أكثر من أسبووع ياقوم
أكثر من اسبوووع بدون تحديث ☻💔
هاية واني كلت بالاربعينية يومية انشر
_تتكلم كأنو اكو احد مهتم_
الموهيم
_تلبس نظارتهة_
من زمان ماتفلسفت سوو احسني بحاجة لشوية فلسفة وأدري بيكم اشتقتولهة🕶
_تباً للثقة💔_
لاتبكي يحلو يقميل انت ح اتفلسف براسك☻❤
موضوعنة لليوم هوة
حب الذات
إِنتِ يحلوة يقميلة من توكفين ع المراية وتضلين ساعة كاملة
(آني جكمة)
(هواية حبوب طالعتلي)
(بشرتي صايرة باهتة وتلعب النفس)
(شكلي كلش عادي)
(شعري مااحبه)
تدرين انتِ دترتكبين جريمة بحق الأنسانية من تحجين هيج ؟؟!!
تدرين لو متدرين ☻💔
ولج ماما أنتِ أجمل مخلوقات الله
أنتِ مميزة وأبسط مثال بصمة أصبج يحلوة يشميلة ☻💔
ترة ألله خلقج بأحسن تقويم وميزج عن باقي المخلوقات كلهة ؛ تاليهة تجين تكرهين نفسج عمود حباية ؟؟؟
عاقلة أنتِ ؟؟ ☻💔
الشكل الخارجي مو مهم ترة
؛ المهم روحج وشخصيتج شنو
و بالمناسبة ماكو احد محلو
كلنة حلوين ومميزين ✋❤
نمبر تو
انتِ اللي تكرهين نفسج بسبب وزنج أو طولج
ترة اذا عمود الوزن وتضلين تقهرين بنفسج عمودة هيج مراح يفيدج
تعلمي تحبين كونج رشيقة وتسعين لهالشي
يعني مو بس تضلين مكابلة صور كيندال جينر وتتحسرين وتكولين اني مراح احصل هيج جسم / آني فاشلة / أكرهني 😭💔
لا ماماتي لا
هيدا الحكي مابيمشي معنا 🌞
تقبلي كونج هيج واسعي للأفضل بعدين ❤
وبالنسبة للطول ترة هذا الشي من الله واحنة منكدر نتحكم بيه
كلجن حلوات سنادس 🌞❤
الكصيرة فدوة لله اكيت منهة ماكو💙
والطويلة تجنن ملاك 💙
والوسط الجن الله 🌞💙
_اللي الله💔_
نمبر سري
اللي تكره نفسهة بسبب المجتمع
👦👧👩👨_ سندوسة
👱_ هاا ؟
👦👧👩👨_ إنتِ فاشلة وما منچ فايدة
👱_ اي ادري بنفسي عااا 😭😭💔
ماما انطيهم بوكس وسكتيهم شنو تضلين تعوين تلث ارباع الساعة من وراهم ☻💔
إنتِ من كل عقلج دتحجين ؟
لاتنطين لكلام الناس أكبر من حجمة
أنطيهم الأذن الطرشة هذا اللي يفيد وياهم 🌞
إنتِ جميلة بل وأجمل مخلوق💙
كيف ماكنتي
طويلة ؛ قصيرة ؛ سمرة ؛ بيضة ؛ سمينة ؛ ضعيفة .. الخ
رح تبقين اروع مخلوقات الإله
إنتِ نعمة من الله 💙
ولازم تحافضين ع نفسج وتحبيهة لأنج لو أهملتيهة ح تكونين مرتكبة ذنب بحق هالنعمة 💙
لاف يور سيلف ماي ويمنز 🌞💙
_اي ويمنز ومصرّة عليهة ☻_
كلامي موجه لكل القارئين بس تكلمت بصيغة كون القارئ أنثى لأن أكثرجن اناث ☻💙
_اصلا ماكو ولد هع هع ☻✌💙_
بالمناسبة آني أكثر بني آدم يكره نفسة يعني جديات أكرهني 🌞💔
شلون كتبت هالكلام الفوك مادري ☻💔
الموهيم
بي فاين أول ذا تايم ♥
لاف ياااه 💕💕
