ارواح عارية

البارت ١٢

البارت ١٢ 
بقلمي(zainab) عطر الورد
ارواح عارية ..
....

سجاد..اباوع عليها مثل المتفاجئة صوت الموسيقى والناس ما سمعت شحجت ...
سجاد..تعرفيها لو لا ...

شفتها اشرت ع اثنين واني وضرغام بعدنه واكفين ..
اجو ولد اثنين معضلين وطوال اتقربو يمها ما اعرف شحجو واني واكف ع نار اريد تحجي اكول شي ...

بعدين كامت ...اتقربت مني ...همست باذني
تعال وراي ..طلعت كدامي ..
ضرغام..شكو اجي وياك لو شنو ..

سجاد..ابقى هنا ..
لزم ايدي ...
ضرغام..اشلون تروح وحدك ..
سجاد..شبيك قابل وين رايح ابقى هنا شوي واجي وراك انتظرني ...

رحت وراها ...دخلنه بمرر بيه غرف تبديل مال ملابس هي تمشي الولد تركونه ...

دخلت بغرفة ..اني ضليت واكف ..متردد ادخل او لا بس قابل شيصير دخلت وراها خلت شال فوك صدرها لان جانت لابسه كله دلع كعدت ع كرسي وهي تورث جكارة رجل ع رجل اني واكف صافن عليها ..

نرجس...ماتكعد ليش صافن ..
سجاد..انتي منين تعرفين سارة ...
نرجس..وهي تاخذ نفس وتباوع لسجاد ..اعرفها من اول ما اجت ...

سجاد..سحبت الكرسي وكعدت مقابيلها ....
احجيلي وين واشلون تعرفيها ويمته شفتيها ..

طلعت من جيبي فلوس حتى ما حسبتهن شكد انطيتهن الها ...

سجاد..شتريدين انطيج بس احجيلي عن سارة ..

نرجس..وهي تخلي الفلوس بصدرها ...
شوف اني اعرفك لان سارة مرة شوفتني صورتك ..

ضيقت عيني ...وبلعت ريك من حجت هيج ...

نرجس..وهي تضحك شبيك استغربت ..اصلا كلشي اعرف اني عنك هي حجتلي ...
سجاد..احجي لخاطر الله ..
نرجس..اهدى يحلو هسة كلشي احجيلك ..بس شوي اخذ نفس وارتاح ..وهي تغمز اله ...
سجاد..وهو معصب بس مايريد يفقد اعصابه ...
اني مرتاح بس احجي ..
شوف اني شفتها فجاءة بشارع هي وبناتها ...
جانت بحالة خوف وترجف الصراحة من شفتها هيج
انقهرت عليها ..عرفت وراها شي اخذتها وياي لبيت مالتي وهي ما مانعت بلعكس احسها فرحت ..

ضلت وياي فترة ساكته بس بعدين بدت تحجيلي واول شي  حجته الي هو  عنك ...

سجاد..ما اريد عني كوليلي اشلون وصلت لهاي الحالة ..
نرجس..والله سارة غبية من خلت هيج واحد مثلك ..حجتلي مختصر جانت ع علاقة بواحد بموبايل من سنتين وحبته اخر شي قررت تنهزم وياه بس من شايف بناتها وياها ومسئولية ما باقي وياه اسبوع وتاركها ..

واني شفتها وجبتها يمي من شافت شغلي والبنات اشلون يمي يشتغلن قررت تشتغل وياي بس مو هنا بغير صالة وبيوم ما اجو عليها جانت بالبيت وحدها
هي وبنات ماخذيها ورايحين ...وبعد ما عرفت عنها شي ..

مخلي ايدي ع راسي واني ما مستوعب التحجي ...

اشلون مهزومة مني والحب ونظراتها وحجيها الي كله جذب واني طلعت الغشيم ...