الحاضر
صلاح
انتهي صلاح من الحديث واخذ ينظر لمن في المكتب فريد الذي ينظر لاياد بذهول ثم مالك المغمض عنيه يفكر لينقل نظره الي احمد ليشاهد اصفرار وجهه وزهوله ثم تالا التي شحب وجهها وتبكي بصمت واخيرا اياد ليجد انه الوحيد تقريبا الذي لا يظهر اي شئ عليه ليفاجاء به
اياد / مش فاهم ايه بقي سبب العداوه والخصام وايه الي حصل
صلاح / في حاجات انا حكيتها بس معرفتهاش الا بعد وفاه محمد من اوراق لقيتها ومن تحريات عملتها انا وشاكر
احمد / زي ايه
صلاح / اغلبها خاصه بتصرفات طاهر انما محمد وعزمي كل الي اتحكي هو الي حصل فعلا
تالا / طيب انا
صلاح / الي عرفته ان والدتك الله يرحنها تعبت جامد بعد والدتك وتوفت بعدها
احمد / بس مش فاهم ايه الي حصل لبابا وليه ماما واخده منكم موقف ويحمر وجهه وهو ينظر لصلاح
صلاح / الي حصل واعرفه ان عزمي سافر تاني يوم اسكندريه وراح الجمرك والظهر اتصل بمحمد الي كنت عنده ساعتها وسمعت عزمي بيصرخ ان شك محمد في طاهر طلع صح ولما يرجع هيفهم محمد كل حاجه بس للاسف مرجعش عمل حادث وهو راجع وتوفي هو وسائق السياره
احمد / تفتكر انه اتقتل
صلاح / الله اعلم
اياد / وبعدين حصل ايه
صلاح / حصل فضيحه عشان الشركه فضلت الجمارك قفله علي البضاعه الي نزلتعا شركه اجنبيه وملت بها السوق طبعا شركه محمد وعزمي وطاهر اعلنت الافلاس واتحجز علي الشركه واتصفي اعمالها وينظر لاحمد بخصوص والدتك ممكن انا الي زودت كرهها لينا بس غصب من عني
احمد / مش فاهم
صلاح / بعد اتتها الازمه ومرور سته اشهر رحت لمحمد واقنعته اني ماليش في شغل الصاغه وكنت بمارسه عشان الحاج الله يرحمه وعشان كده صفينا المحل وبعناه والفلوس عملنا بيها الشركه الموجوده حاليا بس بعد ما عملنا الشركه بشهر حضرت والدتك وانت معاها واختك علي ايدها وعملت فضيحه في الشركه اتهمت محمد انه استولي علي فلوس عزمي وحقه في الشركه الي انتهت وانه ممكن يكون السبب في موته كمان
احمد / ايه
صلاح / محمد حاول يفهمها وبرضه مفيش فايده لما لقيت محمد بداء يتعب امرت اللمن يخرجوها من الشركه وينظر للارض
فريد / طيب عمو وطنط فاطمه حصل لهم ايه
صلاح / الشركه اشتغلت فتره كويس قوي وخاصه ان انا ومحمد اشتغلنا في اعمال منوعه استيراد ومقاولات وفضل الحال كده فتره وطبعا انا كان بقي معايا حسام ومالك ونسرين وفاطمه ربنا كرمها وخلفت شذي بعد عشر سنين وفي يوم اتعمل شركه اجنبيه بعد الانفتاح كل شغلها انها تدخل المناقصات ضدنا موت عزمي ومشاكل الشركه الاولي كان سبب لمحمد ازمه قلبيه وطبعا لما ظهرت المشاكل تاني تعب جامد وفي يوم فكر هو فاطمه يسافروا يغيروا جو في الفيوم وكانوا هياخذوا شذي بس تعبت الداده خلتها معاها وهما سافروا وحصل الحادث صدفه او بفعل فاعل محدش يعرف
اياد / بس الشرطه قالت ان العربيه كان ملعوب في الفرامل بتاعتها يعني بفعل فاعل
صلاح / ماشي بس مين
ليضحك اياد بسخريه / طبعا معروف مهو مفيش غيره
صلاح / اياد اهدا
مالك / بس بابا المعلومات الخاصه بطاهر عرفتها ليه اقصد ان كله منه
صلاح / بعد وفاه محمد وجدت في خزنه الشركه اوراق وتحريات هو كان عاملها وشاكر اخو فاطمه كان ارسل له تاكيد ان صاحب الشركه الاجنبيه سواء الي نزلت البضاعه ايام الشركه الاولي او الشركه الي بتنافسنا هو طاهر وكان وينظر لتالا باسوجدت جواب من طاهر بعته بعد تصفيه الشركه الاولي فيه بيقول لمحمد ان ده طجرد قلم فاطمه له ورفضها له ورد لوقوف عزمي مع محمد اما قلم محمد فلسه رده في السكه
ليقف اياد / جبان سافل لازم اموته
ليمسك فريد به / اهدا ويجذبه خارج المكتب والشركه لينظر صلاح واحمد ومالك لتالا التي تقف
تالا / انا هروح
احمد / لوحدك مينفعش
تالا / لا انا عايزه اكون لواحدي
صلاح / مالك وصل تالا وانا هروح لوحدي
مالك / تعال ويهبط معها
ينظر صلاح لاحمد / انا طبعا مقدر انك عايز وقت فكر هتعمل ايه وخاصه في موضوع نسرين بس الي اطلبه ترد عليا بقرارك عشان اتصرف
احمد / هو
صلاح / فكر يا بني وبعدين نتكلم
احمد / هوصل حضرتك
صلاح / مالوش لازمه
احمد / لا طبعا لازم اتفضل
💮💮💮💮💮
اياد وفريد
انطلق اياد بالسياره لينظر له فريد بقلق فالاول مره يري اياد لا يتحكم باعصابه ويقود بمثل هذه السرعه
فريد / اياد هدي السرعه شويه
اياد / ازاي ازاي اعمل ايه دلوقتي ليشعر بيد تلامس ذراعه فينظر ليجد فريد
فريد / بقول هدي السرعه انت بتكلم نفسك
اياد / هتجن يا فريد هتجن
فريد / طيب بس وقف ونتكلم ممكن تهدي او تفكر احسن
ليقف اياد علي جانب الطريق وينظر لفريد / افكر في ايه بعد كلام عمي مفيش تفكير انا انا متجوز بنت الي قتل ابويه وامي ويضرب في بابا السياره بيده
لينظر له فريد وهو يفكر مشكله فعلا هو عارف ان اياد بيحب تالا ونظراتها له كلها حب بس هل الحب ممكن ينسيه ان طاهر الي قتل والدته ووالدته بس وينظر لاياد / بس عمو قال ان محدش متاكد
اياد / مش شرط يكون في تاكيد تصرفاته هي الي وصلت بابا وماما للموت
فريد / بس انت كنت عارف من الاول انه بيحارب عمو الله يرحمه ومع ذلك وافقت انك ترجع لتالا
لينظر له اياد / افهم يا فريد في فرق بين انه بينه وبين والدي منافسه في الشغل ايوه عارف انه بيستعمل طرق مش قانونيه بس منافسه انما كلام عو بيدل ان الموضوع مش منافسه شغل الموضوع غل وانتقام يعني الشركه والسغل وسيلته عشان ينتقم ويذل والدي ووالدتي فهمت
فريد / فهمت بس تالا مالهاش ذنب
اياد بغضب / ذنبها انها بنته كل ما هنظر لها هفتكر ابوها وانه قتل والدي ووالدتي عشان انانيته
فريد / يعني هتطلقها
فينظر له اياد باستغراب / اطلقها ويسرح ليتذكر تالا وتصرفاتها من يوم ما عرفها برائتها في لندن وما فعله معها هناك وغفرانها له بعد ذلك وفرحتها وهم في فرنسا تعلقها وحبها له وحبه لها فهو لم يشعر بحب شخص له خالي من الانانيه والمصلحه مثل حب تالا ليرجع مره اخري يتذكر انها بنت طاهر _ مش عارف مش عارف دماغي هتفرقع لو مكاني تعمل ايه
فريد / انت مش انا وانت عارف اني لما مرت بظروف شبه كده ادمنت المخدرات ولولاك كان زماني مت من زمان
اياد / لولا ربنا وعزمتك فريد
فريد / سيبك مني المهم هتعمل ايه
اياد / مش عارف هنتظر يومين يمكن اعرف افكر واشوف هقرر ايه
💮💮💮💮
مالك وتالا
اخذ ينظر لتالا وهو يقود السياره ليلاحظ شرودها فتسال يا تري بتفكر في ايه طول ما والده بيحكي كان لينظر لها هي واياد كانت الانفعلات بتمر علي وجه اياد اما هي فلم يظهر علي وجهها اي شئ الا عندما تحدث والده عن والدتها زي ما تكون كانت عارفه حاجات من الي اتقال بس الاغرب ان في امور والده عرفها عن طاهر ازاي وعاد ينظر لتالا مره اخري نفسه يعرف بتفكر في ايه في والدتها ولا طاهر مشوقادر يقول والدها ولا في اياد وبتسال نفسها هيعمل ايه ليسرح هو في اياد ياتري اياد فعلا هيعمل ايه بس مش ممكن يحملها ذنب مالهاش فيه اوف يا ريت والده ما حكي حاجه وخلي الموضوع مقفول عليه
تالا / شكرا
مالك / ايوه وصلنا بقولك ايه
لتنظر له تالا / ايوه
مالك / يعني حاولي مش تقلقي باذن الله كل حاجه هتكون كويسه
تالا/ تفتكر عموما ربنا يسهل وتهبط لتدخل الفيلا لتجد شذي امامها
شذي / اياد مدخلش ليه
تالا/ لا ده مالك اياد مع فريد
فتنظر لها شذي وتشاهد شحوبها فتفرح باين ان اياد اتخانق معاها احسن / مالك طيب ليه مدخلش
تالا / معرفش انا هطلع فوق معلش هريح شويه وتصعد الي غرفتها مع اياد وبعد ان تغلق الباب تسند ظهرها اليه لتهبط ببطئ لتجلس علي الارض لم تعد تستطيع التماسك اكتر من ذلك كل حاجه اتكسرت تاني ايوه هي شافت نظره اياد شافت فيها الكره مش شرط لها هي نفسها انما الكره للنها بنت طاهر لتقف وتسير للسرير وهي تفكر طاهر الي اغتصب امها ليله الفرح وتركها تاني يوم الي عمره بعد كده ما فكر انه يحضر عشان يشوفها او يشوف ابوه الي كل همه ورث ابوه او التهديد الي جدها ارسله له هو كان فاهم انها مش عارفه عن التهديد بس جدها قال لها ان في اوراق ممكن تتسبب في سجن طاهر مؤبد وانه مخبيها بس يا خساره مات قبل ما يقول لها مخبيها فين السؤال بقي هتعمل ايه تنتظر اياد لحد ما يرجع وتشوف هيعمل ايه ولا تمشي وتتركه من الان لو استنت هتصعب الموقف عليه وعليها لو مشت هتروح فين ايوه صح مايا وهي هنا ادتها دفتر شيكات بمبلغ كبير الي كان باسمها في البنك بس اياد لتقف وتذهب للشباك اياد هتقدر تبعد عنه صداع صداع مش عارفه تعمل ايه ومفيش حد.ممكن تحكي معاه او تقول له طاهر السبب في شقي اغلب الي تعرفهم اياد وعمو صلاح حتي مايا واحمد طاهر ضرهم معدش لها حد ياريت الي كان حصل من شهر موتها ازاي نست حسام لا حتي لو اياد عمل ايه مش هتتركه الا لما تطمن من موضوع حسام هي عارفه انه بيكره اياد وحاسه انه بيخطط لحاجه لا تطمن علي اياد وبعدين تمشي بس للزم تستحمل لانها عارفه ان تصرفاته اللن هتكون زي اخر مره في لندن وهنا تسمع صوت سيارته فتغسل وجهها وتنتظر صعوده اليها
💮💮💮💮💮
احمد
اخذ يقود سيارته في الطريق الي المنزل وهو يتذكر كل ما حكاه الاستاذ صلاح دلوقتي فهم ليه امه مش بتحب الاستاذةصلاح وطبعا بنته واهله وبالمثل اياد بس ازاي متقبله تالا مع ان في شك انها بنت الي قتل والده مش عايز يحكم مين الي غلط مين الي ظلم ومين المظلوم الا بعد ما يسمع كلام والدته الاول ثم تذكر نسرين مش ممكن ايا كان الي حصل في الماضي انه يبعد عنها كل الي يعرفه انها مالهش ذنب في اي حاجه والي عمله الاستاذ صلاح من منطلق خوفه علي اخوه اما بقي لو كان ابو اياد سرق حق ابوه فنسرين مالهاش علاقه وهنا تذكر اياد وتالا ياتري اياد هيعمل ايه حبه لها هيتغلب علي كرهه لابوها بعد ما عرف انه كان بيحارب ابوه وامه بالطريقه دي لو هو مكانه صعب صعب ينظر لها من غير ما يفتكر من غير ما يفكر في ابوها صحيح هي مالهاش ذنب بس صعب
مايا / احمد انت جيت الان ليه مش معادك
احمد / ماما فين
مايا / جوه في ايه وشك متغير ليه
احمد / تعالي عشان تعرفي كل حاجه ويدخل معها لحجرتها ليحكي لها كل ما سمعه
مايا / مش ممكن
احمد / ايه الي مش ممكن
مايا / كل حاجه انا عارفه ان تفكيرك انحصر في علاقه ماما بعيله نسرين بس في حاجات الواحد لازم يسال نفسه الاستاذ صلاح عرفها ازاي
احمد / يعني
مايا / طيب تفتكر لما بابا مات ليه ماما مرجعتش بلدها تصدق ان احنا لنا عيله كبيره وخال لماما وكان عم ابوك
احمد / معرفش عموما انا حكيت لك عشان انا هناقش ماما الان وانت لازم تحضري مش عايز اي اسرار تاني
مايا/ بس بالراحه انت عارف ماما بتتعب بسرعه
لينظر لها احمد بسخريه فهو يعلم كما تعلم هي ان تعب والدتهم ماهو الا هروب من مواجهته هو وهي في اي نقاش / طيب تعال
احمد / السلام عليكم
امال / احمد وعليكم السلام انت حيت بدري ليه في حاجه
فيمسك احمد يدها ويقبلها ويجلس بجوارها / ماما في موضوع مهم لازم اتكلم معاك فيه
امال/ خطوبتك من نسرين تاني انت عارف راي في الموضوع ده وانت مصمم علي رايك يبقي خلاص مفيش كلام
احمد / لا مش موضوع نسرين
امال / طيب في ايه
احمد / انا عرفت موضوع بابا مع محمد فهمي وطاهر الاباصيري ويشاهد والدته وقد شحب وجهها
امال / عرفت ايه وازاي مين الي قالك مفيش غيره صلاح
احمد / ماما انا ومايا مش اطفال كبرنا ومن حقنا نعرف كل حاجه الاستاذ صلاح حكي لي الموضوع بس انا عايز اسمعه منك
امال / انا هحكي موضوعي انا من زمن تقريبا عمرك ابوك نزل الكفر عشان يتعرف علي ارضه الي كان ورثها عن ابوه شافني واتجوزنا خالي عبد الستار الي هو عم ابوك صمم ان جوازنا يكون في السر خوفا من اهل ابويه يعملوا حاجه في عزمي عشان الميراث والارض
مايا / مراث
امال / ايوه عندنا البنت تتجوز من اولاد عمها عشان الارض ما تخرج وانا لما بوي مات امي رجعت عند اخواتها كانت حواديت مالكوا صالح فيها
احمد / طيب وبعدين
امال/ اتجوزنا وحضرنا القاهره وتستمر في حكي الموضوع فيعلم احمد انه نفس كلام الاستاذ صلاح وينتبه عندما تصل والدته الي وقت موت والده
احمد / ماما تشكي ان حد قتل بابا
امال / حد قتله يعني ايه
احمد / اي حد طاهر محمد فهمي كده
امال / انا شفت ده وشفت ده مش هنكر ان طاهر ديما كنت احس ان اسلوبه ملتوي فيه حاجات مش ظاهره بس يقتل لا لا احس انه جبان في المواضيع دي
احمد / ومحمد فهمي
تقف امال وتسير في الحجره / انا واثقه ان صلاح حكي لك الي حصل بعد موت عزمي انا لحد الان مقتنعه ان محمد ادعي افلاس الشركه بعد موت عزمي بس انه يقتله دي مش ممكن محمد وعزمي كانوا حاجه كده مش معقوله اكتر واحد كنت اغير منه هو محمد كان بينه وبين ابوك علاقه مشفتش زيها تفكيرهم بيكمل بعضه حتي احساسهم
مايا / طيب ماما تفتكري واحد زي كده مع بابا ممكن ياكل حق مراته واولاده بعد ما يموت بالعكس ده ممكن يديهم مش ياخذ
لتبكي امال/ كنت عارفه انكم هتكونوا في صفهم زي ابوكم ما كان ديما في صف محمد
ليقترب منها احمد ويحضنها / صف مين ماما احنا الاول والاخر اولادك مش ممكن نقف مع حد ضدك بس عايزين نفهم وزي ما مايا قالت وصفك لعلاقه بابا ومحمد فهمي يدل علي انه مش ممكن يعمل كده
امال / عارفه عارفه بس انا حسيت كده يومها وبعدها بعدت عنهم ويمكن صلاح ميعرفش ان اخوه وفاطمه حضروا هنا بعد كده بسنتين ومحمد كان عايز يفضل علي اتصال بينا عشان لو احتجتوا حاجه بس انا رفضت مش هنكر انا انا وتبكي
مايا وهي تحضنها / خلاص ماما الموضوع انتهي بس كل حاجه اتعرفت واظن ان معدش في سبب يخليك تمانعي من جواز احمد ونسرين
امال / بس انا مكلمتش معاها يوم ما رحنا اياد وتنظر لاحمد صلاح حكي الكلام ده لاياد
احمد / للكل انا واياد وتالا وابنه مالك
امال / يا ريته ما حكي
مايا / ليه
امال / لو كنت متاكده من ان موت ابوكم قضاء وقدر الا ان موت محمد وفاطمه فيه شك جامد والخوف ان اياد يطلعه علي تالا
مايا / انت ازاي تقبلتيها مع الي عمله والدها
امال / عشان جدها الي رباها وعارفه ان طاهر ظلمها هي وامها اكتر من ظلمه لعزمي ومحمد
احمد / يا ريت اياد يفهم كده
💮💮💮💮💮
صلاح
دخل المنزل وهو يفكر هل تصرف صح هل معرفتهم للماضي هتنفعهم ولا هتضرهم
جيهان / صلاح صلاح انت ماشي سرحان في ايه
صلاح / خايف اكون اتصرفت غلط
جيهان / مش فاهمه حصل ايه اتصرفت في ايه
ليجلس صلاح / انا جمعت اياد وتالا واحمد ومالك وفريد وحكيت لهم الي حصل زمان
جيهان / كله
صلاح / كل الي اعرفه سواء من محمد او عزمي او الحاج محمود الله يرحمهم
جيهان / الحاج محمود انت كنت تعرف جد نالا
صلاح / طبعا انت ناسيه انه والد طاهر بعد وفاه عزمي اتقابلنا انا ومحمد مرتين معاه وبعد وفاه محمد قابلني مره
جيهان / وانت خايف من ايه
صلاح / خايف من اياد انت عارفه وفاه عزمي الشرطه والكل اتاكد انها حادثه انما وفاه محمد وفاطمه لا وجه اياد كان مش طبيعي
جيهان / بس اياد عاقل ومش هيعمل حاجه غلط
فريد / مساء الخير فولي ربنا يستر
صلاح / فريد تعال خير اياد قالك حاجه
فريد / اياد تعبان ومخه مش هيريحه مابين احساسه ان طاهر كان بيطارد والده لحد ما مات مخليه علي اخره واحساسه انه بيحب ومتجوز بنت الي اتسبب في موت اهله عشان كده بقول ربنا يستر
ليقف صلاح / تقصد ايه فريد اوعي يكون هيتعرض لتالا تاني او ينتقم من طاهر فيها تاني البنت اتظلمت بما فيه الكفايه
فريد / مش عارف عمو مش عارف
تنظر جيهان لصلاح بعطف فهي تعلم مقدار شعوره بالذنب لو تصرف اياد بسوء ضد تالا
صلاح / هطلع ارتاح وبعد صعوده تنظر جيهان لفريد
فريد / بلاش نظره المخابرات دي والله ما اعرف اياد ناوي علي ايه بس كل الي اعرفه انه محتار بين كرهه لطاهر وحبه لتالا
جيهان / ربنا يستر لو اذي تالا صلاح مش هيسامح نفسه ابدا
💮💮💮💮💮
تالا واياد
جلست بجوار الشباك تنتظر عوده اياد وهي تفكر هتعمل ايه هتتصرف ازاي هي متاكده ان اياد هيكون عدواني هو عمل انتقامه في لندن عشان كاظم سبب موت بنت خاله طيب طاهر اتسبب في موت والده ووالدته هيعمل ايه بقي هينتقم ازاي هي متاكده ان اياد عمره ما هيكون عنيف مش هيضربها او وتتذكر تصرفه في لندن فقد كان عنيف لقد اذاها يومها ايوه مش اغتصاب بس قريب منه ممكن يكرر ده تاني
......./ لا لا اياد حاليا بيحبها مش ممكن يتصرف كده
......./ هو ده السؤال هل اياد بيحبها فعلا وحبه لها هيكون اقوي من رغبته في الانتقام من طاهر
طاهر مش ممكن ان ده والدها مش ممكن انه ابن جدها محمود معقول حبه للانتقام يوصل لانه يجوز امها عشان بس ينتقم بس. الاستاذ صلاح عرف منين انه اجوزها عشان كده ايوه عارف الفر وان طاهر مجاش مصر تاني بس محدش يعرف الي عمله محدش يعرف انه كسر امها يوم الفرح انه سبب لها حاله نفسيه. فضلت معاها لحد ماتوفت ياتري لو كانت عاشت كانت هتحبها ولا كانت هتشوف فيها تصرف طاهر ازاي يكون ابن الحاج محمود جدها كان طيب لو اذي حد بدون قصد يسهر الليل يستغفر وابنه اذي كتير اولهم ابوه وامها الي كل ذنبها انها حبته في فتره من الفترات واصدقائه الي امنوا له مع تحذيرات الناس لهم ليه هو وحش كده نفسها تنتقم منه
