(Completed )The Transmigration Routine of Always Being Captured by ML

Arc(1.30)

ထို့ကြောင့်လီလျိုမှာသူရေးသားခဲ့သည့်နယ်မြေတစ်ဝိုက်မှာသာသွားလာနေနိုင်သည်။

လီလျိုကသူ့စိတ်ထဲကတိုးတက်နှုန်းပြဇယားကိုကြည့်လိုက်သောအခါ၉၄%သို့ရောက်နေခဲ့ပြီဖြစ်ပြီးနောက်ထပ်၆%သာထပ်တိုးလိုက်ပါကဒီကမ္ဘာကထွက်ခွာပြီးသူ့မူလကမ္ဘာကိုပြန်သွားနိုင်တော့မှာဖြစ်သည်။

လွန်ခဲ့တဲ့သုံးနှစ်တာကာလအတွင်းလီလျိုကချင်ယုအကြောင်းကိုတစ်ခါလေးတောင်မှမတွးဘူးတာမရှိခဲ့ပေ။ပြီးတော့လည်းသူတို့နှစ်ယောက်ကနှစ်ပေါင်းများစွာအတူတူနေခဲ့ကြတာဖြစ်ပြီးသူကလည်းရက်စက်တဲ့သူတစ်ယောက်မဟုတ်ဘူးလေ။သို့သော်လည်းချင်ယုကသူ့ကိုလုပ်ခြင်နေတာကိုစဉ်းစားလိုက်မိသည်နှင့်လီလျိုကချက်ချင်းပင်ထိုအတွေးကိုပယ်ချခဲ့သည်။ဖြစ်ကောင်းဖြစ်နိုင်တာကသူဒီကမ္ဘာကမထွက်ခွာခင်တော့ချင်ယုကိုတစ်ခါလောက်တောင်ချောင်းကြည့်ခြင်သေးသည်ပြီးရင်တော့ထွက်သွားတော့မည်။

လီလျိုကလက်ဖက်ရည်ဆိုင်လေးမှထွက်သွားလိုက်ကာတိတ်ဆိတ်ပြီးကျဉ်းမြောင်းသည့်လမ်းကြားသေးသေးလိုဖြတ်ကျော်၍ခြံဝင်းသေးသေးလေးထဲလမ်းလျှောက်ဝင်လိုက်ရင်းတံခါးကိုဖွင့်ကာဝင်လိုက်သည်။ခြံဝင်းကသေးငယ်သော်လည်းအရမ်းကောင်းလွန်းသည်အဘယ်ကြောင့်ဆိုသော်နေရာအနေအထားကအဓိကကျသည့်အပြင်ဈေးကလည်းအတော်လေးသက်သာသည်။

မူလကလီလျိူသည်ဒီနေရာမှာအချိန်အကြာကြီးနေရန်ရည်ရွယ်ချက်မရှိခဲ့ဘူးဖြစ်သည်။ထို့အပြင်ဒီနေရာကလှပစွာဆင်ယင်ထားတယ်ဆိုရင်တောင်ဒီလိုနေရာမျိုးမှာမနေခြင်ပေ။သို့သော်ဒီအိမ်ကမြို့လည်ခေါင်နှင့်နီးသည့်အတွက်အခုအချိန်အတွက်တော့ဒီခြံဝင်းသေးသေးလေးကအလွန်ကျေနပ်စရာကောင်းနေသည်။

လီလျိုကအချိန်ကြာမြင့်စွာမနေတော့ပဲအလျင်အမြန်ပင်ထွက်ခွာရန်ပြင်ဆင်မှုများပြုလုပ်လိုက်ပြီးသူရဲ့အိတ်များကိုထုပ်ပိုးကာရှီလင်းနိုင်ငံမှနေ၍အိမ်နီးခြင်းနိုင်ငံသို့ထွက်ခွာသွားလိုက်တော့သည်။

သူထွက်သွားရန်ပြင်သည့်အချိန်တိုင်းယူနီဗာဆယ်အသွင်ပြောင်းဆေးကိုသုံးပြီးသူ့အသွင်အပြင်ကိုအမြဲပြောင်းနေခဲ့သော်လည်းသူ့ရဲ့ပုံကရှီလင်းတိုင်းပြည်၏နေရာတိုင်းတွင်ချိတ်ဆွဲထားသည်။ပြီးတော့လည်းယူနီဗာဆယ်ဆေးလုံး၏အစွမ်းကလျော့ကျသွားသည့်အချိန်လည်းရှိလာနိုင်ပြီးထိုသို့ဖြစ်ခဲ့ပါကသူကတစ်ခြားသူတွေရဲ့အသိအမှတ်ပြုမှုကိုချက်ချင်းခံလိုက်ရမှာဖြစ်သည်။