(بارت طويل لعيونكم )
البارت ٧
بقلمي (zainab)عطر الورد
أرواح عارية
......
سلار ..انفتحت الباب امي وهي تباوعلي مصدومة
خديجة..شنو هذا ولج بيدج ...
سلار..بلعت ريك واني صافنة ما اكدر احجي اجت اتقربت مني لزمتني من زندي حيل ..
خديجة..ولج احجي منيلج هذا اتردين اسوينه مصيبة فوك مصيبة اختج ..
سلار..وبتلعثم لا يمة والله مو مالتي مال سارة...
تيهت ايدي وهي صافنة عليه ..
خديجة..شنو هاي شتحجين انتي ..
حجيتلها كلشي...
خديجة ...افتحي شوفي شبيه اكيد بيه شي راح يوصلنة النقطة...
ايدي ترجف...جان مقفول فتحته واني اباوع علية منتظرته يفتح امي يمي يمكن منتظره اكثر مني
فتح الموبايل همزين ما بيه رمز ..شفت اكو بيه
رسايل جانت قريت انصدمت ...
خديجة..ولج احجي شكو شبيه ...
سلار..اوكفي يمة شوية لا وحدة ولا اثنين رسايل
معقولة هاي سارة ما اصدك شفت الماسنجر...
هنا جانت الصدمة الأكبر...اباوع واني ما مستعوبة
اليصير ...
خديجة.. ولج احجي مو متت شني هاي...
سلار..باوعت لامي ..شوفتها الصور الدازتهن..
تباوعلهن وهي مصدومة لطمت ع صدرها..
عزا العزاج خديجة ولج هاي شمسوية صخام الصخمني اشلون اني ما عرفتج اربيج...
احجيلي هاي المن دازتهن ولج هاي فضيحة ...
سلار..يمة ما اعرف المن اصلا مجهول ...
جيبي هذا الموبايل اني اعرف المن انطيه ..
سلار..بس يمة هاي فضيحة وراح ايصير بعشاير واحنا السالفة انتهت الله يخليج سدي الموضوع ..
خديجة..شتريدن مثلا اسكت اصلا اختج جابتنه العار بس هسة نكدر نفصلهم ذولي ونأخذ فاصل ...
باوعتلها واني مصدومة ...
يمة شنو هلحجي تاخذين فلوس ع حساب اختي..
خديجة..انتي اسكتي مالج دخل بهل شغلات شوفي حالتنه وين واصلة ابوج راح يسجنوه واخوج وحده مايكدر يشتغل كوة يطلع ٥ الف بيوم وبس احنه وهسة محد ينطينه ربع دينار ع اقل نحصل كم فلس تمشينه ايام نسوي بيه محل شي ...
ما مستعوبة التحجي امي وتفكيرها اعرف بيها اتحب الفلوس لدرجة اخذت كلشي من ابوية وماخلت شي لاخواني من ابوية بس مو هلدرجة ضليت اباوعلها
واني ما اعرف شحجي وياها ...
خديجة..لاتباوعلي اني اسويه لمصلحتكم ولمستقبل الج ولاخواتج قابل نبقى نجدي ..شو جيبي هذا التلفيون..
اخذته وطلعت واني باقية بصدمتي اذكرت قبل ما حسن يزوج اشلون جانت تاخذ الفلوس منه ..
خديجة ..ها يوم شكد انطوك..
حسن..١٥ الف ..
خديجة..يا من غبشة لحد هسة بس ١٥ الف شو جيبهن..
حسن..خالة محتاجهن اني اريد اشتري بيهن كم شغلة واني صالي اسبوع انطيهن الج وما اخذ شي منهن..
خديجة..هو شمحتاج اشو اكل وتأكل ونوم وتنام بعد شنو هلصرف هذني يفيدنه ابوك ما يشتغل هلكاعد
واحنا صرفنه منهن هسة شمنطيني انته شو انطيني
