⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️
❌القصة ممنوعة من النشر او الاقتباس
...
القاسمية سدت الباب : اش قالك ...حسناء حيدت الحايك و تمشا بلا هدرة بلا كلام لبيتهم ...دخلت و شدات الركنة و تكونت على راسها و هبطت عينيها لرض و طلقاتها بالبكاوات و نحيط ...القاسمية جات لعندها و جلست قفازية غير من دموعها باين الجواب
Oops! This image does not follow our content guidelines. To continue publishing, please remove it or upload a different image.
محمد
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
🌙حسناء القايد🌙 👑oumaima mega 👑 ⚡27⚡
القاسمية : مبغاش ياك ؟ (حسناء هزت فيها عينيها تكبع و تبكي ) دابا غتحطي حجرة ابنت ميمتي على قلبك كيف حطيناها حنا كاملين على قلوبنا و غتزوجي بسيد القايد هادي القسمة تاعك و حقك لي عطاه ليك الله ماشي مع محمد و ليني مع سيد القايد حسناء : هيء هيء مبغيتش نتزوج بهاداك سيدهم القايد مبغييتش القاسمية : زهرك لي كتبكي عليه حنا باغين غير طرف منو حسناء : هيء هيء عافاك اختي ديري شي حاجة القاسمية : لي عليا درتو دابا غتسمعي للهدرة و تحدري الراس ... ماجات فين تكمل هدرتها حتى دخلت عليهم سميحة تجريي : مييي جااات القاسمية دغيا دارت عند حسناء نغزتها نغزة قاصحة : مسحييي دمووعك ... و ناضت من حداها حسناء حطت صخرة على قلبها و بدات تمسح دموعها لي موقفوش كتحس بوخزة كتألمها لداخل .... لالة هنية داخلة بحيكها فرحانة كانت ديعا على الديور تعلمهم بهاد البشارة و تديعها ....قال قال سيد القايد دوا في بنتها الصغيرة ...مشات نيشان دخلت و جلست في بيت بنياتها كاع ركابيها درووهاا و كتحيد في الحايك
هنية : اييه هه دقيت كل ما هو باب باش يعرفو بنتي غتولي عروس في الدار لكبيرة وماشي اي دار كبيرة دااار سيد القايد (و دورت عينيها لحسناء لقاتها واهلي(بعيدة) مخشية في الحيط و دموعها هابطين ) تي مالكي هاويلي ساريا تنزلي فيهم كيف الشلال حسناء تفركعت بالبكا و طلقتها على مولاها : مبغيتش نتزوج بسيدكم القايد مبغيتش غير خليني معاكم هنية و هي تهبط عليها حنكها و دور تشوف في الباب : هااااويليييي على بنت كرشييي غيسمعنا شي حد كين شي جرانة كتهرب من دار العرس حسناء : مبغييتش هادي دار العرس علاش انا ؟ عطيوه لوبانة تاهيا صغيرة هنية هزت البلغة و شيرت عليها باش تسكت و تسد داك الدلقوش جات حدا رجل حسناء و باركا تخرج فيها عينيها : غا تسكتي لا واش سيد القايد معاه المزاح ختارك نتي هي نتي غتعاود غير الصلاة على النبي من وراه (حسناء كتنخسس ) مكينش بنت المرا لي متحلم تكون في بلاصتك و نتي تقولي علاش انااا هاويليي على بنت كرشي واخا تكون هبيلة بنت هبيلة كلشي يتمنى بلاصتك تمن خواتتك و نتي تبكي عليها حسناء : هيء هيء انا مبغييتش بلااصتيي ....يلاه جات بغات تنوض ليها تفرسها على هاد الهدرة تاسمعو في الباب دقة صحيحة هنية دارت دغيا : القاسمية سيري شوفي شكون مول الدقة ....القاسمية هزت سبنية دارتها على راسها و مشات للباب : ا شكووون موول الدقة جاوبت من ورا لباب صوت مرا كبيرة : انااا لالة عويتقة مرت السي الحاج التهامي حليي ا القاسمية ...القاسمية شهقت غا شهقة و دارت تجري راجعة عند ميمتها : مي مي هادي لالة عويتقة هنية غا سمعت اسمها ناضت دارت حيكها و مشات لباب و القاسمية تابعاها و بقاو خواتات حسناء يصبرو فيها و يبردو ليها قلبها
