Waves Of Destiny

Chapter 25- Buwisita

Jershey's POV

Isang linggo na din ang nakalipas simula nang mangyari ang pagpunta namin ni Ace sa Benguet. Hanggang ngayon ay hindi pa rin ako makapaniwalang nangyari talaga lahat ng 'yon.

Simula no'n, halos hindi na rin nagkikibuan ang mga magkakaibigan. Naging tahimik si Ace kapag nasa classroom, gano'n din si Ian. Sa likod pa rin sila nakaupo.

Aaminin ko, ako ang nahihirapan sa kanilang tatlo. Ano ba naman kasi ang pumasok sa isip ni Ian at gano'n ang mga sinabi't ginawa niya? Napaka-immature at irrational niya.

"Mahigit isang linggo nang pumupunta dito 'yan, ah. Ano bang mayro'n?" tanong sa'kin ni Ate Grace.

Martes ngayon at nasa karinderya ako. Napag-desisyonan kong mag-regular na sa kaniya tuwing Martes, Huwebes, at Sabado.

Pinatulan ko na din ang alok na trabaho sa'kin ni Ace. Napag-alaman kong sa kanila pala ang establishment. Kaya pala ako ang hinayaang pumili ng schedule ko at wala ng interview. Tuwing Lunes, Miyerkules, at Sabado naman ako sa kanila.

May kahirapan man at nakakapagod, kailangang pagtiisan. Sinadya ko talaga ang schedule ng mga trabaho ko para kahit papaano'y may pahinga ako.  Fourty minutes kasi ang biyahe mula dito hanggang sa Hotel nila Ace.

"Hindi ko nga din alam, Ate, kung anong trip niya," sabi ko.

Isang linggo na ding pumupunta dito si Ian. Kapag nagtatrabaho ako, maya-maya'y nandito na siya't nakaupo. Wala naman siyang ibang ginagawa kundi'y nakaupo lang. Pumupunta rin dito si Ace pero hindi talaga sila nagpapansinan.

"Hindi kita tinanong last week kung anong nangyari sa inyo pero gusto ko talagang malaman," sabi niya. Nasa kitchen kami ngayon at naghuhugas ako ng mga pinagkainan. "Pa-chismis naman ako."

"Hindi na niya ako serbidor," sabi ko.

"Kaya pala siya malungkot."

"Imposible 'yan, Ate. May ibang drama lang siguro siya sa buhay."

"Hindi ka ba niyan nililigawan? 'Di ba nililigawan ka din ni Ace?"

"Oo, pero si Ian? Hindi ko talaga alam," sagot ko.

I felt guilty dahil nagkawatak-watak sila. Si Kyle kung kani-kanino lang sumasama sa dalawa. Si Ace, masaya pa rin kahit papaano. Si Ian? Lagi na lang naka-poker face.

"Halata namang gusto ka ni Ian. Bakit hindi mo pagsabayin?"

Inihampas ko sa kaniya ang hawak kong plato.

"Siraulo ka!"

"Hoy, baka nakakalimutan mong ako pa rin ang boss mo. Pinapa-suweldo kita kaya umayos ka," sabi niya.

Tumingin ako sa kaliwa't kanan ko, harap at likod. "Nasaan ang pakialam ko? Nakita mo?" biro ko.

"Seryoso ako," sabi naman niya.

"Alam ko. Sa ating dalawa, ikaw ang mapaghanap ng lalaki."

"Ayaw mo no'n? Kapag silang dalawa ang nanligaw sa'yo may mapagpipilian ka."

"Hindi ko kailangan ng mapagpipilian. Kahit isa lang, masaya na ako."

"At si Ian 'yon?"

Nangunot ang noo ko sa sinabi niya. "Hindi naman niya ako nililigawan ah?"

"Kaya nga."

"Oh, alam mo naman pala."

"Pero paano kung siya ang naunang nanligaw sa'yo at hindi si Ace, may pag-asa ba?"

Naningkit ako mata ko sa sinabi ni Ate Grace. Iba talaga 'to kapag nangalap ng impormasyon. Lahat ng sulok, hanapan ng detalye.

"Wala," sabi ko at muling naghugas ng plato.