ဖုန်းကိုကြည့်နေတုန်း ရေချိုးခန်းထဲက ရေသံရပ်သွားတာကြောင့် ဖုန်းကို ပြန်ချထားလိုက်တော့ပြီး ခုနကလို ပြတင်းပေါက်နားပဲ သွားရပ်နေလိုက်တော့တယ်...Bathrobe အဖြူနဲ့ထွက်လာတဲ့ကောကို မြင်မြင်ချင်း ပြုံးပြလိုက်ရတယ်...။ ခေါင်းရေစိုကိုသုတ်ရင်းနဲ့ ထွက်လာတဲ့ကောက ကျွန်တော့်ကို မြင်တော့ အံ့ဩသွားပုံပင်...
ကျွန်တော့်နားလျှောက်လာပြီး စကားလာပြောနေတာမို့ ပုံစံမပျက်အောင် သတိထားနေလိုက်ရသည်...။ အခုအခြေအနေက ဘာမှန်းမသိနိုင်သေးဘူးလေ...
" ကျန့်ကျန့် အစောကြီး ပြန်ရောက်နေတယ်..."
" အင်း...ပါးက ဒီနေ့စောစောပြန်လို့ရတယ်ဆိုတာနဲ့ ဈေးဝင်ဝယ်ပြီး ပြန်လာလိုက်တာ..."
" ကောင်းသားပဲ...ဒါဆို ကောအင်္ကျီလဲလိုက်ဦးမယ်...ပြီးရင် ညစာချက်ပေးမယ်နော်...။ မင်းရေချိုးရင် သွားချိုးတော့လေ..."
" မချိုးသေးဘူး...ကောအင်္ကျီလဲတာကြည့်ဦးမယ်..."
" အယ်...ဘာကြည့်မှာလဲ..."
" အော် ကိုယ့်ယောင်္ကျားကိုယ်ကြည့်တာပဲ...ကျွန်တော် ကူလဲပေးမယ်လေ..."
ကော Bathrobe ကြိုးကိုဖြည်ဖို့ လုပ်လိုက်တာနဲ့ ကျွန်တော့်လက်နှစ်ဖက်လုံးကို ဆတ်ခနဲချုပ်ကိုင်လိုက်ကာ စိတ်တိုသွားတာလားပဲ...။ အသံတော်တော်မာသွားတာမို့ လန့်တောင်လန့်သွားမိတယ်...
" ကိုယ့်ကို အဲ့လိုမလုပ်နဲ့ မကြိုက်ဘူး...အိန္ဒြေရရနေနော်..."
လက်ကို စောင့်ရုန်းလိုက်ပြီး အခန်းပြင်ပဲ ထွက်လာလိုက်တော့တယ်...။ ကောကို အဲ့လိုလုပ်တိုင်းစိတ်ဆိုးနေကျပဲမို့ အထူးအထွေလည်း ပြောမနေချင်တော့ဘူး....။ ကျွန်တော့်ရည်ရွယ်ချက်က အင်္ကျီကူလဲပေးရင်း စကားအစ်ချင်လို့ပါဆိုမှ...
မရတော့လည်း နောက်တစ်နည်းအနေနဲ့ ကောပြန်ထွက်မလာခင် ခြံထဲထွက်လာလိုက်ပြီး ခြံဘေးကနေ အိမ်ထဲကို မြင်နိုင်တဲ့ ပြတင်းပေါက်နားမှာ သွားပုန်းနေလိုက်ကာ ကောလှေကားက ဆင်းလာမှာကို စောင့်ကြည့်နေလိုက်တယ်...
![](https://img.wattpad.com/cover/224003337-288-k208988.jpg)
YOU ARE READING
Endless Flowers [Completed]
Fanfictionပန်းတစ်ပွင့်ထဲ ပေးတယ်ဆိုတာ မင်းကို မြင်မြင်ချင်း ချစ်မိတယ်လို့ ဆိုလိုတာပါ. . . ဒါဆို ကျွန်တော့်ကို ချစ်တာ လန်ကျန့်လား ၊ ရိပေါ်လား. . . Lanzhan 💙 Xiaozhan ❤️ Yibo 💚 ပန္းတစ္ပြင့္ထဲ ေပးတယ္ဆိုတာ မင္းကို ျမင္ျမင္ခ်င္း ခ်စ္မိတယ္လို႔...