هاي😭
منو اشتاقلي ؟ ☻
اسفة ع السحبة اخواني الكرام مجان اكو نت
بس انشالله متتكرر بعد 🌚💔
اييييههه
_تتربع وسط البارت_
شلونكم شخباركم شحوالكم
شكد مشتاقتلكم يربييييي ☹💕
ياااخيييييييي شكد كيوووت انتو ابد متنسوووني فدووةة وكلش شكرا لكل شخص سأل عليه
كيك مو ناس
تويكس ع هيئة بشر
كنافة بالفستق انتو ☹💕
كلكم سألتوني ع النتيجة والمعدل سوو بدل ماارد واحد واحد خ احجي عن تجربتي وبلكت اطلع منهة عبرة وكزا عساس اني فيلسوفة
ادري صرعت راسكم بالسادس والمعدل هسة تكولون عبالك محد دخل سادس غيرهة بس وعد هذا اخر بارت احجي بيه ع السادس 😭😂
المهمممز
نبدي من اول مااستلمت نتيجة الخامس وشفت درجاتي وانصدمت بيهة بوكتهة حان معدلي 88.9 واني مجنت اقرة غير يوم الامتحان هنا صابني غرور مو طبيعي كلت اذا اني بدون مااقرة هيج اطلع لعد من اقرة اكيد ح اطلع طب او صيدلة
لاء وواسقة من نفسي يعني ☻💔
بابا لح علية ادخل دروس خصوصي ومدري شنو بس جنابي جنت معندة انو ماادخل واستمتع بالعطلة وبس مجرد انقل لمدرسة احسن من مدرستي
اني نور النادرة ادخل خصوصي شنو بابا اتطمن ميحتاج اني وبذكائي الخارق مراح احتاج دورس ورح اطلع الأولى ع المدرسة ☻💔
شكد جنت متحمسة الله ياخذني :")كلما اذكر هاية الفترة اريد اذبحني
المهم صفعني الواقع المرير وصديقاتي انقبلن ينقلن لغير مدرسة الا اني بقيت الحمد لله والشكر وحدي
والصفعة الثانية اجتني من من مواد السادس او بالأحرى مدرسات السادس النفسية اللي اغلبهن ميقدرن شكد ماتتعب وتسهر وتقرة متجيب
النفسية تدمرت وكل حماسي راح من جنت اشوف درجاتي والرسوب شكد والعشرينات تجي ركع تخيلو
بوكتهة مبقيت برنامج يعتب علية مانزلتة عمود اقضي ع كآبتي اسم الله 😂😂 بس هذا جان اكبر غلط اسويه لان المفروض اعوف الفون والتفت لدراستي واحسن من مستواية بدل البجي والضوجة واللعب بالفون
المهم ربي ماوفقني سنة اولى وعدت السنة ودخلت خصوصي بكم درس وجنت من المتفوقات ودرجاتي عالية _ماعدا نص السنة_
ذبيت حيلي كلة ومن دخلت وزاري دخلت ناجحة وهم درجاتي محترمة الحمد لله
هنا نجي لفترة المراجعة اللي هية أسوء فترة ممكن يمر بيهة الشخص مو لان الدروس صعبة ولا لان معندك وقت بالعكس الدروس كلش سهلة صارت عليك والوقت كلش هواية
بس اللي يتعبك نفسيتك وشكد تفكر بالمستقبل
جنت من اخلي راسي ع المخدة ماانام والله اظل افكر اذا ماجبت مية بفلان مادة شلون ؟؟
اذا ماطلعت معدل شلون ؟؟
اذا ماانقبلت كلية محترمة شلون ؟؟؟
الناس شراح تحجي عليه ؟
اهلي وتعبهم واملهم كلة بيه معقولة اخيبة؟؟؟
وبالامتحانات بوية الامتحانات 😂😂💔
ماحجي عنهة خليهة سكتة
المهم قبل اسبوع من النتائج تدرون بالخربطة وذولة البيجات مال سادس سبونة سباية يومية يطلعون نسبة شكل ويومية ماكو نجاح والعربي مزفتين ومدري شنو
اني هنا شصار بيه والله دمرونة بهالاسبوع توتر وخوف موطبيعي
طلعت النتائج وشفت درجات صديقاتي كلهن مفولة وتسعينات مشالله عليهن
كمية الفخر اللي حسيت بيهة مو طبيعية انو ذولة صديقاتي او بالاحرى خواتي كلهن طلعن ورح يحققن احلامهن بس للأسف الفرحة ماتمت من دزولي نتيجتي وطلعت ابد مو الشي المتوقعتة وابد مو تعبي
درجاتي مو اللي حسبتهن ولا اللي تعبت بيهن كعدت ادور ع المياية وين ؟؟ التسعينات معقولة بس بالاسلامية ؟؟ زين والرياضيات ؟ والاحيا والعربي ؟
شنو الفترة الراحت جنت اكرز حب اني ؟؟
معدلي طلع 83.14
يوم كامل اني بس ابجي والوراه تقريب اسبوع اني كارهة نفسي وابد مامقتنعة وجنت اخلي اللوم كلة ع نفسي انو اني مراح انقبل الشي اللي جنت احلم بيه
توقعت اهلي بهالفترة هم يضوجون بس شفت العكس كلهم باركولي وبالأخص والدي فرحلي وشكد ظل يواسيني ويكلي ميخالف اني فخور بيج
اخرتهة من ارجع افكر اكول اني صدك اللي عليه سويتة صدك تعبت صدك قريت صح الله ماكتبي معدل بال90 بس اكيد هذا بيه الخير الية
جانت مرحلة صعبة بحياتي بس تخطيتهة الحمدلله او للصراحة اصعب مرحلة امر بيهة انو صدك مجنت متوقعتهة تخلص بس خلصت
ماكو شي يدوم ابد
والتعب والحزن كلة ينتهي
والله مراح يعوفك لو شكد ماتعبت
اني هسة مقتنعة لو المعدل العالي بيه الخير الية جان ربي كتبلي اياه وجان طلعت حالي محال غيري
بس بالنهاية مو كلشي نريدة او نحلم بيه لازم نحصلة
صح لازم نتعب ونضحي بهواية شغلات بس بالنهاية لازم يكون عدنة ايمان بانو رب العالمين مراح يكتبلنة غير الخير 💕
بسم الله الرحمن الرحيم
{ وعَسى أَنْ تكرَهُوا شَيئَاً وهُوَ خَيرٌ لَكُمْ}
واسفة مرة لخ دوختكم بالسادس وسوالفة التعبانة 😂 بس بعد كتلكم مااعيدهة انشالله 😂 وانوبة ادوخكم بالكلية وكزا
ايي عيني صرت رسمياً طالبة جامعية
شوف الهيبة بووية 😂😂✌
المهمززز
بي فاين اول ذا تايم
لافياه 💕💕💕
