البيت عندكم
جابر / انت عارف ان ده البيت الكبير وبوي كبير العيله
عزمي / ايوه
جابر / وطبعا عارف ان لك عمه انيسه البنت الي في البيت بنتها بعد وفاه ابوها وعمتي بوي جابها تعيش معانا
عزمي / بسدي كبيره ليه مش متجوزه
جابر / مفيش راجل في الكفر ممكن يتقدم لها الكل خاف يتقال بيتجوزها طمع عشان مفيش حد عنده ورثهاوالان كبرت وما حد رايدها
عزمي / وانت واخواتك
فيضحك جابر / انا اصغر منها بخمس سنين انت خابر عمري عشرين سنه ومحسب ودياب مرضوش يتجوزها مع ان بوي حاول مفيش فايده
ليفكر عزمي اكير من جابر بخمش سنين يعني في سنه هو وطبعا كده تكون فاتها الجواز علي سلو اهل الكفر الغريبه ان ابوه عمره ما جاب سيرتها فينظر لجابر / بس بابا عمره ما تحدث عنها او عمتي
جابر / بوك كان عايز عمتك ما تتجوز من عيله المغاوره بس جدي وبوي صمموا وهي وافقت
ده موال قديم
عزمي / طيب ليه مفيش حد من عيله المغاوره اتقدم لبنت عمتك
جابر / كان بينهم تار مع عيله تانيه. واغلب الرجاله الي يصلحوا للجواز تعبش انت وهنا يصلوا الارض وينشغل جابر مع الفلاحين
💮💮💮💮💮
طاهر
قرر ان يحدث والده بعد ان يرجع من صلاه العشاء فهو انسب وقت يكون والده مرتاح فيه نفسيا
طاهر / حاج كنت عايز اتكلم معاك
محمود / موضوع الفلوس تاني اسمع يا بني الوكاله انت عارف هي الي معيشانه مقدرش ارهنها او اتصرف فيها ف عشان حاجه مش مضمونه
طاهر / بس يا
محمود / مفيش بس يا طاهر كل واحد.منكم انتم الثلاثه يشتغل حاجه تنفعه بدل مشروع محدش عارف نتيجته
طاهر / لو تصدقني المستقبل للاستيراد والتصدير
محمود / انا قلت الي عندي وكاد ان يقف
طاهر / ماشي بس انا كنت عايزك في موضوع تاني عايز اتجوز
ليجلس محمود /اخيرا وانا موافق
طاهر / مش تعرف العروسه الاول وتدخل سماح بالقهوه
لينظر لها محمود وهو يبتسم / ما انا عارفها
طاهر / لا متعرفها انا عايز بنت الاستاذ توفيق المحامي جار محمد ويلاحظ الدموع في عين سماح ولا يهتم
محمود /الاستاذ توفيق مين وينظر لطاهر بغيظ وهو يحدث نفسه لو اعرف انت عايز ايه وليه رافض سماح فيشير لها ان تخرج ثم ينظر لطاهر مبتردش ليه
طاهر / ده محامي سكن بجوار منزل محمد ومعاه ولد كان زميل صلاح وبنت وانا عايز اتجوز البنت دي
محمود / وانت تعرفها منين يمكن مخطوبه او
طاهر / لا ما انا بقول لحضرتك هما جيران محمد عشان كده عرفت عنهمكل حاجه
محمود / بس انا كنت عايز انك
طاهر / عارف بس مش عايزها يعني انت مش موافق كل الي اطلبه ترفضه
ليفكر محمود هو رفض موضوع الفلوس يهاود طاهر في موضوع الجواز / طيب بس لو رفضوا ما ترجعش تقول حاجه
طاهر / ويرفضوا ليه بس يا حاج ويقبل يد والده ويخرج يريد ان يتصل باي شخص لكي يحكي له فلا يجد محمد في المنزل فذهب لمنزل عزمي ليتذكر انه في بلدهم وهنا يشاهد الاستاذ توفيق والذي قابله اكتر من مره وهو مع محمد فيقترب منه
طاهر / السلام عليكم
توفيق / وعليكم السلام اهلا
طاهر / كنت عايز حضرتك في كلمتين فينظر له توفيق هو يعرف انه صديق محمد ابن الحاج مصطفي جارهم
توفيق / خير
طاهر /كنت عايز احدد ميعاد مع حضرتك عشان انا ووالدي عايزين نحضر للزياره
فيفهم توفيق انه يريد ان يتقدم لابنته فاطمه فيقرر ان يقابله هو ووالده ثم يفكر في اللمر وبسال ابنته عن رايها
توفيق / تشرفوا اهلا وسهلا نخليها يوم الخميس بعد المغرب باذن الله
طاهر / حاضر وينصرف وهو يفكر كده نص المشوار ربنا يهون ويعرف يقنع ابوه بقي بموضوع الفلوس
💮💮💮💮💮
محمد
اخذ يبحث عن صلاح حتي وجده في احد مراكز الشباب
محمد / ممكن نتكلم شويه
لينظر له صلاح ثم يبتسم / تعالي ويجلس معه غي جنب خير
محمد / انت رفضت بنت الاستاذ توفيق ليه ليفاجاء بصلاح وهو يضحك ويسمع صوت من خلفه
شاكر / عشانك طبعا
فيلتفت محمد بدهشه وهو يري شاكر يجلس معهم / عشاني انا انا
شاكر / قبل ما تتكلم فاطمه سرها ديما معي الوالده توفت واحنا صغار وطبعا والدي شغله بياخذ وقته ده قرب بيني وبين فاطمه قوي
صلاح / الخلاصه هي عرفت شاكر انك بتحبها وهتتقدم لها وطبعا هو سالني عليك وانا فهمته انك من النوع الدغري مش بتاع لعب عشان كده قلت للحاجه لا
محمد / بس انت مش زعلان يعني
صلاح / لا مش زعلان متخفش المهم الحاجه هتكلم الحاج
محمد / سمعتها بتكلمه بالليل بس معرفش. قال لها ايه
صلاح / سهله انا لما نروح للغداء هتصرف تعال بقي نشوف مين ضيف الندوه النهارده
شاكر /رياض الخواجه وانت عارف انا مش برتاح له
صلاح / مين سمعك ويجذب محمد تعال نخرج مش هنسمع حاجه
وبعد خروجهم يلتفت محمد لصلاح /.مش رياض الخواجه ده بتاع شركات الخواجه للاستيراد
صلاح / ايوه بس معرفش ليه بحس انه مش كويس وشاكر بالمثل نصيحه من اخوك اوعي تتعامل معاه
محمد / انت ناوي تشتغل ايه
صلاح / انا اتفقت مع الحاج هروح معاه المحل من اول الشهر كان نفسي اعمل زي شاكر بس امك. تموت فيها
فينظر محمد لشاكر / هتعمل ايه
شاكر / خلصت اوراقي وهسافر انجلترا بعد شهر
محمد / تفتكر والدك يوافق عليه
شاكر / بابا هيترك الاختيار لفاطمه ويغمز له
💮💮💮💮
طاهر
اقنع والده ان يذهب معه للتقدم لفاطمه بعد مجهود وحاول ان يبحث عن محمد فوجد انه سافر ينهي اوراق الجيش الخاص به
محمود / اسمع لو اترفضت او كده او كده مش هروح لهم تاني سامع
طاهر / مفيش رفض باذن الله انا اتكلمت مع الاستاذ توفيق وهو رحب بينا
محمود / هنشوف وفي منزل الاستاذ توفيق يجدوا انه بانتظارهم ومعه ابنه شاكر ليلاحظ طاهر ان وجه الاستاذ توفيق متغير
توفيق / اهلا وسهلا اتفضلوا وينظر لابنه
محمود / اهلا بيك احنا طبعا حصلنا الشرف بالمعرفه
توفيق / انا اكتر
محمود / لا مؤاخذه سالت الحاج مصطفي عنكم وشكر فيكم كتير
ليلاحظ طاهر اصفرار وجه الاستاذ توفيق ونظرته لابنه
طاهر / احنا طبعا حضرنا عشان
شاكر / الاول تشربوا شاي ولا قهوه وبعد فتره
محمود / احنا كنا عايزين نطلب بنتك فاطمه لطاهر
توفيق / هو يا حاج الصراحه ان ان وينظر لابنه
محمود / خير
شاكر / يا حاج امس اتقرت فاتحه فاطمه
ليقف طاهر /بتقول ايه بس
ينظر توفيق للحاج محمود /اسف يا حاج بس الناس حضروا امس والحق يتقال العربس واهله مفيش فيهم عيب والاهم ان البنت موافقه مقدرتش ارفض وخاصه ان مفيش كلام حصل بيني وبين طاهر انا عارف انك جيت مخصوص بس الظروف
طاهر / يعني ايه انت كنت عارف اني هتقدم لها ليه وافقت وازاي
ليقف شاكر / ويرفض ايه مهو ممكن بعد ما تتقدم تترفض من غير ما حد يتقدم او حاجه هو شرط تتقدم لواحده يوافقوا عليك
توفيق / وهو الي اتقدم احسن مني يعني
لينظر له شاكر / ممكن تقول
توفيق / شاكر وينظر له بغضب فيحس الحاج محمود. ان هناك سبب اخر لرفض طاهر غير موضوع العريس الاخر
يقف الحاج محمود / مبروك للبنت وربنا يتمم بخير
طاهر / يا حاج
محمود / قوم يا طاهر عيب لينصرفوا
طاهر / اعرف بس مين العربس التاني وشوف هعمل فيه ايه
لينظر له محمود بغضب / هتعمل ايه
طاهر / مفيش يا حاج مفيش
محمود ط طيب سيبك من الكلام ده ناوي تشتغل معي في الوكاله
طاهر / ممكن اسافر شهر الاول
محمود / تاني ما انت سافرت قبل كده وما عرفت تعيش
طاهر / لا باذن الله المره دي اعرف ويحدث نفسه انت مانع الفلوس ومفيش فاطمه اشوف سلامه كان بيقول اسافر معاه لندن نخلص مشاغل اجرب يمكن تنفع
💮💮💮💮💮
عزمي
ظل يومين يفكر ايوه حياه الكفر مريحه مفيش فيها ضغوط كتير يمكن عشان مش شايل مسئوليه بس مش حياته هو اتعود علي مصر ووحشه محمد وطاهر يا تري محمد عمل ايه مع فاطمه ليتذكر وجه اخر وجه امال مش عارف بيفكر فيها كتير ليه عشان ظروفها ولا عشان ايه
جابر / عزمي عزمي بوي عايزك انت سرحان جامد في ايه
عزمي / مفيش ويذهب لعمه
عبد الستار / بس يا ولد خوي بقالك اسبوع معانا عايز اعرف ناوي علي ايه
عزمي / عمي انا مقدرش اعيش في الكفر مش حياتي ومفهمش حاجه في الارض والزراعه
عبد الستار / وبعدين
عزمي / الارض هتفضل مثل ايام بابا الله يرحمه مع حضرتك وهستكفي بريعها بس لي عندك طلبين
ليفكر عبد الستار / خير
عزمي / كنت عايز مبلغ عشان هعمل شركه مع اتنين من زميلي وبابا الله يرحمه كان عارف وعارفهم
عبد الستار / الي كانوا عندك فيهم واحد طويل قمحي شعره اسود ده زين والتاني القصير شويه ده خلي بالك منه مش كويس الملبغ كام
عزمي / هو........
عبد الستار / واه كل ده ده تمن كام قراط من ارضك
عزمي / خلاص عمي خليه مقابل الكام قيراط
لينظر له عبد الستار ويفكر لو قال لا الولد ممكن يبيع لغريب والارض ما تتباع خلاص ياخذ الكام قيراط والولد هيتبقي له ارض / موافق والطلب الثاني
عزمي / هو هو
عبد الستار / خير انطق
عزمي / من كام يوم شفت بنات من الكفر رايحين الترعه
ليضحك عبد الستار / عجبتكواحده منيهم بدك تتجوزها شاطر كنت خايف تتجوز من بنات البندر واحده ما نعرف اصلها زين قول مين البنت
عزمي / انا سمعت دياب بيكلمها وعرفت انها بنت عمتي
ليقف عبد الستار / امال بدك تتجوز امال
عزمي / ايوه
ليفكر عبد الستار يجوز امال اخير حد هيجوز البنت ومن نفس المستوي نفس العيله بس يا تري عارف سنها او يكون طمعان فيها لا لا انا عارف تربيت خوي مش ممكن بس لازم اكلمها وامها واشوف رايهم / اسمع ياولد بعد العشا ارد عليك في موضوع امال وانت فكر زين البنت مش بنت عمتك لا بنت عمك انا بوها اي حاجه تزعلها حسابك معي
عزمي / مفيش زعل عمي
عبد الستار / طيب ارد عليك بعد. العشا
💮💮💮💮💮
