تالا
جلست امام مكتبها في الشركه وهي تتذكر ما حدث بالامس الي الان لا تصدق ما فعله احمد فقد حضر الي المنزل فجاه ولدهشه الجميع امسكها من ذراعها وبداء في الزعيق / انت هبله ولا عبيطه عايز افهم انت بتفكري ازاي
تقف امال وهي تشخط فيه / احمد انت اتهبلت سيبها
احمد / محدش يدخل وينظر للجميع بغضب ثم لها انت رايحه تحبي اياد وهو يحبك مش لما نخلص من الي انت متجوزاه ومفيش الا اسمهم اياد ولا عشان الاسم اتكلمي
تالا/ احمد اهدي بس انا كنت ناويه اقولك لما تحضر
احمد / تقولي ايه ابعدي عن اياد هو مش ناقص سامعه
تالا / خلاص انت حلتها هسيب الشغل
ليتركها احمد / ازاي مينفعش
تالا/ لا لازم اسيبه اولا عشان ابعد عن اياد وثانيا قبل ما يعرف انا بنت مين
احمد / بنت مين
تالا / هو الكل ناسي ولا ايه انا بنت طاهر الاباصيري
مايا / مش موضوع ناسين اصلا محدش بيعتبرك ببنته توتي ايوه شايله الاسم بس مش تربيته متعرفهوش
امال / زمن ابن ده مع بنت ده وبنت ده مع ابن ده ولعبه بتدور لينظر لها الجميع بدهشه
احمد / ماما تقصدي ايه
امال / اه مفيش مفيش انت عايز تالا تفضل في الشركه ليه
احمد / عشان امسك حسام انا متاكد ان في حد في المكتب عند تالا بيبلغ حسام بالاسرار عايزها تعرف مين
تالا / بس هو
احمد / تالا اعملي الي بقول عليه وابعدي عن اياد كفايه الي شافه
مايا / اياد ده ثم تصمت عندما تنظر لها تالا بغضب
احمد / تعرفيه او تعرفي حاجه عنه لا يبقي مالكيش دعوه
......./ تالا تالا
......../ توتي توتي
تالا / ها ايوه وتنظر لتجد نسرين واياد امامها ولاول مره تنظر للمكتب لتجد انه اصبح خالي لا يوجد به الا مكتبها فتقف بسرعه
نسرين / صباح الخير سرحانه في ايه ربنا يسعده الي واخد عقلك وتنظر لاياد وهي تبتسم
تالا/ صباح الخير اسفه سرحت بس باقي الموظفين فين
اياد / نسرين مفيش شغل ولا ايه علي مكتبك ولا اخصم منك
لتنظر له نسرين / تخصم ايه متعرفش اني لي خاطر عند البلشا الكبير وتغمز له وفي بينا اسرار
اياد / نسرين الباشا الكبير بداء يعصب
نسرين / خلاص باي توتي اشوفك في البريك وتخرج
لينظر اياد الي تالا / تعالي مكتبي لو سمحتي
تالا / ايوه حاضر حاضر وتدخل خلفه
اياد / صباح الخير عامله ايه ارتحت امس كويس
لتنظر تالا للارض ويحمر وجهها / ايوه الحمد لله وانت ارتحت
اياد / يعني خلصت شويه شغل وبعدين ارتحت بس مش قوي
تالا / ليه هو لسه ضلوعك بتتعبك
فيضحك اياد / لا الي تاعبني حاجه تانيه خالص
تالا / طيب
اياد / بصي كل الموظفين خصصنا لهم الحجره الي كانت فاضيه اخر الدور ده الان انت بس في المكتب الخارجي
تالا / ليه حصل حاجه وتفكر اكيد احمد ميعرفش لانه منتظر الي بيبلغ حسام يقع والان الكل اتنقل لازم اكلمه
اياد / لا مفيش بس الاول كان وجودهم ضروري عشان اخف من مضايقات رشا
لتنظر له تالا / مسن رشا
اياد /مديره المكتب قبلك بس كان في مخها حاجات تانيه
تالا / كويس انها مشت
اياد / ايوه الان الموظفين وجودهم مش ضروري بالعكس وجودهم بقي رخم ومالوش لازمه
تالا / رخم يعني ايه وهنا يرن تليفون اياد فترد مكتب اياد فهمي ايوه استاذ صلاح حاضر هبلغه وتغلق الخط
اياد / خير
تالا / الاستاذ صلاح بيقول انه جاي لحضرتك مع حسام ومالك عشان الشغل
اياد / حضرتك مره واحده ازعل لو قلتيها تاني امام الكل ماشي انما لواحدنا اسمي اياد
تالا / اه بس
فيقترب منها اياد لترجع هي للخلف فتقع علي الكرسي خلفها وينحني عليها اياد / تالا فكري مش ممكن افتح قلبي لك واحكي حاجات شذي نفسها متعرفهاش وبعدين اقبل تقولي حضرتك اسمي اياد قوليها
تالا / هو هو
اياد / قولي ويقترب منها اكتر
تالا / اياد بس ابعد شويه لتفاجاء بابتعاده الي خلف مكتبه ثم دخول عمه صلاح وابنه حسام ومالك لتقف بسرعه
اياد / مفيش اي مكالمات لفتره تالا وممكن تطلبي لنا قهوه لو سمحتي
فتنظر تالا للارض وهي تشعر بالنار في وجهها / طيب حاضر وتخرج جري
صلاح / ازيك تالا عامله ايه
تالا / الحمد لله وتخرج وهي تفكر الحمد لله لو مكنوش جم معرفش كان هيحصل ايه ربنا ستر
....../ كان واضح انه هيبوسك
......../ لا هو عارف اني مش كده
........./ افتكري ده اياد الي لعب بيك مره وممكن يكون بيلعب بيك تاني افتكري
......../ لامش هو ومش هفتكر وتبداء في شغلها وبعد فتره تتذكر انها لم تطلب القهوه ولم تحدث احمد فتطلب القهوه ثم تطلب احمد
تالا/ صباح الخير
احمد / صباح النور انا اسف علي طريقتي امس بس مش عايز اياد يتجرح
تالا / حصل خير مع ان ماما زعلانه منك لان الاثر واضح في كتفي
احمد / اسف اسف توتي
تالا/ فكرتني انا الان عرفت واتاكدت نسرين عرفت اسم توتي منين
احمد / اه نسرين ليسمعها تضحك
تالا / اسمع هحاسبك لما اشوفك بس بسرعه قبل ما حد يسمعني اياد نقل الموظفين كلهم من المكتب ولم تلاحظ خروج اياد ليسالها علي ملف واستماعه لها
احمد / اوف اوف ليه كده طيب معلش برضه نستمر كام يوم
تالا / بس انا خايفه مقدرش استحمل انا بفكر اترك الشغل احسن
احمد / عشان خاطري توتي
تالا / هدفعك تمنها غالي وتلاحظ اياد سلام وتغلق الخط وهي تنظر لاياد وتقف
اياد / خايفه من مستحمليش ايه وينظر خلفه هنتفاهم بعد الاجتماع ده ويدخل غرفته مره اخري
تالا اقول ايه الان مش هقدر استحمل قربه ده عايزه احضنه ابوسه والخيبه انه من حقي بس مقدرش هو ميعرفنيش ولو افتكرني هتكون. مصيبه يارب
💮💮💮💮💮💮
نسرين واحمد
بعد ان غادرت تالا واياد وذهبت لمكتبها بدات تتصل باحمد تريد ان تحكي له ماحدث امس وبعد فتره اتصل هو بها
نسرين / صباح الخير تليفونك مشغول علي طول ليه
احمد / صباح الجمال سوري قلبي شغل والله
فتضحك نسرين / الشغل نساك المهم كده
احمد / لا مفيش حاجه ممكن تنسيني لحكي عمو كلمك
نسرين / لا
احمد / ازاي كنت فاكر انه هيفاتحك اول ما ترجعي
نسرين / كان في الشركه ورجع متاخر بس
احمد / اروح اكلمه تاني ولا اكلم اياد اعمل ايه
نسرين / تسكت وتسمع
احمد / نسرين
نسرين / اهدا واسمع بابا مش كلمني بس ماما الي كلمتني
احمد / اوف نسرين وقعتي قلبي
فتضحك نسرين / انت الي مستعجل
احمد / المهم حصل ايه
نسرين ط مفيش ماما كلمتني وطبعا حكت ان اياد بيشكر فيك والكلام ده والاخر سالت عن راي واحمد انا مقدرتش اكذب علي ماما
احمد / يعني ايه
نسرين / انا قلت لها اني قابلتك مرتين واني ⁴موافقه وهي قالت انها هتبلغ بابا عشان يكلمك وتحددوا ميعاد عشان تجي انت وطنط وكده
احمد / بكره
نسرين / اهدا احمد اصبر لما بابا يتصل بيك بس هو مشغول مع اياد ومالك ماشي
احمد / ماشي
💮💮💮
اياد
صلاح / ايه الاخبار اياد
اياد / الحمد لله اتفقت مع جوزيف ووقعنا العقد كمان
صلاح/ الحمد لله وانت مالك
مالك / طبعا لولا نيكوليس ومارجريت بس ايه يا عم ده وينظر لاياد بيحبوك حب
صلاح / يعني خلصت
مالك / ايوه اتفقنا مع شركتين مش شركه ودي العقود الابتدائيه ونيكوليس بيقولك لو عايز بدلهم عشره عنده
فيضحك اياد / لا شويه شويه عمو كنت عايزك في موضوع
مالك / وانا عايزك انت وبابا في موضوع
حسام / طيب انا هقوم فينظر له الجميع بدهشه فقد كان صامت من اول الاجتماع
اياد / لا لازم القهوه الاول معرفش اتاخرت ليه ويذهب لغرفه تالا لاستعجال القهوه فيسمعها وهي تتحدث مع شخص وتخبره بخوفها ورغبتها في ترك العمل ويعود للغرفه
حسام / انت عارف مش كيف قهوه سلام وبعد انصراف حسام
صلاح / خير اياد حصل حاجه
اياد / لا لا مالك يخلص الاول
مالك / اياد الموضوع مش جديد انا لمحت لك من سنه اني عايز شذي
اياد / مالك شذي لسه صغيره مش محدده هي عايزه ايه افرض وافقت وبعد سنتين ثلاثه شافت حد تاني وحبته هنعمل ايه
مالك / اياد انا مش قادر لازم اعرف يمين ولا شمال ولو حتي اشوف هعمل ايه
صلاح / اياد مالك صح خليه يصارح شذي بمشاعره وبعدين شذي مش طفله زي ما انت لسه شايف شذي تلفنا كلنا علي صبعها الصغير
اياد / خلاص عمو طالما انت شايف كده
مالك / شكرا اياد هقابلها النهارده ماشي اروح اكلمها ويخرج جري
صلاح / خير اياد في ايه
اياد / موضوع كشف اسرار الصفقتين قالقني قوي حاسس ان في حد في الشركه بيخرج اسرارنا بس مين مش عارف
صلاح / نفس احساسي
اياد / بس عموصفقه المانيا الي يعرفوها عدد محدد انا وانت وحسام ومالك وطبعا فريق المانيا
صلاح / لا اياد التسريب من عندنا بس انت نسيت السكرتاريه عندك وعندي
اياد / السكرتاريه
صلاح / ايوه عموما نفكر بالراحه وبعدين نشوف
اياد / اوك عمو لينصرف صلاح ويجلس اياد يفكر ليه تالا خايفه وعايزه تترك الشغل ويقرر ان ياخذها لخارج الشركه حتي يعرف يخليها تتكلم
اياد / تالا هات التاب وتعالي
تالا / هنروح فين
اياد / شغل مهم تعال ويخرج وهي خلفه ليقود السياره الي طريق الفيوم وعن مكان محدد يقف تعال وبعد ان يجلس ويطلب له قهوه
تالا / احنا هنستني حد هنا
اياد / ايوه
تالا / مين
اياد / انت
لتنظر له تالا باستغراب / مش فاهمه
اياد / هننتظر لحد ما تتكلمي وتقولي خايفه من ايه وليه عايزه تتركي الشركه
تالا / اه بس هو وتحاول ان تقف
ليمسك اياد يدها ويجذبها لتجلس/ بصي مفيش هروب مني المكان بعيد ومفيش سيارات الا الي بيحضروا مخصوص عشان كده اقعدي واتكلمي بلاش تخليني ازعل
لتنظر له تالا وهي تفتح فمها فاياد يتصرف بطفوله / ولو زعلت هيحصل ايه
فيضحك اياد / هيحصل كتير اخف حاجه انك هتضطري تصالحيني ويغمز لها لتشهق تالا فيبتسم اياد متخافيش هعلمك تصالحيني ازاي بس مش. الان
تالا / اياد ميصحش وتنظر في جميع الاتجاهات
اياد /خلاص قولي خايفه من ايه ويهون عليك تسيبي الشركه والي في الشركه لتنظر له تالا وهي تكاد تبكي
💮💮💮💮
حسام
جلس في مكتبه يفكر كلام كاظم طلع صح اياد كالعنقاء الضربه الي متموتوش تقويه بدل صغقه المانيا عمل ثلاث صفقات لا وبيقول شويه شويه لا اما او هو
...... / هتقتل ابن عمك الي بيعاملك مثل اخوه
......./ هو انت لسه عايش انا افتكرت انك خلاص زهقت مني
......./ بلاش بلاش بلاش
...../ خليك انت في جنب وبعدين نشوف بلاش الي علقت دلوقتي اعمل ايه اكلم كمال ومحسن اشوف رايهم
..... / انت اهبل هتقول انك ناوي تقتل اياد
...... / شوف اديك نفعت شويه خلاص اكلم كاظم ويطلبه
كاظم / اهلا حسام ياشا
حسام / اهلا كاظم باشا لازم نتقابل النهارده
كاظم / اوك نفس المكان
حسام / ايوه وفي نفي الوقت
كاظم / اوك سلام
حسام/ لازم اسجل له احتياطي برضه ويطلب شخص ويعطيه بعض الاوامر
💮💮💮💮💮
تالا
اخذت تنظر لاياد لا تعرف ماذا تقول وهي تفكر ياه لو اتاكد انه بيحبني فعلا لو اقدر اثق فيه خايفه خايفه اثق فيه افوق علي قلم تاني المره دي مش هستحمل اي ضربه ممكن انتهي فيها بس اعمل ايه اعمل ايه وبدون شعور تبداء في البكاء لينظر لها اياد بدهشه ثم يقف ليجلس بجوارها ويمسك يدها
اياد / في ايه ليه العياط انا زعلتك ضايقتك والله بهزر مش فصدي حاجه انا عارف ومتاكد ان اخلاقك مفيش منها فتشير له براسها بالنفي طيب اعرف بتعيطي ليه في ايه احكي لي تالا
تالا / خايفه خايفه
اياد / من ايه خايفه من ايه
لتنظر تالا الي يدها / منك
اياد وهو مستغرب / مني ليه شكلي يخوف فتبتسم تالا وتهز راسها بالنفي طيب عملت حاجه انا صحيح عصبي بس بحاول مغلطش في حد او اوذي حد
تالا / مش كده خايفه منك ومن نفسي خايفه من التقرب الي بيحصل بينا
فيمسك اياد يدها مره اخري / ليه ايه الي يخوف في الموضوع
تالا / انت من عالم وانا اعتبر من عالم تاني خايفه في يوم تقول اني اتقربت منك عشان فلوسك او عشان اي حاجه تانيه خايفه اتعلق بيك تجرحني وتتذكر كيف حطمها بكلامه في لندن
اياد / انا عمري ما افكر انك تعملي كده انا واثق فيك زي ما واثق في مشاعري من نحيتك ولولا اني عايزك انت تثقي في مشاعرك كنت اتجوزتك النهارده
تالا / لا لا
اياد / تالا في ايه مش فاهم مش عايزه تتجوزيني ولا ايه بالضبط
تجلس تالا وتشرب بعض المياه / لا مش عايزه نتجوز بسرعه مش عايزه نفس وتسكت هي بتقول ايه
اياد / مش عايزه نفس ايه
تالا / نفس غلط والدتي يتكرر
اياد / اوك انا كمان مش عايز جواز الا لما تتاكدي من مشاعرك مفيش عندنا طلاق الجواز عندنا بيفضل طول العمر
فتنظر له تالا عايزه تضحك وتبكي عايزه تقف وتضربه وتقول الي عمله فيها عايزه تقول هي مين وخايفه تتكلم تخسره عايزه تهرب منه ومش قادره تبعد عنه
اياد / الوقت اتاخر تعالي اروحك ومش عايز اسمع
تفكير في ترك الشركه تاني
تالا / اياد تفتكر ممكن ثقتك فيه تتغير
اياد / ليه السؤال ده
تالا/ مفيش سؤال جه في با
شذي ومالك
ذهب مالك ليبحث عن شذي فعلم انها في النادي وعندما وصل وجدها تقف مع احد الاشخاص فاقترب منهم
كاظم / شذي اخيرا كل ده غياب
لتضحك شذي / دول يومين بس لو اياد يوافق اسافر اوربا يبقي مش هيقل عن شهر هتعمل ايه
كاظم / هسافر وراك ولو وافقتي هسافر معاك ويمد يده يمسك يدها شذي انا انا
مالك / شذي
شذي / مالك وتشد يدها من كاظم انت جيت امتي
مالك / مش تعرفيني الاول
شذي / كاظم او معرفش او نسيت باقي الاسم وده وتقف بجوار مالك لتمسك في يده مالك ابن عمي وتبتسم لمالك
مالك / واضح انك مشغوله همشي
شذي / مالك والله اقول لعمو انك مزعلني وشوف هيعمل فيك ايه
كاظم / شذي كنت عايزك في كلمه وينظر لمالك الذي يسير مبتعدا
شذي / سوري كاظم وقت تاني وتجري خلف مالك لتمسك في دراعه في ايه مالك يا ملاك
مالك / ملاك
شذي / ايوه الهانم الي كانت عمل لك العشاء بتنادي تقول ملاك
ليمسك مالك نفسه قبل ان يضحك / اوك تعال عايزك بس مش هنا
شذي / بس بشرط
مالك / ايه
شذي / فك التكشيره دي
مالك / تعال ويمسك يدها ليذهبا الي احد الاماكن الهادئه
شذي / خير
مالك / انا عايز اخد رايك في موضوع بصي انا بحب واحده وعايز اقول لها اني بحبها اعمل ايه
شذي / بتحب واحده وتنظر له بغضب
مالك / بلاش مينفعش
شذي / لا ينفع بس معرفش تقول لها ايه انا عايزه اروح
مالك / بس مش تعرفي هي مين الاول وينظر لها
شذي / لا مش عايزه اعرف حاجه وتقف
ليمسك مالك يدها ويشدها لتجلس / اهدي شذي اسف انا فعلا غبي وزودت الموضوع
شذي / يعني ايه مش فاهمه
مالك / شذي انا بحبك انت وعايز نتجوز بس مش عارف انت حاسه بايه نحيتي ساعات اقول بتحبني وتغير علي وساعات اقول لا
شذي / بتحبني انا
مالك / ايوه بصي مش عايزك تستعجلي فكري شوفي احساسك ايه وبعدين قولي ماشي لتنظر له شذي وتشير براسها بالموافقه مالك بيحبها وعايز يتجوزها
💮💮💮💮
حسام وكاظم
كاظم / اهلا حسام فكرت وقررت باين عليك
حسام / كلامك طلع صح اياد بظل ما يقع او يتهد شويه عوض الصفقه بصفقتين
كاظم / قلت لك كده المهم ناوي علي ايه
حسام / مش عارف قولي في دماغك ايه ونفكر مع بعض
كاظم / انا عارف انه اتعرض من كام اسبوع لحادث سياره
حسام / ايوه بس من يومها مش بيسوق الا قليل جدا
كاظم / مش مهم احنا نراقبه والوقت الي يسوق فيه نحدده ونخلص
حسام / بس مين الي هيعملها
كاظم / عندي اصبر يومين اجس نبضه لانه راجل بابا وارد عليك
حسام / ماشي انا همشي سلام
كاظم / سلام ويفكر احدد وقت يكون هو واخوك مع بعض اخلص منهم هما الاتنين
💮💮💮💮💮
اياد وتالا
دخل اياد الي المكتب بالشركه ليجد بعض الموظفين مع تالا التي توزع عليهم بعض الاعمال
اياد / صباح الخير ودخل غرفته وهو يستغفر الله ثم اتصل بتالا انسه تالا ممكن تحضري دقيقه فتدخل تالا مكتبه
تالا / صباح الخير
اياد / مين الموظفه ام شعر لميع دي
تالا وهي تداري ضحكها / دي صافي خير
اياد / متجيش المكتب هنا تاني بدل ما افصلها مفهوم
تالا / ماشي بسال اعرف ليه
اياد / لان لبسها مش لبس شغل وعشان مش هدخل في لبسها يبقي تبعد عن عيني فهمتي
تالا / فهمت حاجه تانيه
اياد / البوسته وقهوه واصرفي الجميع عشان اعرف اشتغل
تالا / حاضرر وتخرج لتنظر لصافي لتجد انها ترتدي جيبه جلد فوق الركبه وبدي غريب فتصرف الجميع لتفكر يعني الباشا بيبص بس من غير ما حد يحس ماشي هلبسك نظاره انا قريبا وتدخل له
اياد / انصرفوا
تالا/ ايوه لتشاهد اياد يقف مره واحده ويذهب للباب فيغلقه ثم ينظر لها
اياد / صباح الخير توتي وحشتيني
تالا / ها وتنظر له بدهشه
اياد / مفيش صباح النور
تالا / ايوه صباح النور
ليجلس اياد علي طرف المكتب امامها /تعرفي انا زعلان من بابا وماما قوي
تالا / الله يرحمهم بس ليه
اياد / عشان اسمي مالوش دلع هتدلعيني ازاي الان
تالا / ها
اياد / هو كل كلمه ها وتفتحي فمك كده خير
تالا / مفيش مفيش ويحمر وجهها بس مكنتش اتصور انك انك
اياد / هبقي خفيف وحلوه كده
فتضحك تالا/ لا اقصد رومانسي في الشغل كده
اياد / انا رومانسي عشانك انت مش عشان اي حد
ومعاك انت بس
تالا / طيب هقوم عشان لو حد جه
اياد / لا انا وهنا يسمع صوت عمه فيقف مره واحده ويبعد عن تالا
صلاح / صباح الخير تالا اياد
تالا / صباح النور وتخرج وتتركهم
اياد / صباح الخير عمو حصل حاجه
صلاح / كنت عايزك في موضوع ايه رايك في احمد منصور
اياد / احمد ماله وراي فيه من جهه ايه
صلاح / هقول لك ويحكي له عن طلب احمد لنسرين
اياد / عمو انا اعرف احمد تقريبا من عشر سنين والحقيقه في الفتره دي مشفتش عليه عيب راجل وجدع وبيحب الحق ولو علي نفسه
صلاح / يعني
اياد / يعني احمد اي واحد يتمناه لبنته او اخته والي اعرفه انه مبسوط ماليا مش الشركه بس لا اظن والده تارك لهم ميراث صغير وبيت له فيه شقه
صلاح / شقه في بيت اهله
اياد / المهم هو وهي يعني لازم تعرف نسرين عايزه ايه
صلاح / جيهان كلمتها وتقريبا نسرين مياله له
اياد / خلاص وافق عمو علي بركه الله
صلاح / خلاص اكلمه بس عشان ميقولش مستعجلين عليه هحدد معاه ميعادبعد اسبوع يحضر هو ووالدته ونشوف هترسي علي ايه الي ربنا رايده هيكون
اياد / باذن الله عمو
صلاح / قولي اخبار الضلعين الي كانو مكسورين ايه
اياد / الحمد لله خفوا بس الي مضايقني موضوع الذاكره نفسي افتكر حصل ايه في السنه دي
صلاح / بص انت في السنه دي كنت ديما في مصر يعني مسافرتش الا ثلاث مرات المانيا وايطاليا ولندن ايطاليا معروف طبعا كنت عند جوزيف
اياد / مش فاهم تقصد ايه عمو
صلاح /اقصد ان اغلب حركاتك كانت مع ناس تعرفك كويس لو في حاجه غلط اووحشه لا قدر الله كان زمان الكل عارفها ماشي متفكرشوتشغل مخك كتير ويتركه وينصرف لتدخل تالا بعد فتره فتجد اياد يجلس وهو يضع راسه بين يديه فتقترب من وتضع يدها علي كتفه
تالا/ مالك الاستاذ صلاح ضايقك قال حاجه تزعلك
فيلتفت اياد ويمسك يدها / لا بس تعبان تعبان عايز اعرف اما بهرب من ايه
تالا / مش فاهمه
اياد / انا قلت لك الدكتور قال فقدان الذاكره هروب من حاجه حصلت مش عايز اتذكرها معني كده اني عملت حاجه اذيت حد ضريت حد بس ازاي وليه ومين
فتنظر له تالا ولا تعرف ماذا تقول لاول مره تفكر في معني كلامه لو بيهرب بفقدان الذاكره من الي حصل في لندن معني كده ان ضميره تعبه يعني نظرتها كانت صح اياد من النوع الي يحاسب نفسه جامد طيب المشكله كده اتعقدت لو افتكر مشكله ولو فضل ناسي مشكله لو عرف هي مين او معرفش لو ولو تعمل ايه
اياد / نفسي افتكر بحاول بحاول قبل ما انام بفكر وافكر مبفتكرش والنوم بيضيع المره الي نمت فيها حلمت حلمت اني بصرخ انا مش زيه مش زيه هو مين مش عارف
لتشاهد تالا تجمع العرق علي جبينه وبدايه شحوب وجهه / شوف نستني انا كنت جايه ليه
اياد / خير وينظر لها باستغراب الا تهتم بكلامه
تالا / كنت عايزه اطلب منك طلب صغير
اياد / اطلبي لو حياتي
تالا / لا لا مش قوي كده سمعت ان في مطعم هندي فتح في المول الي جنبنا وكنت عايزه اطلب بس مش بحب اكل لواحدي
اياد / عايزه اكل معاك
تالا /ايوه بس انا ادفع
اياد / الاكل اه الدفع لا
تالا / بس وتنظر له لتجد انه بداء يرجع لحالته العاديه فتحمد الله
اياد / مفيش بس اطلبي وخليه بسرعه ويقف ليدخل الحمام ثم ينظر لها ويبتسم
💮💮💮💮💮
احمد
احمد / استاذ صلاح اهلا وسهلا
صلاح / ازيك احمد
احمد / الحمد لله بس في حاجه حضرتك يعني
صلاح / لا ابدا بس كنت عايز اتكلم معاك
احمد / ايوه دقيقه اطلب لحضرتك قهوه شاي
صلاح / لا لا مالوش لازمه اقعد بس
احمد / مش ممكن ويطل قهوه ثم يجلس نعم
صلاح / انت كنت كلمتني عشان نسرين
احمد / ايوه حضرتك قلت لما تسالها
صلاح / انا مش هكدب عليك نسرين موافقه واياد بيشكر فيك جدا بس. برضه ده مش يمنع اننا لازم نقعد الاول ونتفق مع اهلك قبل ما يكون في اي حاجه رسمي
احمد / طيعا طبعا انا اجيب ماما واختي ونحضر في الوقت الي حضرتك نقول عليه
صلاح / خلاص يبقي يوم الجمعه كمان خمسه ايم بعد المغرب باذن الله
احمد / باذن الله
💮💮💮💮💮
اياد
اياد / صباح الخير
تالا / صباح النور وتدخل خلفه
اياد / في حاجه مستعجله
فتنظر له تالا باستغراب فهو لا ينظر اليها كما انه لا يبتسم وبتعامل بطريقه غريبه / لا مفيش
اياد / طيب لو احتجت حاجه هطلبك
لتنصرف تالا وهي غير مصدقه لطريقه اياد ماذا حدث ويجلس اياد ليضحك بعد خروج تالا فهو اراد ان يلاعبها قليلا ليسمع صوت بالمكتب الخارجي فيخرج ليجدها تستلم الورد الذي طلبه لها وبعد انصراف المرسال يجدها تحضن الورد وتضحك وتلتفت لتجده في وجهها
اياد / لمين الورد
تالا / لمين يعني ايه
اياد ط يعني الورد ده جاي لمين ومين الي بعته
تالا / ليه مش انت الي بعته وتبعد عنها الورد
لينظر لها اياد وعندما يجد انها بدات تقلق يضحك / عجبك
تالا / اوف كده وتنظر له لتجده يضحك فتبتسم ايوه عجبني بس كان مالك ومناسبه الورد ايه
اياد /الورد شكر عشان امس لما قدرت بطريقتك تبعديني عن التفكير الي بيتعبني
ليحمر وجه تالا / انا وتفكر انا بعدتك مش عشانك عشان خايفه تعرف الحقيقه
اياد / انت ايه انت مش عارف اعبر انا حاسس بايه بالنسبه لك الان تعرفي انا كنت خاطب قبل كده
تالا / هايدي وتصمت لتنظر له بخوف
اياد / ايوه جني مش بتبطل رغي عنها بس عمري ما حسيت ان انا وهي بنفكر او نحس مع بعض زي ما بحس معاك
تالا / اياد انا لازم اقولك حاجه
مالك / صباح الخير تالا اياد عايزك ضروري
اياد / في ايه عامل كده ليه
مالك / هو شذي قالت لك حاجه
اياد / تعال زينظر لتالا نكمل كلام بعدين ويدخل خلف مالك خير ايه منظرك ده حصل ايه
مالك / مردتش علي ليفاجاء باياد يضحك فينظر له بغضب انت ايه مفيش في قلبك حنان او عطف
اياد / يعني اعمل ايه اطبطب عليك مثلا طبعا الي بتحكي عنها شذي
مالك / لا تالا وينظر لاياد
اياد / اتلم عشان مزعلكش
مالك / يبقي تفوق معاي هي قالت لك حاجه
اياد / ياريت لا مقالتش
مالك / كابتن انا اقصد شذي
اياد / ايوه ايوه لا مقالتش بس رجعت مسهمه وقفلت علي نفسها الباب ليفتح بابا المكتب مره واحده
شذي / اياد اياد وبدون ان تشاهد مالك تجري علي اياد وتقف تالا علي باب المكتب لا تعلم ماذا تفعل
اياد وهو يحضن شذي / خير خير حصل ايه
شذي / مالك بيحبني وعايز يتجوزني وانا انا وهنا تلتفت فتشاهد مالك لتسكت وتخرج تالا بدون صوت
مالك / انت ايه مش بتحبيني انا زي اياد او ايه لازم اعرف انا بالنسبه لك ايه
اياد / اهدي واتكلم بالراحه ثم ينظر لشذي بصي احنا عرفنا مشاعر مالك عايزين مشاعرك انت ليفاجاء بها تقترب من مالك وتمسك يده
شذي / انا مش هكذب عليك انا عمري ما فكرت في حاجه زي كده يعني
مالك / خلاص فهمت ويقف ليجد ان شذي تشد علي يده
شذي / اسمعني للاخر
اياد / اقعد مالك وينظر له بغضب لاول مره من عشر سنوات يشاهد الضعف والخوف في عيون شذي نظره لم يراه الا يوم دفن والده ووالدته ويومها اقسم الا تظهر في عيونها مره اخري
شذي / انا كنت لسه هقول لاياد انا مش عارفه حاجه مشاعري كلها ملخبطه مش عارفه احدد انا عايزه ايه انا بس عايزه وقت يومين تلاثه افكر اهدي واعرف انا عايزه ايه
ليمسك مالك كتفها / الموضوع مش محتاج تفكير الموضوع محتاج مشاعر احاسيس ده بالذات مش بيتحسب بالعقل
ليقف اياد وكد بداء يتعصب / مالك انا قلت لك مش تضغط عليها مستعد تنتظر الكام يوم اوك مش مستعد يبقي انت حر
مالك / اياد بلاش تهددني او تضغط علي وسنظر كل منهم للاخر بغضب لتدخل تالا
تالا / خير في ايه صوتكم سمع الشركه كلها وتنظر لشذي لتجد انها تبكي فتقترب منها لتحضنها بدل ما تتخانقوا مع بعض كنتم اهتموا بها لينظر الاتنين لشذي
اياد وهو يركع بجوارها / شذي خلاص خلاص الي انت عايزاه بلاش عياط
مالك / اسف شذي الي يريحك هعمله اهدي
شذي / انا مش عايزه تخسروا بعض بسببي فيحضنها اياد
اياد / انت عارفني انا ومالك لما نعصب او نضايق نقول اي حاجه بس مش بنقصدها ليلاحظ نظرات الدهشه من تالا
مالك / اقولك تعالي اجبلك ايس كريم من الي بتحبيه ماشي
شذي / طيب اغسل وجهي وتجري للحمام لينظر الجميع خلفها بدهشه
اياد / اسمعني ابن عمي او مش ابن عمي خليها تعيط تاني اموتك سمعت
مالك /بدعي انك متغلطش في حد جامد عشان مش هتعرف تحاسب نفسك
اياد / لا احاسبها مالك بس بحاول اني موصلش للمرحله دي
شذي / انا جاهزه وتحضن تالا واياد وتخرج مع مالك
تالا/ ليه مالك بيقول متغلطش في حد
اياد / لان الي بيغلط في او في حد بحبه مش بسامحه عشان كده لو غلط مش بتوقع المسامحه لازم اتحمل نتيجه غلطي
تالا / طيب لو غلط والي غلط فيه سامحك
اياد / المهم انا اسامح نفسي توتي مالك جه قطع كلامنا علي ما اتذكر كنت هتقولي لي حاجه
تالا / نسيت نسيت هشوف الشغل وتخرج جري
