ارواح عارية

البارت ٢٠

البارت ٢٠
بقلمي(zainab)عطر الورد
ارواح عارية
.........
سلار...دخلنه للبيت شفت باب الاستقبال مفتوحة دخلنه اني ونور من المطبخ ..

شفت زهراء ...دتحظر بمواعين ..
سلار..منو يمنه ..
زهراء..عمتي ومحمد وزوجته ..
سلار ...كلبي نغزني من كالت زوجته ...
نور..يوم شعجب عمتي جاية النه اول تالي ..
زهراء..جاية تباركلنه ع بيت ..
نور..لا والله جاية اشوف وين صرنه وشنو اخبارنه خصوصا هسة احنه بعيدين عنها لازم تعرف شكو ماكو ...

زهراء. عفية بدلن وتعالن ساعدنه ...امي كاعدة يمهم ..

سلار..مشيت واني اريد اشوفه ما اعرف فضول لو شنو رحت بدلت نور ضلت تراسل بموبايل اكيد وسام ..

طلعت ما اعرف ادخل اسلم لا ...

ضليت مترددة شفت امي طلعت من الاستقبال ..
خديجة..هاي يمته اجيتن ..
سلار..قبل شوي ..
خديجة..هاي عمتج سطرتني جايبه هدية سيت مواعين طلعتهن من خشمنه لو ما جاية مو احسن الها خسارتها اكثر من ربحها روحي سلمي عليها ..
وتعالي ساعديني خلينه نفرش السفرة ..

امي راحت بقيت اني باب الاستقبال ...قويت نفسي
شفت نور طلعت ...
سلار..عفية تعالي ادخلي وياي سلمي ..
نور ...اوف هم تعالي بوسي والله مالي خلك كلش ..
سلار..ليش شبيج وسام محاجيج بشي ..
نور...ها لا بس تعبانه وتعالي جاملي مابيه حيل ..
سلار..دتعال ادخلي شنو مودينج بحرب وتخافين ...
نور..اعرف ليش صحتني ما تردين ادخلين وحدج واشوفينه ...
سلار..بلا لغوة زايدة وتعالي ادخلي ..

فتحت الباب صارت كبالي عمتي  ..

ام محمد..هلا بسلار عاش من شافج ...
رحت سلمت عليها جان هو ومرته كاعد ع جهة ...

صعب الموقف حاولت اكون هادئة نور سلمت عليها وضلت تسالها ع وسام شافتني مرت محمد رباب وكفت وهو يمها مشيت خطوات ابتسمت بوجها ..
سلار..اشلونج حبيبتي ..
رباب..الحمد لله ..

باوستها وهو يباوع عليه كعدت ...باوعت عليه  ..
سلار..اشلونك خوية محمد ...
شفته انصدم من كلته خوية تقصدت اكول هيج كدامه ...

محمد..هلا بسلار زين ان شاء الله انتي زينه اشلونج وي السادس ..
سلار..الحمد لله زينه بيه ..

اجت نور وسلمت هم عليها ..وع محمد ضليت واكفة واني اشوفها يمه كاعدة جانت لابسه فستان اسود وبيه ورد احمر كلش حلو وشال احمر ومكياج خفيف صدك حلوة ضلت عيني عليها...

شفت محمد باوعلي شلت عيني منها ...

امي صاحتنه ..
خديجة ..يلا بنات تعالن افرشن سفرة الاكل راح يبرد ...

طلعت اني ونور فرشنه السفرة وخلينه الاكل امي صاحتتهم هم اجو جنه مسوين فاصوليا ودجاج هم شوي ...سمعت عمتي كالت ...
ام محمد..يا مسوين فاوصوليا رباب تحبها اشتهتها لان خطية تتنسى عليها ...