اوك بهالبارت اول مرة ح اطلع مشاعري الخرموزية ف لتعيبون اللي ميحب يقرة يصوت ويغلس باليز ☻😂
___________________
قبل سنة بالضبط وهم بهيج وقت باليوم اعلنت انظمامي لفاندوم بتس او صرت ارمي
كلش سعيدة اني دخلت هالفاندوم اللتيف ؛ اوك مو لتيف بيه ناس متوحشة للصراحة وتخوف بس اكو لتيفين
اوك فاندوم لفرقة لتيفة تعبير احسن مو؟ ☻💜
مراح اكول انتو غيرتوا حياتي وانتو وانتو
بس غيرتو نظرتي لهواية اشياء
صرت اتقبل الناس اكثر ؛ اختلط اكثر ؛ افهم غيري ؛ مااحكم بسرعة ؛ جديات ماجنت هيج اني قبل
مااكول اني صرت احب نفسي بسببكم وانما صار عندي تقبل اكثر لذاتي وتفاهم مع نفسي
اعترف انكم ماجنتو تعنولي شي قبل سنة ؛ جنت استغرب من الناس اللي تكول واو احبهم هم يعنولي كلشي ومدري ايش ؛ اصلا جنت اكره جيمين ماكو احد يذبحني ؟ ☻💔
جنت انظر للي يخالفني الرأي نظرة دونية نوعاً ما ؛ اتهمة بالغباء بانو سخيف تافه معندة سالفة
اللي يعرفني اني نوعا ماا اميل للاحتفاظ بمشاعري لنفسي فقليل افضفض ؛ يعني لما احزن احس بالوحدة كلش وصعب اتخلص من حزني
بس هسة
صرت اتغلب ع حزني بمجرد مااشوف فيد الكم او صورة لواحد منكم مبتسم ؛ كثير ايام مرت علية واني ابجي وتعبانة ومحد جان يعدل مزاجي غيركم والله
كثير ايام جنت اشوف نفسي قبيحة كلش واكره شخصيتي
وبعدين من اقرة كلامكم اقتنع
من افشل بشي واقرر استسلم هم جان وجودكم وقصص حياتكم هي اللي تحفزني اكمل واوكف ع رجلية من جديد
واحد علمني اكون عظيمة
شكرا نامجون 💜
واحد علمني اني حلوة
شكراً سوكجيني 💜
واحد علمني مااستسلم
شكراً يونغي 💜
واحد علمني اسعى ورة حلمي واحققة
شكراً هوبي 💜
واحد علمني اكون لطيفة وية الكل
شكرا جيميني 💜
واحد علمني اتقبل ذاتي واطلع للعالم مثل ماا اني
شكراً تاي 💜
واحد علمني اظل اطور بنفسي حتى لو وصلت للقمة
شكراً جونغكوك 💜
اعترف اني مو ريل ارمي ومسامعة كل البوماتكم ؛ مشايفة كل حلقات بتس رن وبونفوياج ماسويت احصائية لعدد جوائزكم ؛ ماكعدت احلل كل امفياتكم مثل باقي الارميز
اني فان بسيطة بس احبكم 🙂💜
اخرشي
شكراً bts انتو نعمة 💜
I purple you 💜
