حسناء القايد (قصة رمضانية في طور الكتابة )

11

🌙حسناء القايد🌙
👑oumaima mega 👑
⚡35⚡

بقات غادا على طول داك السطوان و هما تابعينها تشوف في البيبان كيف مسدودين و الحيوطة مزينين...تحست بيد عرشية تاني دفعتها و دورتها لجيهة اخرى ...وحد القوس كبيير و عاليي ...و رجعت تمشا تاني كتشوف في لاخر ديل هاد القوس بااااب كبييير و بالخشب المنقوووش ....حتى وصلوها ليه ووقفو و هي واقفة معاهم فحال الضيفة ماتحني ما تدني ...عرشية شدات من بانيي الكبار تاع الباب بجوج يدين و فتحااتوو ....قدام عينيها تشووف و دارت عند حسناء : دخلي ا لالة لجناحك ...حسناء شافت فيها بالخف زعمة انا ورجعت عينيها لباب و دخلت تخطوي و تشوف ...و هي تفتح عينيها و فمها و فهااات في داك الجناح ...لي كان فحال جناح الطاووس ...يدير من دويرتهم جوج ... كبير و عالي ...و وسطوو سرير كاع نقشو كيف الطاووس ...و مغطي بالخوااميي غاا الرفييع ...فيه جلسة بلدية بطويبلتها و بمخادها زييينة و كبيييرة ...و عاد دفة مغطية بالخواميي ... كانت غا مبهوضة تشوف ...تادوا صوت مراوي

فاخيتة كانت واقفة تما و تدوي و تعيوج : دادة عرشية حمام لالة واجد و موجود...و بقات تطلع و تنزل في حسناء لي خاص يكون مقامها غير تحت رجليين و تحتقرها بشوفتها ...حسناء جاتها فحال جلالة و دوخة

عرشية منزلة الراس : لالة ؟ (باقي معرفتش اش سمها ) اش سماك الله ا لالة
حسناء بقا بحيشها بريشها كلشي صقل يتسنا فيها و هي غا تشوف عاد عرفت المعنى عليها : ءءءء؟ انا حسناء حسناء
عرشية : لالة حسناء راه لحمام واجد وسخون وكيتسنا في مولاتو تعالي باش تغسلي ... حسناء هزت ليها غا راسها و تدور عينيها بيناتهم ...فاخيتة باقا غاتشوف فيها و تنبش ليها على العيب لي فيها
عرشية دارت عند العالية : فين حويج لالة حسناء
العالية هزت ديك الرزيمة البالية : هما هادو ا دادة عرشية ... عرشية تبهضت و تنهدت الحاصول اش غتسنى من عروس جاية من الناس لدراوش ...و رجعت فيها الشوفة باش تقوليها يلاه لقاتها باقا ديخا غا مع سقف الجناح و ضواوو ...عمرها لقطت عينها هادشي و حتى في خيالها مكنتش توصل لهاد المقام و تسرح فيه ...تا خرجوها تانيي من تم على قد قياس خطيواتها و داوها في السطوان ...و فاخيتة غا تابعاهم مع العبدات و تعيب على مشيتها و على لباسها ...توصلوها لوحد الباب مختالف على كاع للبيبان واقفين فيه جوج خدم مكفضات الكمام و مفتوح غا من جيهة و الدخاخن خارجة منوو ...حسناء حالها حال داك الاطرش لي حطوه في زفة ...عينيها غا مزيدين يتبهضو ...دخلوها لداك الحمام لي كان سخووون و كبير و فحال البرمة كبيرة فوقو روبيني كبير مدهب و كيطلق الماسخون ...و فيه كل ماهيا صابون الحجرة و طاسة ...كاع دوك تقيوتات تاع الحمام ...حسناء مع دخلت باش تشوف داتها رجليها تا غوتت اغوتة كانت غاتزلق كون ما دادا عرشية حاضية معاها و شدتها ...فاخيتة غا مكتزيد تنقص منها ... دخلو العبدات بربعة و فاخيتة خامستهم و سدو للباب عاد وقفوها يشوفو فيها و تشوف فيهم