SECRETLY LIKE YOU ❦ ( BL STORY ) R-18+ | COMPLETED

CHAPTER 12 : Choose

SECRETLY LIKE YOU
CHAPTER 12 : Choose

“SAAN KA BA GALING?” ang tanong noon ni Hazel sa professor. “Lumabas ako. May binili lang ako sa store na malapit. Sorry hindi na ako nakapag-call o text sa iyo.” Tugon naman nito.

“Uhmm. Okay lang.” Napatango- tango ang dalaga ngunit mapapakunot noo nalang siya nang mapatingin sa buhok ni Zayne na basang- basa. Kaya naman tinanong iyon ni Hazel subalit sinagot naman siya nito na dahil lang sa pawis iyon, doon napaisip ang dalaga na sana nga ganoon nga iyon at hindi 'yung sa kung ano man ang kanyang hinala ngayon.

“Tara na?” ngiti ng professor. Napatingin pa si Hazel kay Zayne noong mapailing nalang siya. Impossible nga din naman.

Habang nasa biyahe sila nangingiti ang professor na iniisip ang kakulitan ni Astran kanina, hindi din niya malimutan kasi 'yung nangyari sa kanila sa banyo. Para siyang nasisiraan sa paglipad ng isip at natatawa pa siya. Sa kabilang banda naman hindi din maiiwasan noong oras na iyon na mag- usisa ng dalaga na nagtataka at napatanong pa ‘kung bakit tila yata lumilipad ang isip ng professor at sobrang laki pa ng kanyang mga ngiti sa labi?”

‘“Nothing!” sabi lang ni Zayne saka nalamang napatahimik ang dalaga at tinitigan pa ito. Inalala niya ang mga ganap kanina noong hanapin niya ito. Sinadya niya tunguhin ang room kung saan naroon ang mga players. Pero pagdating naman niya doon ay nakalock na ang pinto. Marahil wala ng tao sa loob. Iniisip niya ‘kung saan kaya nagpunta si Zayne?’ Nag-decide siyang umalis, pero sisimulan pa lamang niyang humakbang noon ng konti nang may marinig siyang agas ng tubig mula sa loob. Kaya naman hindi siya nag-atumili na kumatok.

“Hello! May tao ba diyan? Zayne! Zayne! Zayne! Si Hazel ito!”

Atsaka naman kumatok pa siya nang paulit- ulit tapos bumukas ang pinto at hinarap siya ni Astran.

“Anong ginagawa mo dito, Ma'am?” tanong nito sa kanya.

Napatingin naman ang dalaga noong itulak niya ang pinto dahil sa pagtatago nila sa likod ng pintuan ngunit magugulat siya ng makita na nakahubad ang binata at nakatapis lamang.

Magbababa ito ng tingin. “Si Zayne pumunta ba siya dito?” tanong niya.

“Oo kanina pumunta siya para maghatid ng drink pero umalis din.” Turan naman ni Astran. Babalakin pa sana pumasok ni Hazel sa loob ngunit hinarangan siya ng binata.

“Ma'am! Bawal po dito ang babae, may kasama po ako sa loob nagbibihis kami.” Wika nito para matigilan siya.

“Ah ganoon ba? Pinapunta ko kasi si Zayne dito, hindi pa siya bumabalik. Nagbabaka- sakali lang na nandiyan siya. Pasensiya na.
Sambit pa nito noong matawa lang ang binata at sabihan siya nito na ‘bakit naman mage-stay ang professor sa banyo, for what?’ Atsaka na siya umalis.

Sa kabalikang banda pagkasarado ng pinto ay agad nakahinga ng maluwag ang binata saka niya tinungo ang shower room kung saan iniwan niya si Zayne. Nakabukas ang shower at hubad itong naliligo habang nakatulala lang. “Si Ma'am Hazel mo ba iyon?” tanong nito. May pag-aalala sa tono ng boses nito saka nito sinabi sa kanya na nakalimutan niya ang tungkol sa dalaga. Dapat hindi nalang nila ito basta basta ginawa. Masiyado silang nagpapadala sa damdamin nila.

“So you are regretting what happen to us?” wika ng binata, napa-cross arms pa siya.

Napabuntong hininga si Zayne saka napaduko bago ay nagtaas noo, pinatay ang shower, at lumapit sa kanya. “I'm just saying I hope it never happened—”

“Saan ba pupunta iyon? Hindi ba doon din iyon Si—” pagputol ni Astran.

Bahagyang ngumiti ang professor. “But that doesn't mean I regret it and I don't like what happened to us today. I am happy. See you!” Dagdag nito sabay pisil sa ilong niya saka na ito nagsuot ng mga attire nito kanina atsaka umalis. Lihim na mapapangiti ang binata. Alam niyang may bumabagabag sa professor dahil sa namumuong relasyon sa pagitan nila na hindi puwede sa mata ng iba,  pero sa mga simpleng ganito lang ni Zayne ay napapasaya na siya. Ibig lang sabihin niyon ay may feelings din talaga at hindi narin sarado ang puso at pakikitungo nito sa kanya. Bukas ang pintuan nito sa chance na nais niya.