اياد
جلس اياد ينظر للمشاركين في الاحتفال بدون اهتمام لولا خاطر عمه مكنش جه الي لندن بعد الي حصل ابدا حتي مش عايز يزور حد او يقابل حد من معارفه فيها سبحان الله من سنه كان فاكر ان كل حاجه حلوه هتكون في لندن دلوقتي بيكره البلد دي
يقترب منه احد الاشخاص / يعني انت جاي تجلس بالمنظر ده ناوي تخوف المستثمرين قوم اتحرك
ينظر اياد لاقرب صديق له / اهلا فريد اقوم اعمل ايه انت عارف ماليش في الجو ده
فريد/ لا اياد انت اتغيرت خالص من يوم موضوع هايدي
ينظر له اياد بغضب / فريد بلاش تفتح الموضوع ده اخر مره كنا هنخسر بعض
فريد بحزن / لو بس تسمع الي هقوله كان زمانك ارتحت
اياد / فريد
فريد / طيب خلاص تعال اعرفك بالعضو الجديد في المجموعة بنت بس ايه عسل هتعجب بيها قوي وخاصه انها زينا مصريه
اياد/ تاني يا فريد
فريد / تعال تعال ليجذب اياد ويسير معه الي مجموعه من الاشخاص تشكل دائره حول فتاه لا يتجاوز عمرها الثالثة والعشرين
يقف اياد وينظر لها جيدا / مين دي
فريد / دي بقي الانسه تالا بنت طاهر الاباصيري
ينظر له اياد بدهشه ثم ينظر لها / بتقول بنت مين
لينظر له فريد باستغراب/ طاهر الاباصيري المنافس الاكبر لشركتك عارف بس برضه هنا الكل بيتعامل مع بعض عادي تعال
يمسك اياد يده / استني هو مش طاهر له ابن واحد كاظم
فريد/ لا يا سيدي طلع له بنت بس كانت مش عايشه معاه
اياد / ليه
فريد / الله اعلم انت عارف طاهر من النوع الي محدش يعرف عنه حاجه والكل بيخاف منه قرب بقي
اياد/ استني يا فريد انا لازم امشي دلوقتي ويترك فريد ينظر له باستغراب وينصرف واول ما يدخل سيارته يتصل بشخص
...../ افندم
اياد/ جاك عايز معلومات بسرعه هرسل لك الاسم
جاك / تمام
🌺🌺🌺🌺
تالا
كانت في حفله لقد صمم والدها علي حضورها هذا الحفل كما صمم علي ارتدائها هذه الملابس ومع كل من يحيط بها من اشخاص الا انها اخذت تفكر لماذا اشترط جدها شرط ان تقيم مع طاهر والا تحصل علي ميراثها الا بعد جوازها نفسها تعرف ليه طاهر وافق الان علي اقامتها معه هو وزوجته وكاظم لا يوجد اي تعامل معها الا لو صمم ان تحضر حفل هي تعلم انه يريدها ان تحضر الخفلات حتي يتقدم لها احد الاشخاص وتوافق عليه لا يعلم ان اغلب من الحفلات والاشخاص الي فيها بيتعارضوا مع تربيتها لا يوجد شخص واحد من الممكن ان تندمج معه
كريستين / انت سرحت في ايه
تالا / اسفه بتقولي ايه
لتضحك كريستين / مش انا ده فريد من ساعه وهو بيسلم عليك
لتنظر تالا فتجد امامها فريد كامل / اسفه استاذ فريد مخدتش بالي وتفكر هو من الاشخاص القليله التي ترتاح في التعامل معه وسبحان الله كاظم لا يقبله
فريد / ولا يهمك واضح ان في حاجه شاغله دماغك جامد
تالا / لا ابدا بس كنت بفكر كاظم فين عايزه اعرفه اني هروح
فريد / اظن انه مشي من فتره
تالا/ معقول طيب بعد اذنك اشوف السياره واروح
فريد / لا مش ممكن انا هخرج معاك تعال ويذهب معها حتي السياره لتنصرف الي المنزل وعندما تصل تجد والدها امامها
طاهر / تالا هي الحفله خلصت
تالا/ لا بس جالي صداع هطلع انام وتسمع زوجه والدها وهي تضحك عليها
مادونا / متحاولش يا طاهر هتفضل قفل انا بقول جوزها رمزي الي كاظم ييقول عليه
طاهر / اجوزها ازاي لازم موافقتها انت ناسيه سنها والقانون
لتكمل تالا صعود السلم لو بس تلاقي حل جدها حط الفلوس كلها في البنك ومينفعش الوديعه تتفك الا لما تقدم شهاده جوازها
