ارواح عارية

البارت ١٥

البارت ١٥
بقلمي(zainab)عطر الورد
ارواح عارية

(بليز ..صوتو ..وتفاعلو😍😍)
..........

خديجة..هاي بنتي نور الوسطانية ..
المرة..اي والله دخلت كلبي وابني خوش ولد عنده شغل وحتى اذا بيت يسويلها واحنه عندنه خير من الله...
خديجة..بس بنتي بعدها زغيرة وتدرس عندي بنتي الجبيرة ع وجه زواج ..
المرة..يا زغيرة غير اني بعمراها عندي اثنين جهال اني عجبتني بنتج ورايدتها لابني وسام ..
خديجة..وابنج شكد عمره ..دارس لو شنو
المرة..ابني البكر وسام عمره ٢٧ مبطل سادس اعدادي لان شغل ومايريد دراسة وعنده سنتر مال كهرباء وهيج شغلات واحنه ام حيدر تعرفنه والحمد لله وانتو بعد بكيفكم عود اذا قبلتو وصارت موافقة دزو خبر بيد ام حيدر علمود يشوفها وان شاء الله خير يلا اني استرخص ..

سلار..اكلج ذولي نسوان شيريدن وشنو طلعن لو بعدهن ..
نور..والله ما ادري هسة امي هي تجي اسولف تعرفيها ما ضم شي ..

واحنه نحجي دخلت امي ..
نور..يمة ذني منين النسوان ..
خديجة..هذني جوارين مرت خالج ام حيدر ..
سلار..اي شيريدن ليش جايات علينه ...

خديجة..اطلعي نور عندي حجي وي اختج ..
نور..ليش اطلع اريد اعرف شكو ...
خديجة..جاين خطابة ...
سلار..ها اكيد خالتي ودتهم ...يخطبون منو
خديجة..شافن نور وتعجبن بيها ...
سلار..اكيد رفضتي نور مو مال زواج ..
خديجة..لا كلتهم انفكر ..
نور..يمة شنو اتريدين ازوجيني ..
خديجة..هسة اني كايلتج ازوجي كلتهم نشوف ترة ما بيها شي وهسه نسال مرت خالج عليهم نشوف شنو وضعهم حالتهم المادية ..
سلار..يمة انتي صدك تحجين مفروض اترفضين اول ما كلولج ..
خديجة..وليش عيني نرفض ترة هسة بعمر اختج كلهن يزوجن ..واذا خوش ليش لا احسن مما يجي واحد ما بيه خير لو من اهل ابوج ويضلون يعيرون بينه ع اقل هذولة خوش ناس واذا نور ازوجت او اي وحدة بيجن تعرفن راح شكد ناس تسكت ..

سلار..بس مو علمود ناس اتروحين ازوجيها اي واحد ..
خديجة ..وهسة قابل شصاير واكلتني حاصل فاصل ...انتي ضلي بس لسان ضلي ع كلبي هنا ..
اني اروح اكمل شغلي احسن مما اضل يمكم ..

نور..سلار ..شراح يصير يعني راح اني ازوج ..
سلار..لا حبيبتي منو كالج تزوجين بعدج انتي مو مال زواج لاتفكرين هيج ..
نور..ما اعرف ولا بالي هذا الموضوع ..
سلار..لاتهتمين ولا تخلي بالج ابد ..
نور..امي اذا خلت شي بالها اسويه ..
سلار..معليج كولتج لاتفكرين بموضوع ..فهمتي ..
نور..اي خوش نشوف شيصير..

راحت نور واني ضليت افكر معقولة امي اسويها وازوج نور بس بعدها اكيد اقتنعت لان عندهم افلوس الله يستر من الجاي شنو راح يصير ..

مياسين..سجاد كلش بارد وياي شكد ما احاول وياه ماكو فايدة مرات احس مالي وجود بحياته الكل لاحظ هذا الشي المصبرني الوحيد البنات لان مالهن احد انقهر من اشوفهن هيج هنه اتعودن عليه لان امشط وابدل الهن صارن متعودات عليه ...