ارواح عارية

البارت ٢٦

البارت ٢٦
بقلمي(zainab)عطر الورد
ارواح عارية
..........

مياسين..اول ما دخلت شافني طفة الجكارة وكام ..

سجاد...اشلونج مياسين ..
مياسين...زينه الحمد لله ..كعدت مقابيله صرت هو كعد يهز برجله احسه متوتر ..مايباوع بعيوني واني هم ماباوعت عليه ما اريد مثل كل مرة اضعف كدامه وهو يستغل ضعفي ...

مياسين..ها ليش جاي ...
حسيته استغرب من نبرة صوتي لان اول مرة احجي وياه هيج ..
سجاد..مبين كلبج هواي شايل عليه ..
مياسين..السويته وياي مو سهل يعني لو باقي شوي يمكن تموت ابني بس الله يحبني خلاه عايش ..

سجاد..بس اني من سمعتج هيج تحجين اتخبلت وماتحكمت باعصابي وصار اليصار ..
مياسين..جان المفروض تسمع مني بلاول ..
سجاد..انتي ضليتي ساكته وهذا الشي ماخله عقل براسي ..
مياسين..ضليت ساكته مو خوفي منك اصلا نسيت اشلون احجي وانته دخلت عليه حامي ...

سجاد..جر نفس ...مسح وجهة بايده ...
وبصوت ناصي ..
مياسين اني المريت بيه مو سهل يعني بليله ويوم حياتي انكلبت كلها الانسانة الوثقت بيها والجنت مأتمنها ع كل حياتي واطلع واني راسي بارد فجاءة تتحول الا وحدة حتى الساقطه..اشرف منها ولج انتي ماتعرفين شنو شفت وشنو سمعت اني زوجتي ام بناتي مسوية علاقة وي ولد وهي ع ذمتي فوك كل هذا انهزمت وياه وياريت بقت ع هاي اخر شي بعد ما ماخذ منها اليريده تاركها وتدرين وين لكيناها تشتغل بملاهي بغداد فرضا اني ما لكيتها ولا اهلها وهناك كبرن بناتي ماجانن يشتغل مثل امهن وحرام اسميها ام لان لو صدك هي تعرف الامومة شنو ما خلت بناتي هيج ...

لاتصورين اني من احجيلج هسة مرتاح والله النار مشتعلة بيه وكل موقف وكل لحظة اذكرها تشتعل بيه اكثر هاي النار جاي احترك من الداخل ...

مياسين..واني شنو ذنبي وانته تعامنلي هيج ترة اني مياسين مو سارة اني الابنية الحبتك من هي زغيرة وصرت حلمها وبيوم الزوجت بيه حسيت انكسرت وانهاريت وبعدين من رجع عمي وخطبني الك ما صدكت وكلت اني بحلم رغم كلها منعتني عنك حتى امي اني اتمسكت بيك وكلت مستحيل يخذني ومن شفت بعيونك ماكو حب الي حاولت وياك بس انته لاسف بقيت نفسك وصرت اطلع حركه سارة بيه ..

سجاد..مستحيل اني اعتبرج مثل سارة..
مياسين..لا انته اعتبرتني من يوم الطعنت بشرفي اول مرة كدام اهلك وما اهتميت واخر مرة قبل اسبوع ..

سجاد...مياسين خلينه ننسى الصار صدكيني طول هذا الاسبوع مانايم والله واصلا ببت ما ادخله مخلصها كله بشغل ما اكدر ادخل البيت وانتي ما موجودة بيه مياسين اني اتعودت عليج كلشي يذكرني بيج بارحة رجعت ودخلت للغرفة اختنكت لان انتي مو بيها اني اعترف كدامج جنت غلطان وياج وانتي كم مرة سامحتني ...

مياسين..اباوع عليه اول مرة يحجيلي ع سارة كله كلمه يحجيها الي طالعه من كلبه مصيبة ما اكدر اقسي عليه كلبي ما يطاوعني...