احمد ونسرين
اخذ احمد ينظر للنسرين وهو بفكر وحشتيني نيسو مش عارف افهمك ازاي بس لازم اشد في النقطه
واخذت نسرين تتامل احمد هو خس شويه ولا انا الي متهيالي وبعدين لا انا مش هفكر فيه انا زعلانه منه كان ممكن يقول لي بالراحه او حتي يشخط بس بيني وبينه مش يجرحني امام اياد وفريد
احمد / نيسو انا عارف انك زعلانه بس ده غصب من عني
نسرين / لا مش غصب من عنك ايوه انا دخلت بطريقه بايخه
احمد / مش موضوع طريقه ولا كلامك بس اتصوري لو كان عندي شخص مش عايز حد يعرف انه بيتعامل معي يعني شخص موضوعه سر كان ممكن يحصل ايه
تفكر نسرينواضح انه يقص حد ممكن يضرني عشان شفته عند احمد فتنظر له / هو شغلك في خطوره جامده
احمد / لا مش قوي اغلبه حراسه بنات مثل شذي او رجال اعمال او تامين شركات كده
نسرين / كله من السكرتيره بتاعتك
احمد / نعم
نسرين / ايوه اول ما شفتها ولقيت انها لسه السكرتيره بتعتك اتنرفزت
لتفاجاء باحمد يمسك يدها ويقبلها وهو يضحك / مش عارف انت بتفكري ازاي تثدقي انا مش عارف شكلها ايه
نسرين / يا سلام يعني مش بتدخل لك البوسطه او القهوه وكده
احمد / نسرين فكري انا كنت عايش في وهم اني بحب تالا وياما شفت بنات اشكال والوان فيهم وفيهم محدش خرجني من وهم تالا ولا شدني الا انت تفتكري سهل اني ابص لواحده تانيه غيرك او الاحظ واحده تانيه ليفتجاء بنسرين تبكي طيب بتبكي ليه الان
نسرين / مش عارفه انا انا
احمد / طيب اشربي الليمون وتعالي اروحك عشان محدش يتكلم واهو اسلم علي عمو
نسرين / اوك
💮💮💮💮💮
اياد وشذي
لحق بشذي قبل ان تسير بسيارتها لياخذ منها المفاتيح
اياد / تعالي انزلي
شذي / لا انا عايزه اكون لوحدي شويه
اياد / تعال شذي ويجذبها خارج السياره ليسير معها الي ركن بعيد منعزل في حديقه الفيلا
شذي / نعم
اياد / عايز افهم ايه الي حصل وليه
شذي / انا قلت كنت نازله ادور عليك وبعدين فوجئت بتالا
فيقاطعها اياد / اصبري واحده واحده وينظر لها جيدا كنت هتدوري علي وانت عارفه اني مع عمو في مكتبه
شذي / ايوه كنت هشوف خلصتوا ولا لسه
اياد / وبعدين لما وصلت باب المكتب تالا مسكتك من دراعك
شذي / ايوه
اياد / بجد انت ناسيه انا مين انا اياد عارفك كويس وعارف امتي تقولي الحقيقه وامتي لا
شذي / يعني قصدك اني بكذب
اياد / شذي بلاش نلف حولين بعض في ايه وعايز الصراحه
لتبكي شذي / عشان سمعتك وانت بتقول لعمو انك مستعجل علي جوازي من مالك عشان تالا تكون هي ست البيت
اياد / اوك فهمت بس عايز اعرف حاجه واحده انت موافقه علي مالك فعلا
شذي / طبعا انا في فتره كنت مشتته فيها كنت بحس ان مالك بيخنقني وتعرف كنت معجبه باحمد قوي
اياد / احمد مش ممكن
شذي / المهم حاليا انا متاكده من مشاعري واني عايزه مالك
اياد / طيب بعد ما تتجوزوا تحبي تعيشوا فين
فتنظر له شذي باستغراب فهي لم تفكر في هذا الموضوع من قبل ليستمر اياد وانا ليه مزعلتش وقلت انك هتتركيني وانك بتحبي مالك اكتر مني
شذي / بس انا مكنتش هتركك
اياد / ازاي كنتم هتعيشوا معي بلاش توافقي تعيش مع طنط.جيهان ولا هتفضلي يكون لك بيت لوحدك
شذي / لا بيت لوحدي
اياد / طيب مهو كده نفس وضع تالا
لتقف شذي مره واحده / يعني هي الي طلبت يكون لها بيت لواحدها عايزه تبعدك عني
اياد / انا مقلتش كده قلبي تالا مكلمتنيش في الموضوع ده نهائي بس ظه تفكيري انا عارفك شذي لو تالا قالت يمين هتقولي شمال من باب اثبات نفسك
شذي / بس انت بتحبها اكتر مني
اياد / تفتكري انت مش اختي بس انت بالنسبه لي اختي وبنتي انت روح بابا وماما ازاي احب اي حد اكتر منك انت بالنسبه لي حاجه وتالا حاجه تانيه تقدري تقولي بتحبي مين اكتر انا ولا مالك
شذي / انت طبعا
ليضحك اياد / كده مالك يزعل
فتنظر له شذي وهي تفكر برضه مش مقتنعه ده اكيد طلب الست ماشي اياد هشوف انا ولا هيه
اياد / تعالي احسن زمان مالك علي نار
💮💮💮💮
صلاح وجيهان
جيهان / في ايه انت اخدت اياد المكتب ليه
صلاح / اقفلي الباب وتعالي
جيهان / خير
صلاح / من غير لف ولا دوران وموضوع انه ابنك وابني انت حاسه بنظرات حسام البومين دول. لاياد
ليصفر وجه جيهان وتفكر ديما شايف وساكت يا صلاح الا لو حصل حاجه جامده يا تري عرفت ايه عن حسام المره دي ربنا يستر
صلاح / انا بكلمك جيهان سكوتك ده معناه انك عارفه حاجه
جيهان / لا بس بفكر في ايه المره دي
صلاح / انا حددت حسام نظراته لاياد مش طبيعيه والي مخوفني ان اياد بداء هو كمان يحط حسام في تفكيره
جيهان / يعني ايه
صلاح / طول عمرك عارفه وساكته وبتفهمي الي حواليكي من نظره معقول ملاحظتيش نظرات حسام لشذي وخاصه لما قرر انه يسافر معاهم الغردقه
جيهان / لا لا حسام وشذي مش ممكن وبعدين حسام عارف مشاعر مالك من فتره
صلاح / جيهان انت بتغلطي نفسك
جيهان / خلينا صرحاء مع بعض انا عارفه ان شذي بنت اخوك وانك متعلق بيها جدا بس هي اسلوبها في التعامل غلط يعني كان الاول هزار وضحك كتير مع حسام فممكن يكون حس انها مياله له وعشان كده يعني وتبكي
ليقف صلاح وينظر لها بغضب / انت عارفه بتقولي ايه يعني شذي الي طمعت حسام فيها انت اكتر واحده عارفه انها بتتعامل معاه ومع نسرين من منطلق انهم اخوات وعشان كده كنت متاكد انها بتميل لمالك او بتحس بحاجه نحيته لانها ديما كانت بتتعامل معاه جد
جيهان / هو
صلاح / اسمعي انا عارف انك اقرب واحده فينا لحسام من يوم الموضوع بتاعه كلميه خليه يبعد عن اياد مش عايز اكون محتار بينهم
جيهان / محتار بينهم ليه المفروض انك في صف ابنك
صلاح / حتي لو ابني غلط طيب لو حسام ضد مالك هنعملي اليه وهنا يسمع الجميع صوت اياد وهو ينادي علي شذي ومالك
جيهان / هو جه امتي اكيد تالا اشتكت له
صلاح / تعالي نشوف
💮💮💮💮
اياد
بعد ان عاد مع شذي الي فيلا عمه لم يجد احد فصعد الي جناحه مع تالا وهو يفكر شذي مقتنعتش بكلامه هو اكتر واحد عارفها وعارف قد هي طيبه الا في موضوع الغيره وممكن يكون . مالك لعب علي الوتر ده عشان يخليها تفهم مشاعرها جهته المهم الان انه يشوف تالا ويفهمها ليقف امام باب الجناح يفهمها ايه انه خايف علي شذي من اخوها وحسام بس تالا
...... لا لا تالا مش مهتميه بكاظم
المهم يفهمها ان تصرفات شذي من الغيره وتستحملها شويه ليدخل الجناح ليفاجاء بتالا وقد نامت علي الكنبه وهي بملابسها نفسه يعرف حاله الارهاق الي عندها دي ليه عايز يروح للدكتور يساله
ليقترب منها ويداعب خدها بيده فتهش علي وجهها فيقترب منها ليسمعها تهمس باسمه فيقبلها لتستيقظ مره واحده
اياد / ايوه كده الامير قبل الاميره فاسيقظت من النوم
تالا / اياد انت جيت امتي وفين شذي صدقني انا يادوب لمست كتفها
اياد / هششش عارف تعالي ويجلس وياخذها في حضنه
تالا / اياد عيب حد يدخل
اياد / محدش ممكن يدخل من غير ما يخبط اسمعي هقولك سر
تالا / قول
اياد / قربي شويه ويجذبها اليه اكتر فتضحك تالا
تالا / لا ده مش سر وتحاول ان تبعده عنها الا انه بسكتها بتقبيلها لتضحك وهي تقول اياد ليقبلها مره ثانيه وثالثه حتي تصمت فيحملها لغرفه النوم وبعد فتره تعتدل تالا وتضع راسها علي صدره بس انت مقلتش مالها شذي
ليجلس اياد ويشدها معه / شفتي اديك نستيني خالص
تالا / انا برضه انت الي ابتديت
اياد / هممم وينظر لها لتقف تالا وتبعد عنه
تالا / لا قول موضوع شذي
اياد / ايوه موضوع شذي بصي هي سمعتني وانا بتكلم مع عمو عن سبب استعجالي في جوازها من مالك ويحكي لها الحديث
تالا / بس بس انا عمري ما اهتميت بالموضوع ده يعني عادي هي تهتم بالبيت وتكون ست البيت عادي او كلمتها هي الي تمشي طبعا لهاحق تضايق
اياد / انا هكلمك بصراحه بس الكلام بيني وبينك ومحدش يعرفه الا فريد واحمد
تالا / خير
اياد /حسام بيقابل اخوك كاظم
لتقتىب منه تالا / بيقابلها
اياد / ايوه احمد بعد موضوع الخطاب الي انت لقتيه كان بيراقبه ولما هرفته بكاظم في الحفله عرفه وقالي انا وفريد وكمان من مراقبته شذي كان فاهم انها مع حسام
تالا / لا الا ده
اياد / مش فاهم انت بتخافي منه ليه
لتقترب تالا منه وتجاس بجواره فيحضنها / نظراته وعنيه فيها حاجه تخوف وتحدث نفسها لو قلت لك السبب تموته واخسرك
لينظر لها اياد باستغراب في حاجه بخصوص حسام هي مخبيها / اوك عشان كده اتفقت مع فريد اني اخلي الموضوع جواز علي طول وطبعا مقدرش اقول لعمي الكلام ده
تالا / فهمت
اياد / في حاجه كمان شذي من النوع الغيور شويه يعني غيرتها منك هتسبب لك اذي استحمليها اوك
تالا / طبعا انا فهمت
اياد / طيب ناخذ دش وننزل عشان نشوف هي فين ونروح
تالا / انت الاول
ليبتسم اياد / مينفعش
تالا / لا ينفع وتتركه في الحجره وتخرج
وبعد فتره يخرج اياد/ هنزل انتظرك تحت واشوف عمو فين
💮💮💮💮💮
مالك وشذي
ما كادت تدخل لمنزل عمها حتي شعرت بمن يجذبها الي الخلف
شذي / مالك في ايه
مالك/ تعال ويدخل معها لغرفه مكتب والده وينظر الي ذراعها يفحصه
شذي / بتدور علي ايه
مالك / بشوف مسكتها علمت علي دراعك مش هيكفيني ازعق لها زي ما عملت
شذي / انت زعقت لتالا
مالك / ايوه
شذي / ليه مالك لو اياد عرف واكيد هتقول له
مالك / تفتكري اني هخاف من اياد وبعدين انا بدافع عن قلبي وروحي ويقترب منها
لتبعد شذي بعض الخطوات للخلف / قلبك وروحك وهي قلبه وروحه يعني
مالك / يعني ايه هيفضلها عليك مش ممكن وخاصه ان اياد بينظر لك علي انك بنته مش اخته فقط
فتضحك شذي / يعني لو حصل مشكله بيني وبين نسرين هتكون في صف مين
ليفكر مالك واو صعب فعلا وينظر لشذي / عايزه الصراحه في صف الي معاه الحق وانت هنا معاك الحق لانها كانت هتكسر دراعك ليفاجاء بشذي تبكي مره واحده في ايه اياد قالك حاجه زعلك
شذي/ اصل اصل تالا معملتش حاجه انا قلت كده من غيظي منها
ليرجع مالك خطوه للخلف وينظر لشذي باستغراب / مش فاهم يعني ايه فتحكي له شذي ما سمعته من حديث اياد وعمها
مالك / وتالا مالها بده وبعدين ايه يعني سبب رغبته في ان يتم الجواز علي طول مش المهم اننا هنكون مع بعض
شذي / اذاي تالا هي سبب طلب اياد التسريع بالجواز عايزه تخرجني من البيت عشان هي تتحكم فيه ووعايزه تبقي هي الكل في الكل
ليقترب منها مالك ويمسكها من كتفها ويهزها / انت سامعه نفسك اي واحده بتكون عايزه تكون هي ست بيتها هي المتحكمه فيه وبعدين كده كده مسيرك هتتجوزي وتتركي البيت لاياد ومراته
شذي / يعني ايه اسيبها تنتصر وتتحكم في بيتي
ليتركها مالك ويبعد عنها وهو يستغفر ربنا ثم يعود ويمسكها مره اخري من كتفها / حبيبتي افهمي ده مش بيتك ده بيت اياد بيتك هيكون عش حبنا بيتنا احنا هتكوني فيه كل حاجه ملكه البيت وملكه قلبي
شذي / اسمع انا فكرت ليه بعد الجواز منعيش في بيتنا وكده اكون انا المسيطره وتالا متقدرش تعمل حاجه
ليشخط فيها مالك / شذي انت بتفكري ازاي خلاص غيرتك منها عمتك عن اهم حاجه
شذي / تقصد ايه
ليتركها مالك / اقصد حبي حبنا لو كنت فعلا. بتحبيني كان يبقي المهم عندك وجودك معي تفرحي لسرعه جوازنا ايا كان السبب ويتركها وينصرف لتخرج خلفه وهي تنادي عليه ويشاهدهم اياد فينادي علي مالك الذي لا يرد علي احد وينصرف مسرعا
في المنزل
دخلت نسرين المنزل تجري وخلفها احمد / في ايه ماله مالك وصوتك مسمع للخارج اياد حصل ايه وتجد شذي تبكي فتحضنها خير حصل ايه
صلاح / حصل ايه اياد بتزعق ليه ويهبط السلم هو وجيهان
اياد / مش عارف انا كنت نازل ابحث عنكم وعن شذي عشان نروح وجدت مالك يخرج من المكتب وهو علي اخره وخلفه شذي تنادي عليه ناديته بصوت عالي بس خرج بسرعه
جيهان / حصل ايه وتنظر لشذي وفريد فين
احمد / ركب مع مالك
صلاح /طيب الحمد لله هيهديه ويقترب من شذي حصل ايه حبيبه عمو ليفاجاء الجميع بشذي تصعد السلم جري وهي تبكي لتخبط في تالا
شذي / كله بسببك وتدفعها بيدها وتجري لتكاد تالا ان تقع من علي السلم لولا ان يمسكها اياد
اياد / شذييييي
تالا / اهدا بلاش الان
نسرين / انا هشوف مالها
اياد / طيب قولي لها اني همشي كمان نصف ساعه
صلاح / اهلا احمد تعال ادخل
احمد / هو بقول انا اروح احسن
صلاح / لا تعال انت مش غريب ويجذبه لداخل المنزل
اياد / اهلا احمد
احمد / حمدالله علي السلامه وينظر لتالا ليجد نظرات جديده في عينيها فهي تنظر لاياد بحب وخوف وقلق طيب الحب نفهوم انما الخوف والقلق ليه
تالا / ازيك احمد وازي ماما ومايا انت طبعا عارف بيت اياد فينظر لها الجميع بدهشه
احمد / ايوه عارف العنوان
تالا / ممكن تجيب لي مايا هناك ضروري
اياد / لو عايزه تروحي لها
تالا/ لا هي تيجي فينظر لها احمد باستغراب
احمد / انت زعلانه من ماما
ليحمر وجه تالا / لا والله بس هي تيجي احسن
احمد / حاضر هشوف اي وقت عندها بكره واحضرها عندك
صلاح / طيب اسمعوا اياد وتالا هنتقابل في مكتب احمد بعد بكره
اياد / بس عمو
صلاح / اسمع كلامي اياد ماشي احمد
احمد /ايوه طبعا
صلاح / وهجيب مالك وحسام وفريد معي
ليشعر اياد بتالا وهي تقترب منه عند سماع اسم حسام وفي نفس الوقت بشاهد احمد في نظراتها خوف لم بشاهده من قبل ليفكر حسام عمل ايه
💮💮💮💮💮
مالك وفريد
خرج مالك من المنزل وهو لا يرا امامه من شده الغضب والضيق ليركب سيارته ويفاجاء بفريد يركب بجواره
مالك / بص انا ماليش اعصاب اتكلم
فريد / وانا كمان لينظر له مالك فيجد وجهه مصفر فيقود السياره ليخرج علي الطريق باقصي سرعه وبعد فتره يجد انه علي مشارف الاسكندريه
مالك / نقضي يومين هنا
فريد / بس تعزمني علي سمك وجمبري
مالك / طفس ويذهب الي احد الشاليه الخاص بهم في احد المناطق وبعد جلوسهم امام البحر
فريد / مش هتتكلم وتقول في ايه
مالك / زعلان ومش عارف اعمل ايه الي كنت فاهم انها ملاك طلعت
فريد / بشر صح
مالك / لا انا مش قصدي ملاك يعني مش بتغلط لا قصدي رقيقه مش يتحب تاذي حد
فريد / طبعا الكلام عن شذي
مالك / ايوه
فريد / يعني قبل ما اتكلم ممكن اعرف حصل ايه فيحكي له مالك ما حدث وكلام شذي له
مالك / كل تفكيرها ان تالا هتكون سيده المنزل هتكون هي الكل في الكل نست انها هتتجوزويكون لها منزل اخر هتكون هي فيه الكل في الكل بتفكر في مكانه تالا عند ايادوتصرفات اياد بس ولا مره حسيت انها بتفكر في او انا عايز ايه او بح ايه
فريد / شئ متوقع
مالك / انت بتقول ايه
فريد / انت نسيت الي اياد ديما حذرك منه شذي مراهقه كلمه تجبها وكلمه توديها
مالك /انت واياد مش عارفين تحكموا عليها شذي بتوزن الامور صح وبمنتهي العقل والتفكير لو مراهقه وكلمه وكلمه كان زمنها حبت ميه مره وخاصه ان مفيش رقيب عليها
فيضحك فريد / مين قال مفيش رقيب
مالك / ايوه عمو وطنط توفوا وهي صغيره واياد مشغول بالشركه
فريد / انت شايف ان اياد اهبل وهيسيب اخته مع غني عيلته بدون رقيب
مالك / انت تقصد الامن والحمايه دي بتاعت احمد
فريد / ده مرتبط بده تفتكر لو شذي عرفت حد كده او كده بعد قد ايه اياد هيعرف الكلام ده بلاش تفتكر لو شذي خرجت من النادي مع حد اياد هيعرف امتي وشذي مثل ما بتقول عاقله وبتفهم عارفه ان عليها مراقبه عشان كده ديما توزن تصرفاتها عشان كله بيوصل اياد
مالك / بس ممكن تتصرف مثل المراهقين وتتعرف باي حد وتتعلق به وتقدمه لاياد كده
فريد / فكر مالك وبعد ما تعمل كده اياد هيعمل ايه اما هيبعدها عنه او يوافق عليه وتجوزه واغلب الي في النادي شذي بتنظر لهم علي انهم اقل منها
مالك / طيب وانا وافقه عليه ليه
فريد / تصدق انا برضه سالت نفسي السؤال ده ممكن تكون بتحبك فعلا
مالك / بتحبني ازاي وهي تفكيرها في البيت ونظامه وسيطره تالا دي مفيش مره سالت هنقيم فين بعد الجواز مع اهلي ولا لواحدنا يعني تحس انه مش في دماغها
فريد / ممكن تكون فاهمه ان الجواز انت عند اهلك وهي مع اياد ويضحك
مالك /بلاش سماجه
فريد / انت فكر ايه الي غيرها من واحده مش بتتكلم معاك كلمتين للموافقه علي الجواز منك ايه
ليفكر مالك ويتذكر يوم ما سافر معها الاسكندريه وذكر انه يحب كيف بدات تتقرب منه وتتحدث معه بعدها وتصرفها بعد ان تحدث معها من اليونان فيحكي لفريد هذه الامور
مالك / يعني بتغير
فريد / بس الغيره دي غيره حب ولا غيره تملك ولا غيره عموما
مالك / تقصد ايه
فريد /اقصد هي بتغير عليك عشان بتحبك ولا بتغير عليك عشان نوع من انواع التملك انك ابن عمها ومش المفروض تبص لواحده تانيه ولا بتغير من باب الغيره يعني الحقيقه تتقال اياد مهما كان مدلع شذي كل طلباته مجابه حاسه باهميتها من الكل وانت تقول انك بتحب طبعا هتكون طعنه لهاالا لو كنت بتحبها
مالك / بس اسكت يا فريد اسكت خالص انت زودت المشكله مش حلتها ومش قادر افكر
فريد / طيب تعال نتمشي شويه يمكن تهدي
مالك / لا انا هتمشي لوحدي قوم انت نام
فريد / بس
مالك / انا مش طفل فريد واظن انك عارف اني مش ممكن اعمل حاجه غلط
فريد / قولها صراحه انك مش انا
ليقترب مالك من فريد ويضع يده علي كتفه / اقسم بالله مهو قصدي بس انت الي حساس ادخل نام سلام
💮💮💮💮💮
شذي ونسرين
نسرين / خير في ايه مالك زعلك ولا ايه لو عمل حاجه قولي بابا يشده فتزداد شذي في البكاء _ طيب اهدي بس واحكي لي الي حصل طول عمرك سرك معي وديما تحكي لي كل حاجه
فتجلس شذي علي السرير وتحكي لنسرين كل ما حدث من اول صعودها مع تالا الا لحظه انصراف مالك وهو غاضب
نسرين / واو ليه شذي ليه
شذي / ليه ايه اني قلت كده علي تالا عارفه انك بتحبيها وهتيجي في صفها
فتحضنها نسرين / مهما حبيتها مش هتكون اهم ولا اغلي منك لا اقصد ليه حكيتي كل حاجه لمالك
شذي / مش فاهمه
نسرين / مالك من حبه لك شايف انك بلا اخطاء جوهريه يعني الغلطات الي بتعمليها ديما يحسبها مراهقه او طفوله الان هيواجه انك مش طفله ولا مراهقه وانك ممكن تخططي وتضري اي حد في سبيل الي انت عايزاه
شذي / انا مش هضر حد انا بس عايزه اكون وتصمت مره واحده لتفكر هي عايزه تكون الكل في الكل في حياه اياد ومالك وعمها وحتي في حياه نسرين مش عايزه يكون في حد اهم منها عندهم بس اياد اهتم بتالا ونسرين باحمد
نسرين / انت ايه انت عايزه تتحكمي في بيت اياد حتي بعد ما تتجوزي يعني صعبه برضه ولا هتتجوزي مالك وتفضلي عايشه مع اياد
شذي / ايوه ليه لا نعيش انا ومالك في بيتنا هو بيت والدي ووالدتي يعني من حقي مثل مهو حق اياد
نسرين / انت سامعه بتقولي ايه عمو وطنط توفوا من عشر سنين واياد الي خافظ علي البيت وعليك هتروحي تقولي له عايزه حقي
لتقف شذي / المفروض من غير ما اقول هو عارف اني لي حق في البيت والشركه يبقي يعطيه لي
لتقف نسرين وتمسكها من كتفها وتهزها / اياك تقولي الكلام ده لاياد انت تموتيه ساعتها اهدي شذي خلينا نفكر في حل لموضوع مالك
شذي / نفكر في حل لايه مالك الي زعل من غير سبب بالتاكيد لما يفكر هيهدي انا الان عايزه افكر اتعامل مع تالا ازاي
لتنظر لها نسرين باستغراب فشذي خرجت من البكاء والعياط والحزن بسرعه ولا تشعر انها اخطات في شئ تقريبا اياد فعلا دلعها زياده ربنا يستر ومتتهورش في حاجه بس ايه مشاعرها لمالك قعلا بتحبه مش باين
ليسمعوا طرق علي الباب وتدخل جيهان / شذي اياد عايز يمشي وبيقول انزلي
نسرين / هو مستعجل ليه ماما طيب كان يترك شذي معي هنا
جيهان / عريس عايز ياخد راحته في بيته وبالتاكيد مش هيقدر يسيب شذي دي قلبه
شذي / انا هنزل اهو طنط وتجري لتقبل خدها وتنزل لاياد مع نظرات الدهشه من جيهان ونسرين
💮💮💮💮
اياد
جلس في شرفه الفيلا الخاصه بهم وهو يفكر ويشرب السجاير بصوره متواصله مش قادر يصدق كلام فريد ولا الكلام الي سمعه بنفسه معقول دي شذي معقول هو غلط في تربيتها جامد كده ويتذكر عندما صعد يحضر بعض الاوراق من جناحه مع تالا وسمع بعض كلا م شذي مع نسرين حقها في البيت والشركه وعايزه انه يعطيها حقها ده او يعرضه عليها معقول كل ده عشان غيره من تالا وانها هتكون سيده المنزل بس ده وضع طبيعي اي واحد هيجوز مراته هتكون سيده المنزل ليشعل سجاره اخري
....../ انت عندك ارض خاصه بيك ابني عليها فيلا لك انت وتالا واترك لها الفيلا دي
...../ بس ازاي اسيبها لواحدها مهما عملت او قالت اختي لا بنتي مقدرش اسيبها
......../ ومراتك ذنبها ايه انت شايف اسلوب شذي ممكن تقفل مع تالا علي الاخر واخرتها ايه
......./ مش عارف مش عارف وهنا يشعر بيد تضغط علي كتفه فينظر ليجدها تالا
تالا / خير اياد بقالك ساعتين قاعد لواحدك في الظلمه في ايه حد قالك حاجه ضايقتك
اياد / لا بفكر شويه
تالا / كل دي سجاير حرام صحتك
فيقف ايادمره واحده / بصي اكتر حاجه اكرهها النصايح وصحتك والكلام ده اظن انا مش طفل وعارف اضراراو منافع الي بعمله ويتركها ويدخل لياخذ السياره ويخرج بها ولا يشعر بشذي وقد سمعت زعيقه لتالا وفرحتها بهذا الامر واخذ يقود السياره حتي اقترب من طريق الاسكندريه ليقف مره واحده ايه الي عمله ده تالا ذنبها ايه في الموضوع ليه زعق لها كده وازاي هي متقصدش حاجه ممكن استغربت من كم السجاير الي شربها وهو فعلا شرب كتير قوي ليلف بالسياره ويعود الي المنزل بعد ان يشتري لها ورد
اياد / تالا. تالا
تالا / اياد اخيرا رجعت خوفتني قوي قوي لتفاجاء باياد يحضنها قوي في ايه مالك
اياد وهو مازال يحضن تالا / انت مش زعلانه مني
لتمسك تالا راسه وتنظر في عينيه /انا مش ممكن ازعل منك يعني لو هزعل يكون علي حاجه جامده وتشاهد الورد ده ليه
اياد / ايوه كنت هصلحك به بس خلاص بقي لتجري تالا وتاخذ الورد وتدفن وجهها فيه / لا ده حلو قوي ميرسي قلبي
اياد / طيب تعالي ويسير معها الي جناحهم ايه رايك في الجناح
تالا / من الحق كان اسمر صح اصل مش ممكن انك تكون من الاول مختار اللون السماوي ده
فيضحك اياد / ايو كان اسمر بس خليت ام حسين تجيب العمال يغيروا اللون ويغلق عليهم الباب دون ان يشاهد شذي التي سمعت كلامهم
💮💮💮💮💮
مالك
اخذ يسير علي البحر وهو يفكر معقول نظرته لشذي خطاء معقول مقدرش يحكم عليها صح ويتذكر حديث له مع والدته
جيهان / يا حبيبي انت فاهم شذي غلط مش انت بس لا انت وابوك واياد كلكم فاهمنها غلط
مالك / ماما انت بس حاسه انها متحرره عشان كده مش عجباكي
جيهان / بالعكس انا شايفه انها عاديه لا متحرره ولا حاجه بس مش بنظر لها من منطلق الحب سواء الاخوي مثل اياد او حبك انت
مالك / انا مش فاهم حاجه
جيهان / شذي مش سهله ولا طفله مثل ما انت واياد وابوك فاكرين لا شذي بتعامل الي امامها حسب ما هو شايفها وحسب ما هي عايزه
مالك / ماما انت هتبدائي شغل الحموات ويضحك وهو ينصرف
يتذكر مالك كل ذلك ويشاهد صخره فيجلس عليها يعني نظره والدته لشذي صح ثبت ان شذي بتلعب بالكل حتي اياد
....../ لا لا هي بس متعلقه باياد زياده عشان كده غارت من تالا
......./ انت متاكد فكر ليه مبداتش تتعلق بك الا لما عرفت انك بتحب ليه بدات تتعامل معاك وتقرب منك
....../ مش ممكن انها انانيه بالشكل ده مش قادر اتصور اني حبيت واحده متملكه وانانيه كده
......./ السؤال هتعمل ايه لسه بتحبها وعايزها ولا ايه
......./ مش عارف مش عارف وينصرف ليعود الي فريد مره اخري
💮💮💮💮💮
احمد
وصل للمنزل وهو يفكر اكتر من موضوع شاغل باله وعايز حل اكتر من قصه وكله بيدخل في بعضه اولهم والدته الي من يوم ما صمم علي الجواز من نسرين وهي قلبه علي الاخر الاول علي تالا وبعدين اخدت منه جنب مش عايزه تتعامل معاه بمعني اصح تتكلم معاه بتخرج من حجرتها ساعه الاكل بس عرف من مايا انها بتخرج لما يكون هو مش موجود نفسه يعرف في ايه وبعدين موضوع تالا خوفها وقلقها الي مش طبيعي النهارده خوفها كان ظاهر علي الاخر خاصه لما سمعت سيره حسام كانت فرحانه ووشها ظاهر عليه السعاده اول ما سمعت اسم حسام اتغيرت واصبحت غريبه ياتري حسام عمل ايه لازم يشوف الي بيراقب حسام ويكلم معاه يمكن في حاجه اخر حاجه واهم حاجه هو حاسس انها الي هتربط كل الامور ببعض الاستاذ صلاح هيقول لهم ايه عايز يجمعهم هو واياد ومالك وتالا وهيحكي لهم ايه قال حاجه حصلت من زمان يا تري ايه بالتاكيد ده الي والدته مش عايزاه يعرفه
مايا / احمد انت واقف كده ليه
احمد / اه
مايا / خير نسرين منسياك الدنيا ولا ايه بقالك فتره واقف بجوار الباب لا دخلت ولا طلعت شقتك وتغمز له وهي تضحك
احمد / لا ماما فين
مايا / معرفش انا لسه راجعه من المكتب
احمد / طيب بصي بعد العشا تعالي فوق عايزك ضروري
مايا / حصل حاجه
احمد / لما نطلع ويدخل معها المنزل ليجدوا والدتهم في انتظارهم
احمد / السلام عليكم
امال/ وعليكم السلام هتتعشي ولا كلت عند الهانم
مايا / ماما اعرف بس انت مش عايزاها ليه ولا هو شغل حموات وخلاص
تنظر امال لمايا / لما تقولي حاجه قولي كلام عدل العشا عندكم انا هنام وتتركهم وتدخل حجرتها
مايا / واو انت فاهم حاجه
احمد / ماما في سر تاعبها والسر ده مرتبط بعائله فهمي
مايا / سر ايه
ينظر احمد الي غرفه والدته / معرفش بس مسيري هعرفه انا طالع فوق ويغمز لمايا كي تطلع له بعد فتره
مايا / خير احمد حصل ايه
احمد / اسمعي ماما متغيره من يوم ما نويت اخطب نسرين
مايا / ايوه
احمد / حتي متغيره مع تالا
مايا / ايوه
احمد / يوم ما رحنا نكلم علي نسرين انا لاحظت نظرات بينها وبين الاستاذ صلاح ومراته زي ما يكونوا يعرفوا بعض المهم الاستاذ صلاح من كام يوم قالي انا واياد انه عايز يكلم معانا في حضور تالا
مايا/ يكلم في ايه
احمد /مش عارف بس قال هيحكي عن بابا ووالد اياد وطاهر
مايا / اسمع اوعي تتهور وتتصرف كده او كده
احمد / ليه بتقولي كده
مايا / شكل ماما بيقول ان الموضوع فيه حاجه مش كويسه وانت ساعات بتتهور يعني
يفكر احمد لا لاني عايز اعرف الموضوع بالظبط من صلاح وبعدين اواجه ماما
