احمد
ما كاد يصل هو ووالدته ومايا الي المنزل حتي كاد ان ينفجر من الغيظ اياد اياد يتهمه بالخيانه لا ويلمح لانه علي علاقه بتالا ويضحك بسخريه في حين ان اياد هو الندل الي لعب عليها في لندن ليقف مره واحده وينظر لمايا ووالدته
احمد / كنتم عارفين ان تياد هو جوز تالا صح
امال / ايوه انا شكيت من الاول الاسم مش منتشر قوي عشان كده خليتك تشغلها عندهم في الشركه
احمد / ليه
امال / عشان نتاكد وكمان اشوف لما يعرفها هيعمل ايه مكنتش اتوقع انه هيكون فاقد الذاكره
مايا / انتم في ايه تالا مش هنا ومش بترد علي التليفون
احمد / هوصل لحد بيتها اشوف وارجع وينظر لوالدته انتظريني عايزك
امال / طيب وتفكر الموضوع اتفشكل من عند ربنا بس كلام صلاح الاخير ونظرته مش مطمناني يا تري ناوي علي ايه وبعد فتره
احمد / مفيش حد هناك
مايا / طيب هتكون فين
احمد / بالتاكيد راحت الشقه الي اجرتها وشكلها ناويه تستمر مع اياد
مايا / هي بعد رحله شرم اتغيرت كتير من جهه اياد الاول كانت شويه تميل له وشويه تفتكر الي حصل بس بعد شرم نست الي حصل خالص
احمد / هبله لو كانت قالت لي انه اياد كنت
امال / كنت ايه وبصفتك ايه انتم ناسين انها صديقه مش قريبه لنا
مايا واحمد / ماما
امال / دى الحقيقه تالا معرفه واظن هي حست انها لازم تعتمد علي نفسها بقي خلاص سبوها تعيش براحتها
مايا / مش ممكن انا حاسه انك من فتره مش عايزاها بس الان اتاكدت اعرف ليه
احمد / الاول قبل ما ماما تقول مصدعه وعايزه تنام انت تعرفي صلاح فهمي ومراته منين
امال / عرفت ازاي اقصد اعرفهم ازاي وتنظر لاحمد ومايا بقلق
احمد / ماما طول عمرك مش بتخبي حاجه عني انا ومايا واتعودنا برضه مش نخبي حاجه عنك
امال / هو مفيش حاجه اخبيها اصلا
احمد / ماما انا شفت نظراتك لهم وخوف الاستاذ صلاح اول ما شافك وقلقه في ايه
امال / انت هتحقق معاي يا احمد انا هقوم انام وتدخل غرفتها وتغلق عليها الباب
مايا / ماما متغيره قوي
احمد / من يوم ما قلت لها اني عايز نسرين مش عارف في ايه
مايا / انا خايفه علي تالا قوي
احمد / الصبح هكلف اتنين من الشركه بالبحث عنها ويصعد لشقته ليتصل بنسرين
نسرين / احمد اخيرا
احمد / اسف نسرين رحت ابحث عن تالا
نسرين / ايه هي مش عندكم
احمد / لا. المهم انت عامله ايه
نسرين / متلخبطه خايفه تبعد عني ومش مصدقه ان اياد يعمل كده
احمد / عمري ما ابعد عنك وبلاش سيره زفت عايز اضربه
نسرين / عشان تالا
احمد / تالا زي اختي وكل ما اتصور الي اي اعمله اغلي وكمان الكلام الي قاله انا خاين واني
نسرين / اهدي امال صديقه ازاي المفروض انك عارف طبعه لما بيعصب مش بيحس بالي بيقوله
احمد / عارف بس عارف كمان انه بيتحكم في نفسه جامد ليسمع نسرين تضحك بتضحكي ليه
نسرين / كل الرجاله نظرتهم ضيقه
احمد / يعني ايه
نسرين / اياد لما عرف ان تالا بنت الاباصيري اتجن من قوه حبه لها مقدرش يتحكم في نفسه عايزها وبيحبها وفي نفس الوقت هي بنت عدوه بيبعده عنها عشان كده مخه ضرب وطبعا لما هي قالت موضوع لندن اتزانه اتهز وده مخوفني قوي
احمد / ليه
نسرين / انت عارف اياد بيحاول ديما انه مش ياذي او يضر حد برئ وموضوع انه مش بيسامح بسهوله كل ده هياثر معاه بعد ما افتكر الي عمله في تالا واكيد ده سبب فقدانه للذاكره
احمد / ياه كنت نسيت الموضوع ده ايو بالتاكيد ضميره مستحملش فهرب من الواقع بفقدان الذاكره
نسرين / تفتكر ممكن يعمل ايه
احمد / هيختفي ويتذكر حديثه مع اياد مره عندما ساله لو ظلم حد هيعمل ايه فقال له اياد مش هقدر اواجه نفسي افضل اني اختغي ومش اشوف نظره انكسار في عين الي بيحبوني
نسرين / يعني ايه فيحكي لها احمد ما تذكره
احمد / اياد مش هيقدر بستحمل يشوف انكسار نفسه في عين شذي والاستاذ صلاح وكمان لو بيحب تالا فعلا هيخاف من نظرتها له هيفضل انه يبعد عن تلكل
نسرين / بس ده جبن واياد مش جبان
احمد / هو مش جبن قد ما هو كسر له انه ديما واضع اشياء مثاليه زياده وعايز يعيش علي اساسها وده صعب عموما هكلف ناس تبحث عنه المهم انا وانت هنعمل ايه
نسرين / معرفش بس الي انا متاكده منه اني مش هكون لحد غيرك
احمد / بحبك نيسو
نسرين / وانا كمان
💮💮💮💮💮
مالك وشذي
شذي / انا خايفه
مالك / خايفه من ايه بس
شذي / خايفه من الي ممكن اياد يعمله النهارده اكتشف حاجات كتير وكلها صعبه ومش سهل تقبلها
مالك / وانت متصوره ان اياد ممكن يعمل ايه
شذي / لا مش كده انا بس خايفه يبعد انت عارف اياد مش سهل يسامح والنهارده اتصدم في معرفه والد تالا واتصدم اكتر لما افتكر الي هو عمله
مالك / يعني انت مصدقه كلامها وان اياد فعلا اتجوزها وعمل كده
شذي / ايوه كلامها يبرر حاجات كتير طريقتها مع اياد في شرم عايزه تقرب منه بس خايفه اظن كانت خايفه انه يلعب بيها تاني
مالك / وليه متقوليش انها كانت بتلعب باياد عشان ترد له الي عمله صعب اقتنع انها سامحت اياد
شذي / لا احساسي بيقول انها بتحبه فعلا وسامحته ليه الله اعلم الخوف من اياد ممكن يسامح نفسه بعد الي عمله فيها
مالك / مفيش غير شخص واحد ممكن يخلي اياد يسامح نفسه
شذي / مين
صلاح / تالا
ليقف مالك / بابا احنا كنا بنتكلم
صلاح / عارف وعارف قد ايه انت بتحافظ علي شذي انا سمعتكم صدفه
شذي / بس عمو انا مفهمتش
صلاح / تالا الوحيده الي ممكن تخلي اياد يسامح نفسه حبها له وتمسكها به هو ده الحل الوحيد
شذي / بس اياد مش هيديها فرصه عمو اولا عشان موضوع انها بنت الاباصيري ثانيا ما اظنش انه هيقدر يواجهها
صلاح / هي دي المشكله فعلا. ربنا يحلها بس انت معاك نمرتها
شذي / ايوه
صلاح / طيب هاتيها ومش تقولي لحد وينظر لمالك الذي يبتسم وهو يشير انه سر وبعد انصرافه
شذي / تفتكر عمو هيعمل ايه
مالك / بابا متفكريش معاه خالص
💮💮💮💮💮
صلاح
جلس كل من فريد ومالك ونسرين مع صلاح في مكتبه
مالك / اياد اختفي ومش بيرد علي التليفون نهائي
نسرين / وتالا كمان حاولت اكلمها مش بترد
لينظر صلاح لفريد / وانت مش هتقول حاجه
فريد / لا عمو تقريبا انا لسه في صدمه ان بنت الاباصيري بتشتغل هنا وكمان متجوزه اياد
صلاح / لما انت عرفتها ليه مقلتش لي علي طول
فريد / الاول قلت اسالها اياد عارف هي مين والحقيقه هي صعبت علي
مالك / ليه
فريد / عارف انت فاكر اني اعرف الي حصل في لندن بس والله اول مره اعرفه اول امس اما صعبت علي عشان كان واضح تعلقها باياد قلت اعطيها فرصه هيتقول له يمكن يسمعها بهدواء
نسرين / طالما انت مقلتش له عرف ازاي
ليدخل احد السعاه مره واحده / استاذ صلاح الحق حسام بيه بيزعق مع الانسه تالا فوق
صلاح / ايه وينظر الجميع لبعض ثم يجروا لمكتب اياد
حسام / انت ازاي تيجي هنا انت بجحه قوي هاتي مفتاح المكتب واخرجي بره
تالا / مفتاح المكتب الجديد ولا القديم
حسام / يعني ايه
تالا/ انا غيرت مفتاح المكتب والخزنه ومش هديهم غير لاياد
حسام / انت انت
صلاح / في ايه
نسرين /تالا انت كويسه مش بتردي علي التليفون ليه مايا واحمد هيموتوا من الخوف عليك
حسام / انت بتقولي ايه ويقنرب من نسرين ليقف مالك في طريقه
صلاح / حسام وينظر له بغضب ثم ينظر للعاملين المتجمعبن كل واحد علي مكتبه مفيش شغل ولا ايه وبعد انصراف الجميع ينظر لحسام في ايه
حسام / بابا انت عارف دي بنت مين ازاي تدخل المكتب وتستمر فيه لازم تطرد وتسلم كل الورق الي معاها
تالا / وبرضه انت عارف انا مرات مين لينظر لها الجميع باستغراب ايوه انا مرات اياد مش همشي الا في حاله واحده هو يطلب مني ده يظهر امامي ويطردني
حسام / انا هشدك وارميك بره الان ويتقدم منها ليفاجاء الجميع بوقوف فريد امام حسام
فريد / نزل ايدك احسن اكسرها
حسام / انت اتهبلت فريد دي بنت الاباصيري
فريد / مش مهم عندي المهم انها مرات اياد محدش هيمد ايده عليها سمعت لو علي الشغل عمو يباشر كل حاجه من مكتبه ومفيش ورق يتعرض عليها لحد ما اياد يظهر
صلاح / عليك نور فريد حسام علي مكتبك كل واحد يشوف شغله ويخرج الجميع ويتركوا تالا بمفردها
💮💮💮💮💮
حسام وكاظم
كاظم / خير طلبتني ومصمم نتقابل ليه
حسام / يعني في حاجات جديده عرفتها قلت. لازم الاتفاق يتغير
ليفكر كاظم ياتري عرف ايه عرف اني ناوي اصطاد اخوه مع اياد ولا ايه / عرفت ايه
حسام / عرفت ان اختك تبقي مرات ابن عمي
كاظم / تالا عرفت ازاي طيب عرفت مكانها انطق
فيفكر حسام يعني كلامها صح وهي ملهاش علاقه بطاهر وكاظم
كاظم / سرحت في ايه
حسام / مفيش عرفت وخلاص
كاظم / وانت عايز ايه
حسام / اسمع لو اياد مات اختك هيكون لها ربع اسهمه في الشركه هو له حوالي اربعين سهم يعني هيكون لها عشره اسهم وكده انتم ممكن تخربوا الشركه ويبقي انا مستفدتش حاجه
كاظم / تصدق اول مره افكر في اسهم اياد عموما اكتب لك تنازل عنهم
حسام / ضحكتني دول بتوع اختك لا اكتبي شيك بتمنهم
ليضحك كاظم / اهبل انا اكتب لك شيك٠بتمنهم يعني كام مليون وبعدين اول ما قريبك يموت سعر الاسهم هيكون في الارض ممكن اشتري كل الاسهم الي في السوق
ليقف حسام / فكر ورد علي انا عايز ضمان لي مش اشتغل معاك وبعد كده اطلع من المولد ببلاش سلام
ليفكر كاظم لا هتطلع بالاعدام طبعا بس اخطط البسها لك ازاي وساعتها انهي كل حاجه
حسام / الو مساء الفل برنس عايز اطمن كله متسجل
البرنس / ايوه يا باشا انا برسل لك التسجيلات اول باول
حسام / اوك
💮💮💮💮💮
اياد
لم ينام من ثلاث ايام كل ما يضع راسه يتذكر ما حدث في لندن ونظرات الانكسار والاشمئزاز في عيون تالا هو عارف انه غلط لا مش غلط هو هو ايه وباي حق بيقول علي احمد خاين لما احمد خاين هو يبقي ايه الصداع الصداع يخرج زي كل يوم يجري يمكن يتعب وينام
......./ انت نسيت اختك والشركه ومسئولياتك انت ضحيت بكل حاجه عشان اختك والشركه
اياد / اعمل ايه مش قادر ازاي ابص في عيون شذي بعد ما عرفت ان اخوها ندل
....../ مع بنت الاباصيري متبقاش ندل تبقي رديت الضربات نسيت انه السبب في كل البلاوي موت والدك ووالدتك وابنه الشبب في موت خالك وهايدي
اياد / بسسسسس ييقي انتقم منه هو وابنه انما هي عملت ايه ولو كلامها صح وطول عمرها عايشه مع جدها يبقي كده انا اسواء من كاظم وابوه
......../ويمكن كلامها كذب وتمثيل في تمثيل
اياد / لا ويجلس ليتذكر كل شئ فيتذكر كلمتها في لندن انها مكنتش مع طاهر قبل سته شهور وانه ميعرفش حاجه عنها ويتذكر كيف كانت تحكي عن جدها في شرم ثم يتذكر يوم ما تركت منزل احمد قالت ان جدها طلب منها تقيم مع وقطعت الكلام ليه ميكنش جدها الي طلب تقيم مع طاهر وهنا يرن تليفونه ليجد انه فريد
اياد / خير فريد احنا مش اتفقنا متتصلش بي
فريد / اياد الموضوع مهم لازم ترجع الان
اياد / حصل حاجه شذي كويسه وعمي
فريد / ايوه ايوه كويسين بس ليسمع اياد صوت عمه كنت متاكد انك عارف مكانه
صلاح / اياد اسمعني كويس مراتك في المستشفي محدش بيغصبك علي حاجه خد وقتك وارجع لما نفسيتك ترتاح
اياد / مراتي
ليضحك صلاح / انت نسيت اقصد تالا ويغلق الخط
اياد تالا في المستشفي طيب ليه اروح ولا اعمل ايه ازاي اوريها وشي ازاي اقابلها
/ انت ناسي حاجه مهمه انت الي كنت فاقد الذاكره هي كانت عارفه انت مين ومع ذلك حبتك تاني بلاش تكون ندل اكتر من كده ليقف ويجري الي السياره وهو يتصل بفريد ليعرف اسم المستشفي ليصل باقصي سرعه ليجد الجميع بالمستشفي
اياد / في ايه حصل ايه
شذي / اياد وتجري اليه لتمسك في رقبته
اياد / هششش خلاص خلاص انا هنا حد يقولي في ايه
صلاح / انا قلتلك مراتك تعبت شويه يعني كان ممكن متتعبش نفسك وتيجي
اياد / مش فاهم
احمد / هي تالا تهمك في حاجه دي واحده بتستعملها عشان غرض وبعدين ترميها خليك في نفسك مع السلامه
ليقترب منه اياد ويشده من قميصه / اسمعني انا سكت علي الضربه عشان عمي انما الان ممكن اتصرف اي تصرف انت ايه علاقتك بتالا عشان تكلمني من الاصل
مالك / اهدي اياد وانت احمد احنا في مستشفي
امال / احمد تعال نروح شوف اختك وتعال خلاص تالا لها جوز مسئول عنها
احمد / لا مش هروح تالا زي مايا ومهما قال او عمل مش هتركها الا لو هي قالت
ليخرج الدكتور / خير يا جماعه صوتكم وخناقكم عالي وبياثر علي المرضي
اياد / مالها تالا دكتور
الدكتور وهو يتذكر وعده لها / مفيش شويه ارهاق
اياد / ممكن اشوفها
الدكتور / الاقارب فقط انت مين
اياد / جوزها
الدكتور / طيب بس مش تتعبها وخمس دقايق فقط وينظر للاخرين ممكن الكل ينصرف مفيش زياره الا غدا
مايا / ممكن انام معاها
نسرين / لا انا هفضل معاها
شذي / لا انا
اياد / كله يروح انا هفضل لينصرف الجميع مع تبادل نظرات بين اياد واحمد
فريد / خفت لو مقلتش لك تزعل
اياد / لا عملت صح انتظر ابص عليها وبعدين تحكي لي الي حصل
تالا
اخذت تفكر تعمل ايه الان الوضع كل يوم بيكون اسواء تلجاء لمين طنط امال لا مش ممكن هي متغيره من فتره طيب مين وتنظر حولها طيب مين الي قال للكل انها تعبت حصل ايه ومين الي نقلها هنا لتسمع طرق علي الباب وتشاهد اياد يدخل الغرفه فتنظر له بذهول / انت
اياد / اسف عارف انك مش عايزه تشوفيني بس اطمن انك خرجتي وامشي متعرفيش انا خفت انك تكوني ويصمت مره واحده
تالا / مش عايزه اشوفك، تطمن ، اني اكون ايه وتحاول الجلوس
اياد /انتظري ويعدل لها السرير انا هجلس في الغرفه الاخري
تالا/ اياد اسمع
اياد / تالا بلاش نعاتب بعض انا الي غطان من الاول وايا كان الي عملتيه ده حقك ويقترب من الباب
تالا / لو خرجت هقوم واجي خلفك
لينظر لها اياد لاول مره منذ دخوله ليفاجاء بشحوبها / طيب خلاص الي انت عايزه بس اهدي اعمل ايه
تالا/ بص اجلس ونتحدث شويه
اياد / بس الدكتور قال تنامي
تالا/ لو نمت انت هتختفي
اياد / لو وعدتك اعمل الي انت عايزاه تنامي
تالا / وعد مش تختفي نتكلم قبل ما ولدهشتها تبداء في البكاء ليقترب منها اياد وبدون شعور يحضنها
اياد / خلاص وعد مش هروح في مكان وهنكلم في كل الي انت عايزاه بس اهدي
تالا / طيب بس سؤال انا جيت هنا ازاي
اياد / مش عارف فريد كلمني وقال انك هنا جيت عموما هنعرف لما يحضر غدا نامي بقي وجلس هنا ويشير لكرسي في الحجره
تالا / ماشي وتغمض عينيها لتفكر يا تري لما يسمعها ممكن الامور تتحل ممكن يصدقها ممكن حبهم يغفر الخطايا لتنام وهي تحلم
💮💮💮💮💮
