يااوو
شخباركم عيوني :( ؟؟
كل عام وانتو بخير وصحة وسلامة وربي يعيدة عليكم بالعافية انشالله وانشالله سنة الجاية خلصانين من هالوباء هذا وترجع ايامنة مثل قبل واحلى بعد ♥
هذا ثالث عيد الي وياكم يابوية شبسرعة 😭😂
احبكم وانشالله نظل سوية دايم 😔💜
1♥
شنو يعنيلك العيد ؟
"والله يوم طبيعي بس مادري ليش افرح الصبح واستحي اسلم ع اهلي 😂وبعدين الباقي عادي بس انو نشوف اقاربنة وهيج ❤"
2♥
أغرب موقف صار وياك بالعيد ؟
"هو مو موقف غريب بس اول مرة سافرت بيهة من جنت صغيرة صادفت رحلتنة ثاني يوم عيد ف آني يعني جنت مستغربة وانو اول مرة اركب طيارة وشي"
3♥
أكثر جملة نسمعهة بالعيد ؟
"ولا عبالك عيد ☻"
4♥
أغرب معايدة أجتك ؟؟
"من وحدة صديقتي ؛ هو بليلة العيد محد ينام شي طبيعي ف آني جنت فاتحة انستا وافرفر وهاي منعسة ومدري شنو فهي دزتلي من ذني المعايدات مال (إنتِ وحدة تافهة كلش وسخيفة والله ليسامحج ع اللي سويتيه بية ولا عبالج اني ح اسكتلج لا اني حوصل السالفة لأهلي واخليهم يعزوج ؛ هذا المقطع سيعرض في مسلسل ف العيد غداً ههههه لتنسين تدزيهة لصديقتج وتخليهة توكع بالمقلب مثل ما آني وانتِ وكعنة بيه) 🙂😂"
5♥
رأيكم بزيان العيد ؟
"ولو مو النة البنات بس صدك يعني ليش الا بليلة العيد الا يزينون ؟؟ 😂 خو ازين قبل يومين ترة مالة داعي توكفون 3 ساعات مدري 4 الا يجيكم السرة 🙂😂"
6♥
شنو طقوسكم بالعيد ؟
"أكعد اصلي الصبح ؛ هو اني منايمة اصلا بس أكوم من الفراش ؛ لازم ورة الصلاة اشرب مي وآكُل كليچة 😂 ؛ استحي أعايد اهلي مدري ليش 🙂😂 ؛ ادور يجون عمامي يتريكون يمنة وبعدين يروحون نكمل تنظيف نتكشخ وناخذ صور يصير الظهر نروح نتغدة ببيت عمو وية عمامي نفسم اللي تريگو يمنة☻ وهاهية يخلص العيد 😂"
7♥
آخر عيدية أخذتوهة ؟؟
" البارحة المغرب من ماما وچانت قليلة بس كالتلي شي رمزي هاية انتو كبار وشسمة ف اتسووكية😔💔"
8♥
شنو الأختلاف بين العيد قبل والعيد هسة ؟
"العيد قبل چان حلو من جنت صغيرة كلش 8 سنين هيج لأن يعني اكو عيديات ونلعب وشي وادور جنت اشتري من ذولي الجنط ام الخرز المدري شلونهن بس جنت اتكشخ بيهن فوول كشخة والله 😂💔"
9♥
شنو الشي الي تتمنون الناس تبطلة بالعيد ؟
"اللي يبوسون وهذولة الثانيين اللي يسطروك بمعايدة طوويللة حيل ف متعرف ترد عليهة 😭😂"
10♥
شي تقترحون انو الناس تسويه بالعيد ؟
"هو اقتراح لأمي انو تزيد الكليجة ام الحلقوم والتمر ع حساب ام السمسم وانو نبطل نسوي كليجة ام السمسم لأن محد يحبهة والله ☻💔"
11♥
أحلى عيد مر عليكم ؟؟؟
"بعدة ما أجة 😂😔💔"
___________________
وووبس واللهي
حتلو عيد لتنسون الكمامات والجفوف والله متخرب الكشخة بالعكس حتدل ع وعيك ومسؤوليتك ♥
وبي فاين أول ذا تايم 💜
لافياااهههه 💜💜💜💜
