⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️
❌القصة ممنوعة من النشر او الاقتباس
...
شهقت شافية غاشهقة و دارت ترمي الشوفة في لباب و رجعت لالاها حسناء : ويلي ا لالة اش تتقولي غايسمعك شي حد حسناء بدات تغبن عليها و تطلب : عافاك اشافية معندي غيرك لي عاوني منقدش نزيد ساعة من سويع الله هنا بغيت نمشي فحالاتي شافية : الالة ميمكنش ليك ا لالة العسا برااا حاضيين الدخيل و الخارييج حسناء شدت ليها من يدها : غير عطيني لباسك و لثامك و غانخرج و منساش ليك هاد الخير واخا نموت شافية : الالة ميمقدش غيقتلوني لا درت هاكا و حتى لا عطيتك شراوطي ماغتخرجي من هنا تيعرفو وجهك و صورتك حسناء : هااااعااار ربي معاونيني راني تقهرت و مقادا نزيد ضربة هنا و يرجع يبغي يتعدا عليا هاداك شافية : ويلي ا لالة شكون هادا لي في ملك الله يقدر يتعدى و لا يكمل في مرات سيدي الشوفة حسناء تغبنت : سييدك نيييت بغا يتعدى عليا شافية : ويلي ا لالة حماقتي سيدي راه راجلك حسناء : دابا عافاك ماخرجيني من هنااا الله يرحم باباك شافية : عافاك نتي الالة مديريش هاكا غيقتلوني حسناء : لالالا مغيقوليهم حد نتي لي عملتي غا خرجيني شافية : لا لا لا عافاك ....بقاو يترادو مرو تقول شافية عافاك مرة تقول حسناء عافاك حسناء : لابقييت هنا غنموووت ا شافية غنموووت و مغيطلعش ليا النهار الثاني ...سكتت شافية بقلة حيلة تال لموت متقدرش تهزها على رقبتها و قالت ليها تعطيها فين تفكر ليها .... حسناء تلاحت و عنقتها و تشكر فيها على هادشي لي غادير معاها ... و تبسيمة ضوات في وجهها تبانو سنيناتها عطاتها زين و بشارة وحدة اخرى ...خرجت هي وشافية غاديين طارقين طريق الدروج ...و لمحو عرشية واقفة عندهم ...شافت عرشية تبسيمتها كيف قمر الزمان
عرشية غي خلطت عليها : تبارك الله على لالة ربي يحجبك من العين ...بقات حسناء بتبسيمتها لقات خرجة تخرج بيها فحالاتها و ترجع لخربة باها ... نزلت مع عرشية غاديين لطريق الصالون ....غابدات تقرب و هي توقف نفسها مقبوضة من ديك السيدة المشرارة ...منساتش اش عملت فيها يامس عراتها و شككت فيها عرشية : زيدي الالة مالك وقفتي ....تنهدت و زيرت على راسها و عفطت على قلبها غادوز هاد الصباح كيف جغمة السم و مغتعودش تشوفها مرة اخرى في حياتها و ترجع لمنين جابوها ...تمشات مع عرشية و شافية بقات واقفة عند القوس ....توصلت لباب الصالة و حطت شربيلها و عرشية سبقتها في الدخلة
عرشية : هاهيا الالة جات ...حسناء حدرت الراس و دخلت كتمشا و يديها جامعاها قدامها ....تحت من الشوفة تاع سلطانة ...و القايد متكي على دراعو مكمش الجبهة و عينو كحلة كيف البارود عليها ... زاغية كتعشقها ...فك الغوباشة و نقس من السوط ... برداتو غامن الشوفة وزنها من ساسها لراسها (طلعها و نزلها ) ...كل يوم كتزيد تحلا و تزيان في عينو
سلطانة تبسمت ديرا الوجه زوين و صويتها خفاف و ضراف : تعالي جلسي هنا حدايا
Oops! This image does not follow our content guidelines. To continue publishing, please remove it or upload a different image.
