ارواح عارية

البارت ١١

(بارت طويل لعيونكم)

البارت ١١
بقلمي(zainab)عطر الورد
أرواح عارية

......
مياسين بقيت صافنة عليها وهي تحسب بفلوس واضمهن بجيبها..
زينة..شبيج صافنة لاتخافين ما راح اكلهن بس ادري بيج انتي ثولة اقصد ماتعرفين تصرفين بيهن اني اروح وياج واشتريلج الجهاز هذا الشي خلي عليه ..

مياسين..بس عمتي كالت وي رحاب جهزي ..
زينة..معليج خليها عليه وثانيا هم عندهم خير من الله شمالهم طلعت منهم بس هاي كم فلس فوك ما منطيهم مرة لابنهم يتمنون علينه بلفلوس هسة هو هذا الخبل منو ترضى بيه وياريت لو مستفادة منه اشو حتى لامخابرة لايجي يسأل ويكول عندي مرة حقها امج من ما قابلة عليه ما ادري ليش احس راح ترجعين علينه ..

مياسين..خالة شنو هلحجي اول شي سجاد عنده دوام وماعندة وقت وثانيا ليش ارجع عليكم اشو اني ما رايحة لغريب بيت عمي واعرفهم ...

زينة ..والله نشوف هسة يطلع الحجي مالتي صح ..
دور حتة امج اتبرت منج خاف تبقين علة ع كلبي ..

مياسين..استغفر الله انتي خالة بس تشائمين اتفائلي شوي هسة بيش طالبتني اطلك..

زينة ..هي مرته وشردت منه من جان صاحي الا هسة من مخبل وحدة تبقى يمه ...
مياسين..خالة معليج اني اعرف اصرف وياه واني مو سارة واشرد اني سجاد احبه وهو ابن عمي مستحيل انهزم منه لو اعوفه ..
زينة..هي امج منو بس لا هم مثل حظها ولو هي شبيها اشو عندها فلوس تلعب بيهن لعب قابل مثلي حصرة عليه شي بتوسل الا نحصل من ابوج خليني اروح اعجن احسلي .
مياسين.. والفلوس ...وينهن..
زينة..خليهن يمي باجر نروح لسوك ونسوك منهن ..

راحت واني بقيت بمكاني زين اذا حصلت شي من وراها خايفة لاكلشي ما تشتريلي ..

ثاني يوم طلعنه اني وياها وبنات اخواتي رحنه لسوك جان السوك هوسة ما اختاريت شي كل الاشر عليه خالتي ماتقبل وهي تختار بدالي اني مجرد بس وياها ...
زينة..شوفي هاي السيتات راح ناخذلج منها ..
مياسين..مو حلوات اريد من ذاك المحل شفت عنده شغلات حلوة ..
زينة..يا شبيهن اصلا يخبلن حتى اني راح اخذ واحد منهن ترة بعدني شباب وهم اريد اتونس شوي ..
مياسين..اخذي منهن بس اني ما اريد ..
زينة..خليني اخذلج كم قطعة وبعدين نروح لذاك المحل ..

راحت هي اختارت واني ما عاجبني شي لا الوان ولا موديلات حسيت خالتي هي العروس ردت بس اخلص من السوك لان لعبت نفسي اشترت لاخواتي ملابس هواي من الزينات ..

مياسين..شبقى من الفلوس اكو شغلات بالي اريد اشتريهن ...
زينة..ياا كل هاي الملابس والمكياج ونشتري بعد اصلا ما بقى من فلوسج شي بس يمكن ١٠٠ الف واذا تردين اخذيهن خاف تكولين اخذت فلوسج ترة اني ما ميته عليهن ..

مياسين..انصدمت يمكن كل شغلات الاشتريتهن ما توصل ل٤٠٠ الف ..اخذت ال١٠٠ خاف حتى ذولي تصرفهن..