شفتكم حبيتوا ذاك البارت 😆💚
لذا سويت واحد ثاني نفس الفكرة 😆💟
المووهييم 🙆💕
الأخوة بالبيت انواع 💁:-
1_ حزام الظهر 😎
غالبا مايشغل هذا المقام الأخ الأكبر 🌞
ويكوون حنون عليكم كلش 😻
بس يحاول ميظهر هذا الشي 😐💔
واحيانا يكون قاسي ويحاسبك ع معظم الأشياء 😑
طبعا احنة نضوج من هالشي الى درجة 😬
بس بالواقع هوة يسوي هالشي لمصلحتنة 🌚💔
(انا اتنرفز من تكعد اختي تسويلي محاضرات ع الأخلاق 🌚💔)
2_ الضلع الما ينشلع 😻💟
هذا المقام يشغلة الأخ اللي يكون فرق بينكم قليل 😻
يعني سنة أو سنتين 🌞💚
هذا النوع يكون يفهمك دائما 🌚
ويعرفك من تزعل قبل متحجي 🌚💖
غالبا مايكون اسرارك كلهة يمة 🌞💙
(وأخوية دائما يهددني _تررةةة احجيي_😂)
(ساعة السودة اللي كتلك بيهة 😂👌)
بس بالحقيقة لو يكطعون ركبتة بمكراضة مثلومة مراح يحجي 😻💟
طبعا هذا النوع تكون الميانة ويااا إلى درجة 😹💔
بحيث تحجي ويا بمواضيع متحجيهة وية اصدقائك التعبانين 😂💔
3_ المزهرية 🌝
هذا وجودة لا يقدم ولا يأخر 🌚💔
وعلاقتكم بي تكون رسمية 😂💔
بحيث حتى عيد ميلادة متعرفون شوكت 😐💔
ومو انتو المشكلة بكونة هيج🌞💔
لان هوة 🌚💔
أما يكون مدمن انترنت 📱
او سجاج 🤓
او يكضي وكتة بالجيم 🏋
يعني منعزل غالبا 🌝💔
4_دلوع المامي 👶👯
هذا يكون الطفل الصغير 😐💔
اللي عندة كل متطلبات الحياة الهانئة 😑💔
الحلو هنا إذا غلط عليك عادي 😑
إذا خبث وياك عادي 😑
إذا خربلك شغلة عادي 😑
بس جرب تصيح عليه 💔 تسمع رد نبع الحنان
(شعدكم غيرة اخوكم هذا 😢)
(حرام عليكم 😢)
وتعقدلك مؤتمر وية نبع الفرات عن حقوق الطفل 😐
زين والجريدة مال غلط اللي علي المرجاني مكال مثلهة شنو 😑💔
وحقوقي انا 😑💔
لا يا زمن 🌚💔
5_ الأ خت المتزوجة 🐸⚤
هاية متصير حنونة ع أهلهة إلا من تفرغ ثلاجتهم 🌞
أو يسافر حبيب الگلب 🌚
تجي تهجم جنهة هولاكو وياهة ثنين شياطين 👶👯😑💔
يگومون البيت ميگعدوه 😐
ومن تروح تترك مخلفات الحرب وراهة ♻
زولية وصخة 🗯
كلاصات مكسرة ⛾
كتبك مشككة 📔📜✂
اغراضك الشخصية تلكاهة بالمطبخ
والخواشيك بغرفتكم 🌚💔
رحمة لوالديج قبل متجين كليلنة بشهرين حتة نستعد ونفرش البيت نايلون 🌚💔
رأيكم 😆
مو كلش مقتنعة بي مثل ذاك البارت بس ماشي حالة 😆💔
