هيلاو قايز 💛
كيفكون شو اخباركون ☻💛
فقرة جديدة وكذا نسولف بيهة ونتبادل الآراء والأفكار الهادفة 😂
المهم
كلنة مرينة بفترة الطفولة وكلنة عدنة مواقف بيهة حلوة ومحلوة
واغلبنة طفولتة معوقة خصوصاً احنة الألفينات اجينة بنص الحرب والسقوط وانطلاق الطائفية
طفولة مثيرة للأهتمام ☻😂💔
بس هم نگول الحمد لله احنة احسن من غيرنة وعشنة طفولة متكاملة الحمد لله والشكر 😂
خ اسولفلكم عن طفولتي الجميلة
اول شي اني ولادتي جانت مو بوقتهة اجيت بالشهر الثامن وجان وزني كيلو ونص 😂 والمعروف ابو الثامن يموت بس اني عشت مدري شلون ؛ عمري طويل ياخي مكتوبلكم تتعرفون ع نوراية ☻💜
نورت الدنيا بيوليو الفين
ماما جانت تكلي اول مااجيتي جنتي محلوة بس ورة الأربعين سمنتي وصرتي دبدوبة وحلوة 🌚
صريحة نبع الحنان افديهة
نوراية من جانت زعطوطة جانت خابصة نفسهة ومغرورة لأنهة مدللة كلش لأن اصغر وحدة بالعائلة وكذا
اذكر جنت ابيع ثكل ع العالم عود شخصية وكذا الله ياخذني ☻💔
بس للصراحة اني جنت اسوي هيج لأني جنت خجولة كلش واستحي احاجي احد غير اهلي
بسبب تصرفاتي اخوية الجبير جان حاقد علية كلش لدرجة مرة من المرات كعدت من النوم بس جنت ساكتة ؛ سحبني من رجلية عمود ابجي ووداني لماما بالحديقة يكللهة ماما نور دتبجي 😭😂💔
المهم كبرت نوراية وصار عمرهة 4 سنين ودخلت روضة وهناك شافت النبي العربي لأن تعرضت للتنمر هواية ؛ وجنابهة مدللة متعرف تدافع عن نفسهة ف بالأخير احترمت نفسهة وبطلت وخلت امهة تترك الوظيفة وتكعد وياهة 😂😂
من دخلت مدرسة جانت وياية نفس البنية اللي تنمرت علية بالروضة بس الحمدلله الله هداهة وصارت خوش بنية وحبابة وبطلت تتنمر علية
اذكر جان اسمهة صِبا
المهم البنية ماتت الله يرحمهة 💔
من جنت بالأبتدائية كونت صداقات هواية والحمدلله تغلبت ع عقدة الخجل واول صديقة الية بالمدرسة للآن وياية الحمد لله عدنة السادس سوية😂💔
ولو هسة هية بغير مدرسة بس ميخالف
مواقف مرعبة صارتلي بطفولتي 👇
بعمر السنة جنت نايمة بأمان الله واجت حية جبيرة شوية ضلت واكفة علية بس مصارلي شي الحمد لله
من جنت 7 او 8 سنين جنة طالعين لمكان اثري جان بوسط الصحراء ف اني عفت اهلي ورحت للسيارة مالتنة ولحكتني 4 كلاب حشاكم☻💔
ماما تكول صرتي عدائة بوكتهة ركضتي ركضة رهيبة 😭💔
ايي وبعد شنو ☻💔
انكسرت ايدي مرة ورجلي مرتين عادي 😂
ووبس
اييهه كبرت نوراية وانكسر خشمهة لأن صار عدهم بيبي صغير اخذ اهتمام البابا والماما ونسوا نوراية صارت من الشعب المظلوم 🌚💔
وأخوهة الجان حاقد عليهة صار ضلعهة 😂💔
وهيج انتهت طفولة نوراية الخقة
هايشنو اذكر هواية احداث صارت واني طفلة ليش مدااذكرهن 😂💔
المهم
انتو سولفولي عنكم شوية ...
برأيكم عقدة الخجل عند الأطفال شنو سببهة ؟؟
التنمر بين الأطفال شون نقضي عليه ؟؟
والغيرة بين الأخوان ؟؟
اصدقاء الطفولة بعدهم وياكم ؟؟
منشنوا شخص طفولتة معاقة 😂
منشنوا شخص تحسو حيربي اطفالة احسن تربية
منشن شخص وكولة خايف ع اطفالك شلون حتربيهم ؟؟😂💔
وووبسس
رأيكم بالبارت ؟ 💛
لافيااه 💛💛
