ارواح عارية

البارت ٩

البارت ٩
بقلمي (zainab)عطر الورد
أرواح عارية

......
سلار..فتحت الباب وما احس الا شعري بيد حسن ..
حسن.. وبصوت عالي ولج انتي هم اتريدين اجيبنه العار خاف ذيج دفنتها انتي انتي انطيج لجلاب خليها تاكلج...

وما احس الا دفرة بطني من الوجع ما اكدر حتى احجي راسي ما احس بيه ...ع صوته اجت امي واخواتي واني تحت ايده بس دموعي تجري ولازمه شعري بيدي ..

خديجة..ولك هاي شمسوي باختك الله لا ينطيك شو وخر عنها انته منو حتى اسوي بيها هيج ...

حسن..هاي بنتج الثانية اليوم مدري ويامن صاعدة واجو كالولي كدام الناس حتى ضليت خانس ما اعرف شحجي ما كافي سارة تجي الثانية هم ...

خديجة..شيل ايدك عنها واياك تتدخل بناتي فهمت وهذا بيتي بعد اذا اشوفك تخطي خطوة يم الباب اشتكي عليك ..

حسن..نسيتي بناتج هنه خواتي واني هسه مسئول عنهن شوفي اني ساكتلج احترام لعمرج بس لا تخليني اطلع كل ضيمي بيج وانسه انتي منو سلار اختي وبعد رجليها اذا خطت باب الشارع اكسرها ...
منا وهيج لا مدرسة ولا شي تكعد بالبيت و تسكت

اني بين وجع جسمي وبين الاسمعه ابجي اريد افك حلكي وتحجي ما اكدر احس لساني ربط اشوف حسن اشلون يباوعلي بنظرة كره واشمئزاز ما احسه اخوية يمكن العدو ارحم منه اجت نور وهي تبجي ع حالتي  التبجي اي واحد شعري مكطع ايدي زركه صارت وضربني راجدي احس خدي خدر...

خديجة..مو بكيفك فهمت لاتنسى اني منو ...وبناتي يبقن يدرسن غصبا ما عليك مو ع تالي وكت انته تتحكم بيهن ...

حسن..ماناسي انتي منو ولا راح انسى هذا البيت التتباهين بيه بيتج هو بيت امي هذا العز الانتي بيه بفضلنه اني وامي وشوفي حالتج هسة حسرة عليج
العلاكة مرة الثانية اي وحدة تغلط بيهن راح تلحك اختها وهذا اخر تحذير الجن سمعتن ...
طلع وطبك الباب ..

سلار..كومتني نور وما احس بروحي الا اني بمستشفى..مغذي بيدي فتحت عيوني هوسة يمي
ريحة الديتول بمستشفى باوعت جانت بس امي يمي
دمعت عيني من شفتها واني اذكر حسن شسوه بيه اول مرة يمد ايده عليه ...

خديجة ...الله يكسر ايده شوف شمسوي بيج الله لا ينطيه خلفه ع محمد همزين خابره علي واجه بسيارة اخذاج اجيتي تموتين بيدينه...

من سمعت اسم محمد صرت ابجي اكثر يعني شافني بهاي الحالة صرت اكره كلشي ...انتظرنه يخلص المغذي ودكتور ضل يستفسر من امي خاف اعتداء لو شي وجع براسي مو طبيعي ...

طلعت من المستشفى شفت محمد وعلي واكفين ...
لزمت ايد امي واني كوة امشي لان دفرني ع بطني
لزمتها  ودايخة واني امشي اجة تقرب مني محمد ...

محمد..تعالي اساعدج الزمي ايدي وامشي ...

ما باوعت عليه بس بعدت ايدي عنه هو عرف ما اريد مساعدته...