شذي ومالك
مالك / خير شذي خلتيني انزل بسرعه حصل حاجه
شذي / انا قلقانه
مالك / من ايه
شذي / من تالا خايف معرفش ليه حاسه انها ممكن نضر اياد او عايزه تضره
مالك / انت بس من تعلقك باياد تعال ويجذبها للجلوس علي الاريكه انت من عشر سنين كفيش غيرك انت واياد اتعودتي انه ديما معاك حاضر اغلب الوقت عشانك حاليا اصبح اهتمامه تالا عشان كده
لتقاطعه شذي / مالك انا مش غيرانه منها بالعكس انا في فتره اتمنيت انها تكون مرات اياد
مالك / طيب في ايه
شذي / صديقتها مايا كانت بتحكي لها عن والدها طاهر خلتني احس انه شخص خطر عنده استعداد يشوه صوره بنته عشان يوصل للي هو عايزه يبقي ممكن يعمل ابه في اياد
مالك / يشوه صوره بنته يعني ايه
شذي /الموضوع خاص بتالا مش هقدر احكيه بس حسيت انه شخص ممكن يعمل اي حاجه في سبيل الي هو عايزه
مالك / شذي اياد مش سهل زي ما انت فاهمه بدليل انه قدر يوصل الشركه للوضع الي هي فيه وينافس طاهر في اغلب الصفقات ويكسب كمان
شذي/ لس دي مش صفقه دي بنته
مالك / اهدي وكل حاجه هتتحل باذن الله
💮💮💮💮💮💮💮
اياد
بعد ان دخل واغلق الباب اخذ يفكر هل يسالها عن سبب صراخها ام يتركها مش عارف يتعامل معاها ازاي وكمان كلام صديقتها انها من يوم ما رجعت من لندن في النازل يعني تصرفه هو السبب طلع امثال جدته صح غلطه الشاطر بالف احساسه انه غلط الف غلطه ليشعر بيد توضع فوق كتفه فينظر ليجدها تالا
تالا/ انت سرحان قوي في ايه بكلمك من خمس دقائق
اياد / اسف بس كنت بفكر في كلام صديقتك( لقد قرر ان يتبع معها الصراحه فقد تبادله بالمثل) الي قالته قبل العشاء
لتنظر له تالا بدهشه واضح ان كلمه مايا تعبته امتي بقي ينتهوا من موضوع لندن والي حدث في لندن امتي يرسوا علي وضع يا تري هيستمروا ولا هيعملوا ايه نفسها اياد يكون عايزها زي ما كان قبل ما يعرف هي بنت مين ويتذكر كل حاجه
اياد / انت الي سرحتي
تالا / ممكن ننزل نتمشي في الجنينه ولا يضايقوا
اياد / لا محدش هيضايق تعال ويهبط معها للجنينه وبعد فتره تجلس علي الاريكه الموجوده ليجلس اياد بجوارها
تالا / انا عايزه احكي لك علي حاجه
اياد / مش اتفقنا نخلي المناقشه بعد ما نروح عندنا البيت
تالا / لا مش مناقشه انا بس عايزه اعرفك حاجه حصلت علي اساس تعمل حسابك قبل ما عمو يعلن جوازنا وكمان محدش يقول اني بخبي عليك او لعبه او كده
اياد / تقصدي انا اوك احكي
ليحمر وجه تالا / مش قصدي بس عموما طاهر في مصر
اياد / طاهر في مصر من امتي
تالا/ من تاني او تالت يوم انا رجعت فيه يعني من حوالي شهران المهم انا كنت قلت لك اني كنت عايشه مع جدي محمود والد طاهر هو الي رباني وكنت فاكره ان والدي مات مثل والدتي لحد ما جدي تعب جامد غقال لي ان بابا عايش وانه مقيم في لندن مش بينزل مصر من قبل ما اتولد
اياد / وبعدين
تالا/ جدي طلب اني اتصل به واصمم علي نزوله بس هو رفض وكلم جدو في التليفون وجدو قبل ما يموت كتب البيت بتاعه لي هبه وباع املاكه كلها وخلي الفلوس في البنك باسمه ما عدا جزء برضه اعطاه لي هبه وكتب ورقه ان طاهر لا ياخذ اي ميراث او الفلوس الا لو عشت معاه لحد ما اتجوز طبعا طاهر اضطر انه يرسل لي عشان اقيم معاه في لندن
ليتذكر اياد كلمتها لطاهر ان قسيمه الجواز في السفاره ياخذها ويقدمها للبنك عشان ياخذ فلوسه ويسمع تالا
تالا/ لما اتجوزنا انا قلت له ياخذ القسيمه وياخذ الفلوس بس هو جه مصر وكان بيبحث عني وطبعا عشان ميعرفش مايا معرفش مكاني انا عملت توكيل لمايا عشان تبيع البيت وكنت ناويه اسافر اقيم في اي مكان تاني
اياد / انا السبب صح
تالا/ احنا اتفقنا مش هناقش انا بحكي كل ده عشان حاجه مهمه حصلت
اياد / حصل ايه
تالا / لما طاهر معرفش يوصل لمكاني رفع دعوي بطلان لعقد الهيبه وبيتهمني اني ضحكت علي جدو وهو مريض عشان يعمل العقد ده
اياد / ندل ويتذكر انه وتلدها فيصمت
تالا/ المهم هو حاليا كمان ادعي اني مش بنته
اياد / ايه ازاي وليه
تالا / مايا بتقول هو عمل كده عشان المحكمه تطلب حضوري عشان التحليل
اياد / ايوه عارف بس ازاي والدك يعمل كده يشكك في نسبك مفيش اب يعمل كده
تالا / الاب الي يترك بنته اربعه وعشرين سنه وميعترفش بوجودها ولا يسال عليها تتوقع انه يتصرف كاب لها الان
اياد / وانت ناويه علي ايه
تالا / لازم هروح واعمل التحاليل عشان بس اصون اسم وشرف ماما وجدو بس المشكله ان ده هيسبب لك مشاكل
اياد / يسبب لي مشاكل
تالا /ايوه عمو لو اعلن جوازنا طاهر هيعرف اني معاك وممكن يعمل لك مشاكل وكمان الناس هتعرف اني مراتك وموضوع القضيه يعني هيمسك
ليقترب منها اياد ويحضن يدها / موضوع ان طاهر يعمل لي مشاكل انا متعود علي كده اما الناس متهمنيش قوي اغلب الصفقات خارجيه بس انت هتقدري تواجهي طاهر في المحكمه لواحدك ما اظنش انما لما يكون جوزك معاك هيفرق
تالا / يعني انت اقصد انت
اياد / ايوه انا لسه مصمم علي تنفيذ كلام عمي وكمان مصمم ان طاهر يعرف اني معاك وانك مش لواحدك تعالي بقي نطلع عشان ترتاحي شويه ماشي
تالا / نفسي تخلينا نتناقش في كل حاجه و
اياد / لما ترجعي زي ماكنت قبل ما تقابليني وشك منور وحلو نتناقش تعالي ويصعدوا لجناحهم
💮💮💮💮💮
الحفله
اياد وهو يطرق باب غرفه تالا / انا هنزل عمو عايزني ليفاجاء بخروج نسرين
نسرين / اوك برنس واو ايه الشياكه دي لولا انك زي مالك
اياد / كلها ربع ساعه وتنسي ليحمر وجه نسرين وهي تفكر يا تري شكل احمد في البدله هيكون ايه لتسمع اياد فين تالا اكلمها قبل ما انزل
نسرين / لا مش ممكن انت ضعيت عليها الفرح سبنا بقي نعمل الواجب النهارده
لتسمع صوت تال من الداخل / نسرين
نسرين / اسفه مش قصدي والله وتنظر باسف لاياد
اياد/ طيب انا هنزل مش تسيبيها لواحدها
نسرين / اياد بجد انا
اياد/ خلاص خلاص ويهبط ليجد عمه وفريد امامه
صلاح / تعال عايز اكلمك انت ناوي علي ايه طمني
اياد /في ايه مش فاهم
صلاح / بص احنا هنعلن جوازكم اليوم وانت مصمم انك تروح مع شذي وتالا غدا عايز اقولك كلمتين
اياد / خير عمو
صلاح / تالا طيبه وواضح انها مش زي ما انت فاكر بتنقل كلام او جاسوسه لوالدها حاول انك توصل لحل معاها حاول انك تحبها فعلا لو حبيتها هتثق فيها وتسامحها
اياد / المشكله هي ممكن تنسي الي حصل في لندن وتسامحني
يفكر صلاح اول مره اكتشف انك غبي اياد هتستحملك وانت فاقد الذاكره وتداري عليك الي لنت عملته مع ان كان ممكن تستغل ضعفك وتستحملك الان ومش مسامحك سبحان الله
اياد / عمو انت سرحت في ايه
صلاح / مفيش تعال الضيوف بداوا يحضروا الحمد لله ده احمد واخته ياتري والدته مجتش ليه
لينظر اياد ليجد احمد واخته يهبطوا من سياره احمد ويتقدموا جهتهم
صلاح / اياد خليك حلو مهما كان انتم اصدقاء من عشر سنين
اياد / طبعا عمو
ثم بداء توافد الضيوف ليرسل صلاح مالك لابلاغ نسرين بان يهبطوا للحفل
💮💮💮💮💮💮
تالا
بعد انصراف اياد فوجئت نسرين وشذي ببكائها ثم دخول مايا
مايا / في ايه مالك اياد زعلك
شذي / خير خير علي مهلك مش كل حاجه تبقي اياد
مايا / يعني اغلب المصايب الي تالا فيها من تحت راس اخوكي عشان كده بس
شذي / تقصدي ايه
نسرين / انتم هتتخانقوا ولا ايه مالك تالا
تالا / كان ايه لزمه الكلمتين نسرين دلوقتي يفتكر اني اشتكيت لكم
نسرين / مش هيفتكر حاجه واياد عارف اني ساعات يعني
شذي / لسانك سابق مخك صح
نسرين / شذي هزعل منك وبعد فتره يسمعوا طرق مالك الذي يبلغهم ان يهبطوا للحفله
شذي / مش فاهمه ليه عمو صمم مش ننزل من . الاول
نسرين / بابا حبيبي بيفكر زي عايز اخوكي يذهل
تالا / طيب تعالوا ننزل ليهبطوا للحفل لتفاجاء تالا باحد السيدات تقف مع اياد وتتحدث معه باندماج جامد وكل فتره تمسك دراعه فتلتفت الي نسرين مين دي
نسرين / مين مهم كتير
تالا / الي مع اياد
نسرين / اه مش ممكن ايه الي جابها هنا دي كارمن كان نفسها تتجوز اياد وبعدين قلبت علي حسام بس حصل امور وبعدت ايه جابها تاني تعالي نلحق قبل ما اياد يعمل مشكله
تالا / شكله مبسوط مش شكل واحد مضايق
نسرين / اياد مش ممكن يظهر عليه حاجه الا لو هو حب يبين غير كده بيتحكم في مشاعره جامد تعال وتجذبها للذهاب لاياد مساء الخير مش ممكن كارمن دا انا قلت ان حصلك حاجه
اياد / نسرين
نسرين / سوري بس عشان اختفت مره واحده يعني عموما. اقدم لك تالا وباقي التعريف هيكون كمان ربع ساعه وتنظر لاياد هسيب تالا معاك وتسير لاحمد
تالا / مساء الخير لتنظر لها كارمن ثم تدير لها ظهرها لتحدث اياد
كارمن / اوف بنت عمك فاكره لما تترك معانا دي هتخليني مش اتكلم اياد انا فعلا محبتش غيرك انت عارف ان حسام كان عشان افضل بجوارك
ليقترب اياد من تالا ويمسك يدها / انت عارفه اني عمري محبيتك وموضوع حسام بينك وبينه وبعد اذنك ويجذب تالا ليسير بها مبتعدا عن كارمن وهو يستحلف لمن دعاها
تالا/ بالراحه رجلي فينظر لرجلها ليجد انها ترتدي صندل بكعب عالي ليلاحظ ان فارق الطول بينهم قل بهذه الطريقه
اياد / انت متعوده تلبسي الكعب ده
تالا / الحقيقه لا بس في لندن مادونا كانت تصمم البسه في الحفلات ولما نسرين احضرته قلت عادي
اياد / نسيت خالص موضوع الملابس عموما هتتحل بكره
لتفكر تالا ايوه هنترك هنا والله اعلم هتعمل ايه لتسمع اياد يعرفها علي بعض الاشخاص منهم رجال الاعمال وبعض الاشخاص السياسيه والمعروفه وبعد فتره يقترب معاها من الاستاذ صلاح وهنا تشاهد من يدخل من باب الفيلا فترتعش يدها في يد اياد الذي ينظر لها فيجدها قد شحبت
اياد / تالا انت تعبت ترتاحي شويه ليشاهدها تشير له الي الباب فينظر ليجد كاظم الاباصيري وهو يدخل الحفل ويشعر بارتعاش تالا اكتر فينظر لها انت خايفه منه لو اعرف مين دعاه
تالا / اوعي تفكر اني
اياد / لا مش انت عارف تسرعي في الحكم خف متخافيش بس حضر ازاي وهنا يسمع عمه وقد بداء في الكلام
صلاح / مساء الخير طبعا الكل بيتسال عن سبب الحفله هو في الواقع سببين الاول ان اياد كان مريض بعد الحادث الي حصل له والان الحمد لله خف نهائي والتاني نعلن خبر جوازه في لندن من الانسه تالا الاباصيري وهنا يبداء الجميع في التحدث والكلام ويقترب الكثير من الاشخاص لتهنئه اياد وتالا التي اخذت تقترب ازيد من اياد فلم تتوقع كلهولاء المعارف
فريد / اياد دقيقه واحده ويجذبه للتحدث مع احد الاشخاص الاجانب لتجد تالا نفسها بمفردهالاول مره ولدهشتها تجد من يجذبها من يدها بعيدا عن الحفل لتقف في جانب بعيد
كاظم / حلو قوي بابا هيموت من القلق والست ولا هي هنا مع الندل الي ضحك عليها
لتجذب تالا يدها منه / اكلم حلو اياد مش ندل الندل ده انت
ليشد كاظم علي يدها مره اخري / بتقولي ايه ويبداء صوته في العلو مش ده الندل الي اتجوزك عشان ينتقم مني لتشاهد تالا بعض الاشخاص يستمعون لهم
تالا/ لا طبعا مش عارفه مين ضحك عليك وقالك الكلام ده
كاظم / انت يا
اياد / مساء الخير ازيك كاظم نورت الحفله
لينظر له كاظم بغيظ ويتركه هو وتالا ويبعد عنهم
تالا / اياد انا
لينظر اياد اليها فيجدها تبكي / تعالي ويجذبها لاحد الغرف لتجلس ويحضر لها ماء اشربي الاول
تالا/ معرفش ايه الي جابه
اياد / خلاص هو جه وعمل الي عايز يعمله الموضوع انتهي اهدي بقي
تالا / بس عمل هيصه
اياد / عادي انسي المهم ويلاحظ يدها وعلامات شد كاظم عليها هو الي عمل كده
تالا وقد شاهدت الغضب علي وجهه / انت لسه بتقول خلاص رايح فين
اياد /ثواني ويتركها تفكر هيعمل ايه لو بس تتكلم معاه وتفهم هو ناوي علي ايه بعيد عن عمه واخته وكل الضغوط
اياد
ترك تالا بالغرفه وذهب يبحث عن احمد هو الوحيد الي
فريد / اياد مالك في ايه
اياد / فين احمد
فريد / ليه حصل ايه شكلك
اياد / فين هو ويشاهده مع عمه ونسرين واخته مايا ليسير اليهم وخلفه فريد
صلاح / اهلا بالعريس وينظر لاياد بدهشه فالغضب ظاهر عليه
اياد / احمد تعال
صلاح / اياد انا قلت لك
اياد / احمد تعال ويجذبه من يده
احمد / في ايه انت اتجننت اصبر ويسير معه في ايه
فريد / اياد اهدي حصل ايه ليشاهد اياد يقترب من احد الاشخاص الذي يلتفت ليري فريد كاظم الاباصيري امامه
اياد / احمد احب اعرفك بشخص مهم قوي الاستاذ كاظم الاباصيري
احمد / مين وينظر لكاظم باستغراب عنده له في المكتب صور منوعه من سهراته مع حسام كده يكون حسام وقع
اياد / اخو تالا وينظر لاحمد
احمد / اهلا وسهلا وينظر باستغراب لاياد فهو لم يعلم هو عايز ايه
اياد وهو ينظر لكاظم / اعرفك بالاستاذ احمد منصور زميل لنا وطبعا انت عارف فريد
كاظم / ايوه عارفه وينظر لفريد بكره
اياد / عن اذنك ويجذب احمد بعيدا عن الكل وخلفهم فريد
احمد / مش فاهم حاجه في ايه
اياد / كاظم اتعرض لتالا من شويه انا عرفتك عليه عايزك تراقبه كويس وتضع شخص لحراسه تالا
فريد / اوف اياد وقعت قلبي لينظر له اياد باستغراب
احمد / حاضر بس في معلومات مهمه لازم تعرفها مش هينفع هنا تعال الشركه بكره الصبح هحكي لك كل حاجه وياريت يكون الاستاذ فريد معاك لان الكلام يخص شخص قريب منكم
لينظر له اياد ويفكر قريب وعايز فريد ربنا يستر وما تكون حاجه خاصه بتالا نفسي نكلم انا وهي ونهدي الاوضاع اشوف هي عايزه ايه الي هي عايزاه هعمله لها
......حتي لو طلبت الطلاق
لامش هتطلب الطلاق انا عارف بس نكلم نتفاهم اعرف هي عايزه ايه بعيد عن الكل
فريد / اياد انت سرحت في ايه
اياد / مفيش مفبش اوك احمد هنفوت عليك بكره
مالك وقد حضر في ذلك الوقت / بابا عايزكم وفين تالا الضيوف هيمشوا
اياد /او نسيت ويجري للغرفه التي بها تالا ليجدها تقف بجوار الشباك
تالا / اتاخرت حصل حاجه
اياد / لا تعالي عمو عايزنا ويخرج معها لتوديع الضيوف
صلاح / تعال اياد انت وتالا
احمد / طيب نستاذن احنا
صلاح / لا استنوا امال حسام فين
جيهان/مش عارفه
صلاح /عموما بالنسبه لاياد وتالا انا عارف ان جوازكم يعتبر مش عادي وامامه صعوبات. وتحديات كتير بس ده ميمنعش اني وجيهان بننظر له علي انه جواز طبيعي وزي ما اياد ابني اصبحت تالا بالمثل وعشان كده حجزنا لكم خمس ايام في فارنسا
تالا / بس يا عمو
جيهان / مفيش بس احنا حجزنا لكم جناح في فندق الهليتون وعندي امل ترجعوا حلين كل اموركم
اياد / بس شذي وينظر لاخته
صلاح / خير اياد اول مره تسافر وتترك شذي عموما هتكون معانا ومالك
اياد / مش قصدي عمو
صلاح / بعد ما ترجعوا باذن الله هنكلم في كل حاجه وعندي امل اعلن خطوبه احمد ونسرين ومالك وشذي بعدها لينظر كل من احمد ونسرين لبعض ومالك وشذي لبعض
جيهان / هيفضل انت فريد وطالما مش هتسافر الا لما اياد يرجع اشوف لك عروسه
فريد / تاني طنط
جيهان / يا بني مش كل البنات
فريد / انا ماشي ويخرج بسرعه مع نظرات دهشه تالا ومايا واحمد وسكوت الباقي
صلاح / قلت لك بلاش انت عارفه طبعه
جيهان / يعني ايه فات ست سنين هيفضل كده
مالك / لا ماما بس لما ربنا ياذن ويقابل نصيبه هيجوز
احمد / طيب هنمشي بقي وينظر لمايا
اياد / احمد اوعي تنسي
احمد / حاضر بس لازم اشوفك قبل ما تسافر
اياد / اوك هفوت عليك قبلها
💮💮💮💮💮
احمد
في مكتبه تاني يوم وقد اخرج جميع الصور وصوره الرساله الخاصه بحسام
السكرتيره / استاذ اياد والاستاذ فريد حضروا
احمد / اوك ويقف لاستقبالهم اهلا اياد استاذ فريد
فريد / خليها فريد علي طول هنكون قرايب بعد كده باذن الله
اياد / معلش نخلص عشان مستعجل
احمد / اوك اصل المضوع ايام ما حصل لك الحادث في جواب دخل في البسطه بتاعت مكتبك غلط وكان مكتوب بالفرنساوي طبعا تالا فتحت الجواب وترجمته ودي صوره الجواب اظن بتعرف فرنساوي
اياد / ايوه ويقراء الخطاب ليشحب وجهه
فريد / معقول من طاهر لحسام ليه ايه العلاقه بينهم وازاي وصلوا لبعض
اياد/ الكلام واضح حسام بيعرض علي طاهر يبلغه عن صفقات الشركه ورد طاهر اه الموافقه بس ليه لما حكيت لك علي الجاسوس مقلتش لي علي موضوع حسام وينظر بغضب لاحمد
احمد / لان مفيش اثبات ضد حسام غير الجواب وممكن يلاقي الف مخرج له
فريد / وايه الي استجد الان
احمد / كاظم
اياد / ماله
احمد / شوف الصور دي ويريه صور حسام وكاظم
اياد / واو دول بيتاقبلوا كمان
احمد / انا كنت مكلف بمراقبه حسام ولما عرفتني بكاظم امس افتكرت الصور هما اتقابلوا حوالي اربع مرات
فريد / متعرفش كانوا بيتفقوا علي ايه
احمد / لا
ليسير اياد في الغرفه / بس حسام ليه يعمل كده انا عارف انه بيكرهني بس الشركه مش انا بس ده عمو كمان له فيها اسهم يعني هيخرب علي والده
فريد / انت عارف حسام
اياد / لا اعرف انه بيكرهني وممكن بيكرهك انت كمان وينظر لفريد بس مش لدرجه انه يخرب الشركه
احمد / الي فهمته من نسرين ان معاك النسبه الاكبر من اسهم الشركه وانك متحكم فيها ممكن ده الي خلاه يعمل كده وفي حاجه تانيه كمان بس دي احساسي
اياد / ايه
احمد / كنت حاسس انه واضع عينه علي شذي حتي فوجئت لما نسرين قالت ان مالك هيخطبها
ليقف اياد مره واحده / شذي
فريد / اهدي احنا عرفنا الموضوع سهل نحل كل حاجه
اياد / ازاي
فريد / مش شذي موافقه علي مالك نخليه فرح علي طول ايه لازمه الخطوبه هما يعرفوا بعض كويس وكده نبعد حسام عن طريق شذي
احمد / فكره
اياد / طيب ماشي اول ما نرجع من باريس اكلم عمو ونعمل كده بس وانا مسافر مش هطمن عليها كده
احمد / انت ممكن تلمح لمالك انك خايف عليها وهو هيهتم بها وانا هخلي معاها حراسه علي طول
اياد / ماشي وخلي مراقبه علي حسام وكاظم من غير ما يعرفوا
احمد / في موضوع تاني
اياد / خير لينظر احمد الي فريد اتكلم مش هيخرج
احمد / موضوعك وتالا
ليقف اياد / ماله
احمد / اياد انت عارف انا باحترمك قد ايه ىبس تالا حاليا امانه بالنسبه لي والي مرضهوش لمايا مرضهوش لها
اياد / مش فاهم وينظر لفريد ليجد وجهه بالارض
احمد / اقصد لو انت ناوي تلعب بيها او تستغلها بلاش كمان لو ناوي تطلق خلي العلاقه في حدود بلاش تظلمها
اياد / انت بتهددني
فريد / هو ميقصدش كده اياد واضح انه بينصحك بس وبعدين انت كمان لازم تحدد انت ناوي علي ايه
اياد / الي هي عايزاه هعمله لها
احمد / اوك اتفقنا
اياد / طيب تعال فريد يا دوب افوت اخد تالا ونلحق الطائره واحمد ارسل لي كل يوم الاخبار
احمد / اوك لتدخل نسرين مره واحده ودون ان تشاهد اياد وفريد
نسرين / انت بتضحك علي مش قلت انها سكرتيره مؤقته بتعمل ايه هنا وكمان مش راضيه تقولك اني موجوده قال مانع ان حد يكلمك ليه مين معاك وتشاهد احمرار وجه احمد لتنظر خلفها فتجد اياد وفريد
احمد / ايه ده ازاي تدخلي كده والسكرتيره صح طالما في اجتماع شغل محدش بيدخل او يتصل بي واظن دي اصول الشغل عندكم كمان
اياد / اهداء احمدحصل خير
احمد / لا مش خير لو معاي ناس تانيه يقولوا ايه
نسرين / انت بتشخط فيه ماشي وتخرج جري وخلفها فريد
اياد / كان ممكن تتفاهم معاها بالراحه كده جرحتها امامنا
احمد / لو معاي اشخاص اخرين كنت اعمل ايه ساعتها
اياد / طيب شوف هتصالحها ازاي لينظر له احمد باستغراب ويسكت
💮💮💮💮💮💮
اياد وتالا
تالا/ كان لازم موضوع باريس ده مكنش ممكن تقول لا لعمو وبعدين جواز السفر مكتوب فيه انسه
اياد / عادي هتسفري به عادي هنغيره لما نرجع باذن الله فتنظر له تالا وتفكر قال لما نرجع نغيره يعني ناوي يستمر في الجواز بس يارب يكون برغبته فعلا نفسي احس انه بيحبني فعلا زي ايم ما رجعنا من شرم معرفش ليه حاسه انه واجب ومفروض عليه
اياد / تالا تاخذي عصير ولا قهوه
لتنظر تالا فتجد المضيفه تنظر لها / اسفه عصير بس من غير كحول
اياد / قهوه من فضلك
لتشاهد تالا نظرات المضيفه لاياد فتنظر له هو شكله في لندن كان جذاب بس من يوم ما ترك دقنه وشاربه قليلا شكله بقي حاجه تانيه وظاهر ان التاثير علي المضيفه واضح لتجده ينظر لها باستغراب
اياد / في ايه شكلك غريب
تالا / شكلي غريب وتخرج مراه لتنظر لشعرها ووجهها
اياد / مش قصدي اقصد نظراتك ووجهك الي جاب كل الالوان في ثواني خير بتفكري في ايه
تالا / ها مفيش مفيش طيب هنعمل ايه في باريس
اياد / زي ما الناس في شهر العسل بتعمل نتفسح نخرج يعني
تالا / شهر العسل وتنظر له بدهشه
اياد / ايوه مش عمو كان يقصد كده
تالا / عمو
ليبتسم اياد / انت شده اعصابك ليه اول حاجه هنخرج مشوار ضروري بعد كده هنتعشي للنه هيكون وقت العشاء وبعدين نقعد نتكلم في كل الي انت عايزاه عشان نرجع من باريس كل حاجه متحدده كويس كده
تالا / اممم ايوه كويس
اياد / اوك وبعد الوصول لباريس والفندق تالا اختاري غرفه وتعالي بسرعه
تالا وهي تلف في الجناح / اي واحده كلهم حلوين
اياد / خلاص تعالي
تالا / هنروح فين
اياد / هتعرفي ويخرج معها الي احد بيوت الازياء التي يعلم تعامل شذي ونسرين معهم
تالا / اياد انا عندي ملابس كتير بس بي فبيت جدو
اياد / مش مهم دول هيكونوا في بيتنا ويجذبها لداخل المكان ويبداء في الاختيار لها لتمسك يده
تالا / طيب اصبر انا اختار
اياد / اوك وبعد ان تختار مجموعه يصمم ان تجربهم
تالا / اياد الفستان يعني وتنظر له فالفستان من اختياره ولكن مكشوف من فوق كتير وهي لم تتعود علي ذلك
اياد / دقيقه وينظر للمشرفه في المحل والتي تحضر لها جاكت يناسب الفستان
تالا/ كفايه عشان خاطري وتنظر لحجم المشتريات فتذهل من تضاعف الحجم
اياد / اوك لينصرفوا الي الفندق وبعد العشاء تعال بقي نتكلم مين يبتدي انا ولا انت
تالا/ انا... انا
اياد / ايه بلاش
تالا / لا لازم نتكلم في حاجات مهمه لازم نتكلم فيها لازم اعرف حاجات مهمه
لينظر لها اياد / عايزه تعرفي ايه ليجد انها بدات تلعب في يدها وهي حركه تفعلها عند التوتر انت متوتره ليه حاولي قولي الي انت عايزاه مش هضايق
تالا / بجد
اياد / ايوه
تالا / انت كنت بتحب هايدي لينظر لها اياد بدهشه
💮💮💮💮💮
حسام وكاظم
حسام / ايه الي جابك الحفله وليه
كاظم / الحفله الي معموله علي شرف اختي وجوزها و انت مقلتش عليها وكمان موضوع تالا
حسام / واقولك ليه علي الحفله اصلا المفروض انك متحضرش عشان محدش ياخذ باله منك
كاظم / بجد محدش ياخذ باله مني ولا محدش يعرف انك بتكلمني
حسام / الاتنين
كاظم / سيب موضوع الحفله علي جنب وقول لي ليه مقلتليش ان تالا مع اياد وبتشتغل عندكم في الشركه
ليضحك حسام / واقول لك ليه وبعدين اعرف منين ان تالا اختك انت كنت قلت لي عليها ولا علي موضوعها مع اياد غير لما سالتك من يومين يعني كل واحد له اسرار
كاظم / انت بتستهبل
حسام / لا انت الي بتخبي حاجات وفاهم اني عبيط وانا قلت لك لما عرفت ان اختك متجوزه اياد بس انت كتمت برضه
ليقف كاظم / كده
حسام / اهدي واجلس متنساش ان الموضوع الي بينا مهم اهم من اختك
ليجلس كاظم / قررت هنعملها امتي
حسام / اياد مش هنا سافر مع اختك شهر عسل في فرنسا انا بقول لو ممكن نعملها هناك يكون افضل
كاظم / تقصد في باريس
حسام / عليك نور كده مفيش شبهه علي حد حادث والكل بعيد
ليفكر كاظم ممكن بس كده هيكون اياد فقط انا كنت عايز اخلص من مالك كمان في حادث واحد / اوك تعرف حد هناك ممكن يعملها
حسام / كنت فاكر انت الي هتعرف
كاظم / اعرف منين انت ناسي. اني اغلب الحياه في لندن وانجلترا شوف لو تعرف حد انا موافق متعرفش يبقي لما يرجع يكون طالع مشوار هنا ولا هنا نخلص منه
حسام في سره اقطع دراعي ان لك غرض ان الموضوع يتم في مصر بس ايه / ماشي وينصرف وقد قرر ان يكلم البرنس لمراقبه كاظم لم يعد يثق فيه عموما
كاظم وهو يتحدث في التليفون / سلامه عايزك تراقب اياد ومالك وحسام فهمي وعايز تقرير يومي عنهم وبابا ميعرفش سمعت
سلامه / تامر يا باشا
